Friendship Day :ਫਿਲਮਾਂ ਦੇ ਨਾਲ-ਨਾਲ ਅਸਲ ਜ਼ਿੰਦਗੀ 'ਚ ਵੀ ਦੋਸਤੀ ਦੀ ਮਿਸਾਲ ਹਨ ਇਹ ਜੋੜੀਆਂ
8/4/2019 10:38:59 AM
ਮੁੰਬਈ(ਬਿਊਰੋ)— ਅੱਜ ਫ੍ਰੈਂਡਸ਼ਿੱਪ ਡੇਅ ਹੈ, ਭਾਵ ਦੋਸਤੀ ਦਾ ਦਿਨ। ਫ੍ਰੈਂਡਸ਼ਿਪ ਡੇਅ ਹਰ ਸਾਲ ਅਗਸਤ ਮਹੀਨੇ ਦੇ ਪਹਿਲੇ ਐਤਵਾਰ ਨੂੰ ਮਨਾਇਆ ਜਾਂਦਾ ਹੈ। ਇਸ ਖਾਸ ਦਿਨ ਨੂੰ ਮਨਾਉਣ ਦੀ ਸ਼ੁਰੂਆਤ 1935 'ਚ ਅਮਰੀਕਾ 'ਚ ਹੋਈ ਸੀ, ਜੋ ਕਾਫੀ ਪ੍ਰਸਿੱਧ ਹੋਈ। ਅੱਜ ਦੁਨੀਆ ਭਰ 'ਚ ਇਸ ਦਿਨ ਨੂੰ ਮਨਾਇਆ ਜਾਂਦਾ ਹੈ। ਭਾਰਤ 'ਚ ਵੀ ਫ੍ਰੈਂਡਸ਼ਿਪ ਡੇਅ ਨੂੰ ਸੈਲੀਬ੍ਰੇਟ ਕੀਤਾ ਜਾਂਦਾ ਹੈ। ਗੱਲ ਜੇਕਰ ਬਾਲੀਵੁੱਡ ਦੀ ਕਰੀਏ ਤਾਂ ਤੁਸੀਂ ਫਿਲਮਾਂ 'ਚ ਦੋਸਤੀ ਦੇ ਕਈ ਕਿੱਸੇ-ਕਹਾਣੀਆਂ ਦੇਖੀਆਂ ਤੇ ਸੁਣੀਆਂ ਹੋਈਆਂ ਹਨ। ਅੱਜ ਅਸੀਂ ਤੁਹਾਨੂੰ ਬਾਲੀਵੁੱਡ ਦੇ ਬੈਸਟ ਦੋਸਤਾਂ ਨਾਲ ਮਿਲਵਾਉਣ ਜਾ ਰਹੇ ਹਾਂ। ਇਨ੍ਹਾਂ ਦੀ ਆਫ ਸਕ੍ਰੀਨ ਦੋਸਤੀ ਦੀ ਮਿਸਾਲ ਦਿੱਤੀ ਜਾਂਦੀ ਹੈ।
ਧਰਮਿੰਦਰ ਤੇ ਅਮਿਤਾਭ ਬੱਚਨ
ਜੇਕਰ ਬੈਸਟ ਫਰੈਂਡਸ ਦੀ ਗੱਲ ਕਰੀਏ ਤਾਂ ਲੋਕਾਂ ਦੇ ਮਨਾਂ 'ਚ ਧਰਮਿੰਦਰ ਤੇ ਅਮਿਤਾਭ ਬੱਚਨ ਦੀ ਜੋੜੀ ਸਭ ਤੋਂ ਪਹਿਲਾਂ ਆਉਂਦੀ ਹੈ। ਇੱਥੋਂ ਤੱਕ ਕੀ ਇਸ ਜੋੜੀ ਦਾ ਮਸ਼ਹੂਰ ਗੀਤ 'ਯੇ ਦੋਸਤੀ ਹਮ ਨਹੀਂ ਤੋੜੇਗੇ' ਅੱਜ ਵੀ ਪਾਰਟੀ ਜਾਂ ਕਿਸੇ ਗੇਟ ਟੂ ਗੇਦਰ ਸਮੇਂ ਗਾਇਆ ਜਾਂਦਾ ਹੈ।
ਸਲਮਾਨ ਖਾਨ ਤੇ ਸੰਜੈ ਦੱਤ
ਇਸ ਤੋਂ ਬਾਅਦ ਇਸ ਲੜੀ 'ਚ ਦੂਜਾ ਨਾਮ ਆਉਂਦਾ ਹੈ ਸਲਮਾਨ ਖਾਨ ਤੇ ਸੰਜੈ ਦੱਤ ਦਾ। ਦੋਵਾਂ ਨੇ ਕਈ ਫਿਲਮਾਂ 'ਚ ਦੋਸਤੀ ਦੀ ਮਿਸਾਲ ਦੇਣ ਦੇ ਨਾਲ ਅਸਲ ਜ਼ਿੰਦਗੀ 'ਚ ਵੀ ਉਦਾਹਰਣ ਪੇਸ਼ ਕੀਤੀ ਹੈ। ਇਨ੍ਹਾਂ ਹੀ ਨਹੀਂ, ਦੋਵਾਂ ਦੀਆਂ ਇਕੱਠੇ ਤਸਵੀਰਾਂ ਅਤੇ ਵੀਡੀਓਜ਼ ਕਈ ਵਾਰ ਸੋਸ਼ਲ ਮੀਡੀਆ 'ਤੇ ਵਾਇਰਲ ਹੁੰਦੀਆਂ ਹਨ।
ਸ਼ਾਹਰੁਖ ਖਾਨ ਤੇ ਕਰਨ ਜੌਹਰ
ਡਾਇਰੈਕਟਰ ਅਤੇ ਐਕਟਰ ਨੂੰ ਹਮੇਸ਼ਾ ਇਕ-ਦੂਜੇ ਦਾ ਸਾਥੀ ਮੰਨਿਆ ਜਾਂਦਾ ਹੈ ਪਰ ਬਾਲੀਵੁੱਡ ਦੇ ਦੋ ਕਲਾਕਾਰ ਸ਼ਾਹਰੁਖ ਖਾਨ ਤੇ ਕਰਨ ਜੌਹਰ ਨੇ ਇਸ ਗੱਲ ਨੂੰ ਸਾਬਤ ਕਰ ਦਿੱਤਾ ਹੈ। ਉਂਝ ਤਾਂ ਸ਼ਾਹਰੁਖ ਖਾਨ ਕਰਨ ਜੌਹਰ ਦੀਆਂ ਕਈ ਫਿਮਲਾਂ 'ਚ ਨਜ਼ਰ ਆ ਚੁੱਕੇ ਹਨ, ਪਰ ਨਿੱਜ਼ੀ ਜ਼ਿੰਦਗੀ 'ਚ ਵੀ ਦੋਵੇਂ ਇਕ-ਦੂਜੇ ਦੇ ਕਾਫੀ ਪੱਕੇ ਦੋਸਤ ਹਨ। ਇਸ ਦੇ ਨਾਲ ਹੀ ਕਰਨ ਜੌਹਰ ਸ਼ਾਹਰੁਖ ਖਾਨ ਤੋਂ ਬਾਅਦ ਉਨ੍ਹਾਂ ਦੇ ਬੇਟੇ ਆਰਿਅਨ ਖਾਨ ਨੂੰ ਵੀ ਫਿਮਲਾਂ 'ਚ ਲਿਆਉਣ ਦੀ ਤਿਆਰੀ ਕਰ ਰਹੇ ਹਨ।
ਸਲਮਾਨ ਖਾਨ ਤੇ ਸ਼ਾਹਰੁਖ ਖਾਨ
ਦੋਸਤੀ ਦੀ ਗੱਲ ਹੋਵੇ ਅਤੇ ਸਲਮਾਨ ਖਾਨ ਤੇ ਸ਼ਾਹਰੁਖ ਖਾਨ ਦਾ ਨਾਮ ਨਾ ਆਵੇ ਇੰਝ ਤਾਂ ਹੋ ਹੀ ਨਹੀਂ ਸਕਦਾ। ਹਾਲਾਂਕਿ ਕੁਝ ਸਮੇਂ ਪਹਿਲਾਂ ਦੋਵਾਂ ਦੇ ਰਿਸ਼ਤੇ 'ਚ ਥੋੜ੍ਹੀ ਖਟਾਸ ਜ਼ਰੂਰ ਆਈ ਸੀ ਪਰ ਅੱਜ ਵੀ ਸਲਮਾਨ ਖਾਨ ਤੇ ਸ਼ਾਹਰੁਖ ਖਾਨ ਇਕ-ਦੂਜੇ ਨਾਲ ਆਪਣੇ ਪੁਰਾਣੇ ਰਿਸ਼ਤੇ ਕਰਨ-ਅਰਜੁਨ ਦੀ ਤਰ੍ਹਾਂ ਮਿਲਦੇ ਹਨ।
ਕੈਟਰੀਨਾ ਕੈਫ ਤੇ ਆਲੀਆ ਭੱਟ
ਬਾਲੀਵੁੱਡ ਦੀ ਗਲਰਸ ਗੈਂਗ ਦੀ ਗੱਲ ਕਰੀਏ ਤਾਂ ਕੈਟਰੀਨਾ ਕੈਫ ਤੇ ਆਲੀਆ ਭੱਟ ਦੀ ਜੋੜੀ ਵੀ ਅਕਸਰ ਦਿਮਾਗ 'ਚ ਆਉਂਦੀ ਹੈ। ਦੋਵਾਂ ਦੀ ਕੈਮਿਸਟਰੀ ਅੱਜ ਵੀ ਕਾਫੀ ਮਜ਼ਬੂਤ ਹੈ। ਇਸ ਗੱਲ ਦਾ ਖੁਲਾਸਾ ਖੁਦ ਆਲੀਆ ਭੱਟ ਤੇ ਕੈਟਰੀਨਾ ਕੈਫ ਨੇ ਇਕ ਇੰਟਰਵਿਊ ਦੌਰਾਨ ਕੀਤਾ ਸੀ।
ਕਰੀਨਾ ਕਪੂਰ ਅਤੇ ਅਮ੍ਰਿਤਾ ਅਰੋੜਾ
ਅਗਲੀ ਜੋੜੀ ਦੀ ਗੱਲ ਕਰੀਏ ਤਾਂ ਕਰੀਨਾ ਕਪੂਰ ਅਤੇ ਅਮ੍ਰਿਤਾ ਅਰੋੜਾ ਵੀ ਇਕ-ਦੂਜੇ ਦੇ ਕਾਫੀ ਵਧੀਆ ਦੋਸਤ ਹਨ। ਇਹ ਜੋੜੀ ਹਰ ਖਾਸ ਮੌਕੇ 'ਤੇ ਇਕੱਠੀ ਨਜ਼ਰ ਆਉਂਦੀ ਹੈ। ਦੋਵਾਂ ਦੀਆਂ ਤਸਵੀਰਾਂ ਵੀ ਸੋਸ਼ਲ ਮੀਡੀਆ 'ਤੇ ਖੂਬ ਵਾਇਰਲ ਹੁੰਦੀਆਂ ਹਨ।
ਆਪਣੇ ਭਾਈਚਾਰੇ ਚੋ ਆਪਣੇ ਜੀਵਨਸਾਥੀ ਦੀ ਚੋਣ ਕਰੋ - ਮੁਫ਼ਤ ਰਿਜਿਸਟ੍ਰੇਸ਼ਨ ਕਰੇ
