ਫਿਲਮਾਂ ''ਚ ਐਕਟਿੰਗ ਕਰਨ ''ਤੇ ਗੁਰੂ ਰੰਧਾਵਾ ਦਾ ਵੱਡਾ ਬਿਆਨ, ਜੋ ਪ੍ਰਸ਼ੰਸਕ ਨੂੰ ਕਰੇਗਾ ਹੈਰਾਨ
6/16/2018 5:22:04 PM
ਜਲੰਧਰ (ਬਿਊਰੋ)— 'ਪਟੋਲਾ', 'ਤੈਨੂੰ ਸੂਟ ਸੂਟ ਕਰਦਾ', 'ਬਣ ਜਾ ਤੂੰ ਮੇਰੀ ਰਾਣੀ' ਵਰਗੇ ਸੁਪਰਹਿੱਟ ਗੀਤਾਂ ਨਾਲ ਲੋਕਾਂ ਦੇ ਦਿਲਾਂ 'ਚ ਖਾਸ ਜਗ੍ਹਾ ਬਣਾ ਚੁੱਕੇ ਪੰਜਾਬੀ ਗਾਇਕ ਗੁਰੂ ਰੰਧਾਵਾ ਅੱਜਕਲ ਆਪਣੇ ਨਵੇਂ ਗੀਤ 'ਮੇਡ ਇਨ ਇੰਡਿਆ' ਨਾਲ ਚਰਚਾ 'ਚ ਛਾਏ ਹੋਏ ਹਨ। ਹਾਲ ਹੀ 'ਚ ਇਕ ਇੰਟਰਵਿਊ ਦੌਰਾਨ ਗੁਰੂ ਰੰਧਾਵਾ ਨੇ ਮਿਊਜ਼ਿਕ ਅਤੇ ਐਕਟਿੰਗ ਬਾਰੇ ਖੁੱਲ੍ਹ ਕੇ ਗੱਲਬਾਤ ਕੀਤੀ।
ਇਸ ਇੰਟਰਵਿਊ ਦੌਰਾਨ ਗੁਰੂ ਰੰਧਾਵਾ ਨੇ ਦੱਸਿਆ ਕਿ ਬਾਲੀਵੁੱਡ 'ਚ ਐਕਟਿੰਗ ਕਰਨ ਦੀ ਮੇਰੀ ਕੋਈ ਤਮੰਨਾ ਨਹੀਂ ਹੈ। ਗਾਇਕ ਹਾਂ, ਗਾਇਕ ਬਣ ਕੇ ਹੀ ਰਹਾਂਗਾ ਅਤੇ ਲੋਕਾਂ ਦਾ ਪਿਆਰ ਪਾਉਣ ਦੀ ਕੋਸ਼ਿਸ਼ ਕਰਦਾ ਰਹਾਂਗਾ। ਬਚਪਨ ਤੋਂ ਹੀ ਮੇਰਾ ਸੁਪਨਾ ਗਾਇਕ ਬਣਨ ਦਾ ਸੀ।
ਉਨ੍ਹਾਂ ਨੇ ਅੱਗੇ ਕਿਹਾ ਕਿ ਉਹ ਹਰ ਜਗ੍ਹਾ ਕੰਮ ਕਰਨ ਦੀ ਤਮੰਨਾ ਰੱਖਦੇ ਹਨ। ਮਿਊਜ਼ਿਕ ਮੇਰੀ ਜਾਨ, ਧੜਕਨ ਹੈ। ਉਸ ਦੇ ਬਿਨਾਂ ਮੈਂ ਜੀ ਨਹੀਂ ਸਕਦਾ। ਮੇਰੇ ਲਈ ਮਿਊਜ਼ਿਕ ਮਾਇਨੈ ਰੱਖਦਾ ਹੈ ਫਿਰ ਭਾਵੇ ਉਹ ਪਾਲੀਵੁੱਡ, ਬਾਲੀਵੁੱਡ ਜਾਂ ਹਾਲੀਵੁੱਡ ਇੰਡਸਟਰੀ ਕਿਉਂ ਨਾ ਹੋਵੇ।
ਮੈਂ ਸੋਲੋ ਗੀਤ ਹੀ ਗਾਏ ਹਨ ਅਤੇ ਅੱਗੇ ਵੀ ਇਕੱਲਾ ਹੀ ਗਾਉਂਦਾ ਰਹਾਂਗਾ। ਹਾਲ ਹੀ 'ਚ ਮੈਂ ਇਕ ਕੈਸੇਟ ਕੰਪਨੀ ਨਾਲ ਕੁਝ ਪ੍ਰੋਜੈਕਟ ਕਰ ਰਿਹਾ ਹਾਂ ਅਤੇ ਖੁਦ ਦੇ ਨਵੇਂ ਐਲਬਮ 'ਤੇ ਕੰੰਮ ਕਰ ਰਿਹਾ ਹਾਂ।
ਆਪਣੇ ਭਾਈਚਾਰੇ ਚੋ ਆਪਣੇ ਜੀਵਨਸਾਥੀ ਦੀ ਚੋਣ ਕਰੋ - ਮੁਫ਼ਤ ਰਿਜਿਸਟ੍ਰੇਸ਼ਨ ਕਰੇ
