B''Day Spl : ਤਾਂ ਇੰਝ ਹੋਈ ਸੀ ਸ਼ਿਲਪਾ ਤੇ ਰਾਜ ਕੁੰਦਰਾ ਦੀ ''ਲਵ ਸਟੋਰੀ'' ਦੀ ਸ਼ੁਰੂਆਤ
6/8/2019 11:49:53 AM
ਮੁੰਬਈ (ਬਿਊਰੋ) — ਬਾਲੀਵੁੱਡ ਅਦਾਕਾਰਾ ਸ਼ਿਲਪਾ ਸ਼ੈੱਟੀ ਆਪਣੀ ਫਿਟਨੈੱਸ ਤੇ ਯੋਗਾ ਲਈ ਜਾਣੀ ਜਾਂਦੀ ਹੈ। ਸ਼ਿਲਪਾ ਸ਼ੈੱਟੀ ਅੱਜ ਆਪਣਾ 44ਵਾਂ ਜਨਮਦਿਨ ਸੈਲੀਬ੍ਰੇਟ ਕਰ ਰਹੀ ਹੈ। ਸ਼ਿਲਪਾ ਨੇ ਆਪਣੇ ਕਰੀਅਰ ਦੀ ਸ਼ੁਰੂਆਤ ਫਿਲਮ 'ਬਾਜੀਗਰ' ਫਿਲਮ ਨਾਲ ਕੀਤੀ ਸੀ। ਇਸ ਫਿਲਮ 'ਚ ਉਹ ਸ਼ਾਹਰੁਖ ਖਾਨ ਦੇ ਓਪੋਜਿਟ ਨਜ਼ਰ ਆਈ ਸੀ।
ਕਰੀਅਰ ਤੋਂ ਬਾਅਦ ਜੇਕਰ ਸ਼ਿਲਪਾ ਦੀ ਲਵ ਲਾਈਫ ਦੀ ਗੱਲ ਕਰੀਏ ਤਾਂ ਇਹ ਵੀ ਕਿਸੇ ਫਿਲਮ ਦੀ ਕਹਾਣੀ ਤੋਂ ਘੱਟ ਨਹੀਂ ਹੈ। ਸ਼ਿਲਪਾ ਤੇ ਰਾਜ ਕੁੰਦਰਾ ਨੇ ਸਾਲ 2009 'ਚ ਵਿਆਹ ਕਰਵਾਇਆ ਸੀ। ਸ਼ਿਲਪਾ ਸ਼ੈੱਟੀ ਤੇ ਰਾਜ ਕੁੰਦਰਾ ਦੀ ਲਵ ਸਟੋਰੀ ਦੀ ਸ਼ੁਰੂਆਤ ਉਨ੍ਹਾਂ ਦੇ 'ਪਰਫਿਊਮ ਬ੍ਰਾਂਡ ਐੱਸ 2' ਦੀ ਪ੍ਰਮੋਸ਼ਨ ਦੌਰਾਨ ਹੋਈ ਸੀ।
ਇਸ ਦੌਰਾਨ ਰਾਜ ਕੁੰਦਰਾ ਸ਼ਿਲਪਾ ਦੇ ਬ੍ਰਾਂਡ ਦੀ ਪ੍ਰਮੋਸ਼ਨ ਕਰਨ 'ਚ ਮਦਦ ਕਰ ਰਹੇ ਸਨ। ਹੋਲੀ-ਹੋਲੀ ਇਹ ਕਹਾਣੀ ਅੱਗੇ ਵਧੀ ਤੇ ਦੋਵਾਂ ਨੇ ਡੇਟ ਕਰਨਾ ਸ਼ੁਰੂ ਕਰ ਦਿੱਤਾ ਸੀ।
ਜਦੋਂ ਦੋਵਾਂ ਦੇ ਰਿਸ਼ਤੇ ਨੂੰ ਲੈ ਕੇ ਗੱਲਾਂ ਹੋਣ ਲੱਗੀਆਂ ਤਾਂ ਸ਼ਿਲਪਾ ਨੇ ਇੱਕ ਇੰਟਰਵਿਊ ਦੌਰਾਨ ਕਿਹਾ ਸੀ, 'ਮੈਂ ਕਿਸੇ ਨੂੰ ਡੇਟ ਕਰ ਰਹੀ ਹਾਂ ਪਰ ਹਾਲੇ ਮੈਂ ਇਸ ਬਾਰੇ ਕੁਝ ਵੀ ਨਹੀਂ ਕਹਿਣਾ ਚਾਹੁੰਦੀ। ਕਿਉਂਕਿ ਇਹ ਹਾਲੇ ਸਾਡੇ ਰਿਲੇਸ਼ਨਸ਼ਿਪ ਦੀ ਸ਼ੁਰੂਆਤ ਹੈ।'
ਰਾਜ ਕੁੰਦਰਾ ਪਹਿਲਾ ਤੋਂ ਹੀ ਵਿਆਹੇ ਹੋਏ ਸਨ। ਉਹ ਦੌਰਾਨ ਰਾਜ ਕੁੰਦਰਾ ਦੀ ਪਹਿਲੀ ਪਤਨੀ ਕਵਿਤਾ ਨੇ ਸ਼ਿਲਪਾ 'ਤੇ ਦੋਸ਼ ਲਾਇਆ ਸੀ ਕਿ ਉਹ ਰਾਜ ਕੁੰਦਰਾ ਨਾਲ ਵਿਆਹ ਸਿਰਫ ਪੈਸਿਆਂ ਲਈ ਕਰ ਰਹੀ ਹੈ ਅਤੇ ਮੇਰੇ ਵਿਆਹ ਨੂੰ ਤੋੜ ਰਹੀ ਹੈ।
ਇਸ ਦੌਰਾਨ ਸ਼ਿਲਪਾ ਦਾ ਸਾਥ ਦਿੰਦੇ ਹੋਏ ਕੁੰਦਰਾ ਨੇ ਕਿਹਾ ਸੀ 'ਸਾਡਾ ਵਿਆਹ 12 ਮਹੀਨੇ ਪਹਿਲਾਂ ਹੀ ਟੁੱਟ ਚੁੱਕਾ ਹੈ ਅਤੇ ਇਸ 'ਚ ਸ਼ਿਲਪਾ ਨੇ ਕੁਝ ਨਹੀਂ ਕੀਤਾ।'
ਇਸ ਲਵ ਸਟੋਰੀ ਨੇ ਸਾਲ 2009 'ਚ ਵਿਆਹ ਕਰਵਾ ਲਿਆ। ਸ਼ਿਲਪਾ ਤੇ ਰਾਜ ਕੁੰਦਰਾ ਦੇ ਵਿਆਹ ਨੂੰ ਤਕਰੀਬਨ 10 ਸਾਲ ਹੋ ਚੁੱਕੇ ਹਨ। ਦੋਵਾਂ ਦਾ ਇਕ ਬੇਟਾ ਹੈ, ਜਿਸ ਦਾ ਨਾਂ ਵਿਹਾਨ ਕੁੰਦਰਾ ਹੈ।
ਸ਼ਿਲਪਾ ਆਪਣੇ ਪਰਿਵਾਰ ਨਾਲ ਅਕਸਰ ਹੀ ਵੈਕਸ਼ਨ 'ਤੇ ਜਾਂਦੀ ਰਹਿੰਦੀ ਹੈ, ਜਿਸ ਦੀਆਂ ਤਸਵੀਰਾਂ ਉਹ ਅਕਸਰ ਹੀ ਇੰਸਟਾਗ੍ਰਾਮ 'ਤੇ ਸ਼ੇਅਰ ਕਰਦੀ ਰਹਿੰਦੀ ਹੈ।
ਆਪਣੇ ਭਾਈਚਾਰੇ ਚੋ ਆਪਣੇ ਜੀਵਨਸਾਥੀ ਦੀ ਚੋਣ ਕਰੋ - ਮੁਫ਼ਤ ਰਿਜਿਸਟ੍ਰੇਸ਼ਨ ਕਰੇ