ਦੁਬਈ ਪਹੁੰਚੀ ਪਾਕਿਸਤਾਨੀ ਟਿੱਕ-ਟਾਕ ਸਟਾਰ ਹਰੀਮ ਸ਼ਾਹ ਨਾਲ ਭੀੜ ਨੇ ਕੀਤੀ ਧੱਕਾ-ਮੁੱਕੀ

ਮੁੰਬਈ(ਬਿਊਰੋ)- ਹਾਲ ਹੀ ਵਿਚ ਦੁਬਈ ਸਥਿਤ ਇਕ ਮਾਲ ਦੀ ਓਪਨਿੰਗ ਸੈਰੇਮਨੀ ਵਿਚ ਪਹੁੰਚੀ ਪਾਕਿਸਤਾਨ ਦੀ ਟਿੱਕ-ਟਾਕ ਸਟਾਰ ਹਰੀਮ ਸ਼ਾਹ ਭੀੜ ਵੱਲੋਂ ਉਤਪੀੜਨ ਦਾ ਸ਼ਿਕਾਰ ਹੋ ਗਈ। ਹਰੀਮ ਨੇ ਮਾਮਲੇ ਦਾ ਵੀਡੀਓ ਟਵਿਟਰ ’ਤੇ ਸ਼ੇਅਰ ਕਰਦੇ ਹੋਏ ਨਾਰਾਜ਼ਗੀ ਜਤਾਈ। ਇੰਨਾ ਹੀ ਨਹੀਂ ਉਨ੍ਹਾਂ ਨੇ ਜ਼ਿੰਮੇਦਾਰਾਂ ਕੋਲੋਂ ਸਵਾਲ ਕੀਤਾ ਕਿ ਤੁਸੀਂ ਆਪਣੀਆਂ ਮਹਿਲਾਵਾਂ ਨਾਲ ਇਸ ਤਰ੍ਹਾਂ ਦਾ ਵਿਵਹਾਰ ਕਰਦੇ ਹੋ। ਹਰੀਮ ਕੁੱਝ ਸਮੇਂ ਪਹਿਲਾਂ ਫਾਰੇਨ ਆਫਿਸ ਵਿਚ ਟਿੱਕ-ਟਾਕ ਵੀਡੀਓ ਬਣਾਉਣ ਕਾਰਨ ਕਾਫੀ ਮਸ਼ਹੂਰ ਹੋਈ ਸੀ।
 

I was invited as a guest at the opening of Oasis Mall in Dubai. Hundreds of Pakistani men hurled abuses, pushed & some even kicked me. Is this how you treat your women?? pic.twitter.com/1suAULjuMw

— Hareem Shah (@_Hareem_Shah) December 16, 2019

ਸੋਸ਼ਲ ਮੀਡੀਆ ਸਟਾਰ ਨੇ ਦੱਸਿਆ,‘‘ਮੈਨੂੰ ਦੁਬਈ ਦੇ ਓਸਿਸ ਮਾਲ ਦੀ ਓਪਨਿੰਗ ’ਤੇ ਮਹਿਮਾਨ ਦੇ ਤੌਰ ’ਤੇ ਸੱਦਾ ਦਿੱਤਾ ਗਿਆ ਸੀ। ਉੱਥੇ ਅਣਗਿਣਤ ਪਾਕਿਸਤਾਨੀ ਜਵਾਨਾਂ ਨੇ ਮੈਨੂੰ ਧੱਕਾ ਦਿੱਤਾ, ਗਾਲ੍ਹਾਂ ਕੱਢੀਆਂ ਅਤੇ ਕੁੱਝ ਨੇ ਤਾਂ ਮੈਨੂੰ ਲੱਤਾਂ ਤੱਕ ਮਾਰੀਆਂ।’’ ਇਕ ਇੰਟਰਵਿਊ ਦੌਰਾਨ ਉਨ੍ਹਾਂ ਨੇ ਕਿਹਾ ਕਿ ਇਸ ਤਰ੍ਹਾਂ ਦੀ ਘਟਨਾ ਕੋਈ ਵੀ ਮਹਿਲਾ ਸਵੀਕਾਰ ਨਹੀਂ ਕਰੇਗੀ, ਫਿਰ ਚਾਹੇ ਉਹ ਕੋਈ ਵੀ ਹੋਵੇ। ਉਨ੍ਹਾਂ ਨੇ ਕਿਹਾ ਕਿ ਦੁੱਖ ਦੀ ਗੱਲ ਹੈ ਕਿ ਪਾਕਿਸਤਾਨ ਵਿਚ ਇਸ ਤਰ੍ਹਾਂ ਦੀਆਂ ਘਟਨਾਵਾਂ ਨੂੰ ਲੈ ਕੇ ਕੋਈ ਵੀ ਕਾਨੂੰਨ ਨਹੀਂ ਹੈ।

Attended an event where hundreds of my fans mobbed me. One of them touched me inappropriately. Kesy kesy besharam log hain iss dunya mein.. #MeToo pic.twitter.com/zPgAZKwdsa

— Hareem Shah (@_Hareem_Shah) December 7, 2019

ਧਿਆਨਯੋਗ ਹੈ ਕਿ ਇਸ ਤੋਂ ਪਹਿਲਾਂ ਵੀ ਹਰੀਮ ਯੌਨ ਉਤਪੀੜਨ ਦਾ ਸ਼ਿਕਾਰ ਹੋ ਚੁੱਕੀ ਹੈ। ਬੀਤੇ ਹਫਤੇ ਇਕ ਪ੍ਰੋਗਰਾਮ ਦੌਰਾਨ ਵੀ ਉਨ੍ਹਾਂ ਨੂੰ ਨੌਜਵਾਨਾਂ ਨੇ ਤਸਵੀਰ ਲੈਣ ਦੇ ਬਹਾਨੇ ਘੇਰ ਲਿਆ ਸੀ। ਉਨ੍ਹਾਂ ਨੇ ਦੱਸਿਆ ਕਿ ਤਸਵੀਰ ਲੈਣ ਦੇ ਬਹਾਨੇ ਇਕ ਜਵਾਨ ਨੇ ਉਨ੍ਹਾਂ ਦਾ ਹੱਥ ਫੜ੍ਹ ਕੇ ਗਲਤ ਹਰਕਤ ਕਰਨ ਦੀ ਕੋਸ਼ਿਸ਼ ਕੀਤੀ ਸੀ ਪਰ ਉਹ ਸਮਾਂ ਰਹਿੰਦੇ ਉਸ ਵਿਅਕਤੀ ਕੋਲੋਂ ਦੂਰ ਹੋ ਗਈ।
ਹਰੀਮ ਕਰੀਬ ਦੋ ਮਹੀਨਾ ਪਹਿਲਾਂ ਫਾਰੇਨ ਅਫੇਯਰਸ ਕਮੇਟੀ ਰੂਮ ਵਿਚ ਟਿੱਕ-ਟਾਕ ਵੀਡੀਓ ਬਣਾਉਣ ਕਾਰਨ ਵਿਵਾਦਾਂ ਵਿਚ ਆ ਗਈ ਸੀ। ਕਈ ਅਧਿਕਾਰੀਆਂ ਵੱਲੋਂ ਸਵਾਲ ਚੁੱਕੇ ਗਏ ਸਨ ਕਿ ਉਨ੍ਹਾਂ ਨੂੰ ਵੀਡੀਓ ਬਣਾਉਣ ਲਈ ਮੰਤਰਾਲਾ ਵਿਚ ਆਉਣ ਲਈ ਆਗਿਆ ਕਿਵੇਂ ਮਿਲ ਗਈ। ਟਿੱਕ-ਟਾਕ ’ਤੇ ਉਨ੍ਹਾਂ ਦੇ ਕਰੀਬ 15 ਲੱਖ ਫਾਲੋਅਰਜ਼ ਹਨ।