ਮਸ਼ਹੂਰ ਡਾਇਰੈਕਟਰ ਤੇ ਰਿਤਿਕ ਰੌਸ਼ਨ ਦੇ ਨਾਨੇ ਜੇ ਓਮ ਪ੍ਰਕਾਸ਼ ਦਾ ਦਿਹਾਂਤ
8/7/2019 12:50:31 PM
ਮੁੰਬਈ (ਬਿਊਰੋ) — ਰਿਤਿਕ ਰੌਸ਼ਨ ਦੇ ਨਾਨਾ ਤੇ ਮਸ਼ਹੂਰ ਡਾਇਰੈਕਟਰ ਜੇ ਓਮ ਪ੍ਰਕਾਸ਼ ਦਾ ਅੱਜ ਸਵੇਰੇ ਦਿਹਾਂਤ ਹੋ ਗਿਆ। ਜੇ ਓਮ ਪ੍ਰਕਾਸ਼ 92 ਸਾਲ ਦੇ ਸਨ ਅਤੇ ਕਾਫੀ ਸਮੇਂ ਤੋਂ ਬੀਮਾਰ ਸਨ। ਜੇ ਓਮ ਪ੍ਰਕਾਸ਼ ਹਿੰਦੀ ਫਿਲਮਾਂ ਦੇ ਮਸ਼ਹੂਰ ਨਿਰਦੇਸ਼ਕ ਤੇ ਪ੍ਰੋਡਿਊਸਰ ਸਨ। ਉਨ੍ਹਾਂ ਦੀ ਪਹਿਲੀ ਫਿਲਮ 'ਆਪ ਕੀ ਕਸਮ ਸੀ', ਜਿਸ 'ਚ ਲੀਡ ਕਿਰਦਾਰ 'ਚ ਰਾਜੇਸ਼ ਖੰਨਾ ਤੇ ਅਦਾਕਾਰਾ ਮੁਮਤਾਜ਼ ਸੀ। ਉਨ੍ਹਾਂ ਨੇ ਕਈ ਪੰਜਾਬੀ ਫਿਲਮਾਂ ਵੀ ਬਣਾਈਆਂ ਹਨ, ਜਿਸ 'ਚ 'ਆਸਰਾ ਪਿਆਰ ਦਾ' ਨੂੰ ਕਾਫੀ ਵਾਹ-ਵਾਹ ਮਿਲੀ ਸੀ।
Veteran film maker #JOmPrakash ji has passed away this morning. May God bless his soul & give his family the strength to cope with the loss. Condolences to @RakeshRoshan_N ji @iHrithik & everyone the family.
— Akshaye Rathi (@akshayerathi) August 7, 2019
ਉਨ੍ਹਾਂ ਦੇ ਦਿਹਾਂਤ ਦੀ ਖਬਰ ਟਰੇਡ ਐਨਾਲਿਸਟ ਅਕਸ਼ੈ ਰਾਠੀ ਨੇ ਸੋਸ਼ਲ ਮੀਡੀਆ 'ਤੇ ਦਿੱਤੀ। ਉਨ੍ਹਾਂ ਨੇ ਟਵੀਟ ਕਰਕੇ ਲਿਖਿਆ, ''ਪ੍ਰਸਿੱਧ ਫਿਲਮੇਕਰ ਜੇ ਓਮ ਪ੍ਰਕਾਸ਼ ਦਾ ਅੱਜ ਸਵੇਰੇ ਦਿਹਾਂਤ ਹੋ ਗਿਆ। ਪ੍ਰਮਾਤਮਾ ਉਨ੍ਹਾਂ ਦੀ ਆਤਮਾ ਨੂੰ ਸ਼ਾਂਤੀ ਦੇਣ ਅਤੇ ਉਨ੍ਹਾਂ ਦੇ ਪਰਿਵਾਰ ਦੇ ਇਸ ਦੁੱਖ ਦੀ ਘੜੀ 'ਚ ਹਿੰਮਤ ਦੇਣ।' ਅਭਿਨੇਤਾ ਦੀਪਕ ਪਰਾਸ਼ਰ ਨੇ ਆਪਣੇ ਮਾਮਾ ਜੇ ਓਮ ਪ੍ਰਕਾਸ਼ ਦੇ ਦਿਹਾਂਤ ਦੀ ਜਾਣਕਾਰੀ ਟਵੀਟ ਕਰਕੇ ਦਿੱਤੀ ਹੈ।
My dearest uncle “Mr J Om Prakash”passed away about an hour ago 😞 So saddened as he joins his friend, my Mamaji “Mr Mohan Kumar “in heaven ! Their contributions to Indian cinema is a gift they left behind for us ! Took this pic few months ago when went to see him ! Om Shanti ! pic.twitter.com/rRuODYcQ2Z
— Deepak Parashar (@dparasherdp) August 7, 2019
ਐਕਟਰ ਰਿਤਿਕ ਰੌਸ਼ਨ ਦੇ ਫੈਨ ਕਲੱਬ ਨੇ ਐਕਟਰ ਦੇ ਨਾਨਾ ਦੇ ਦਿਹਾਂਤ ਦੇ ਦੁੱਖ ਜ਼ਾਹਿਰ ਕੀਤਾ ਹੈ। ਫੈਨ ਕਲਬ ਨੇ ਟਵੀਟ ਕੀਤਾ, 'ਜੇ ਓਮ ਪ੍ਰਕਾਸ਼ ਦੇ ਦਿਹਾਂਤ ਨਾਲ ਕਾਫੀ ਦੁੱਖ ਹੋਇਆ। ਉਹ ਇੰਡਸਟਰੀ ਦੇ ਸਭ ਤੋਂ ਮਸ਼ਹੂਰ ਤੇ ਚੰਗੇ ਫਿਲਮਕਾਰ ਤੇ ਰੌਸ਼ਨ ਪਰਿਵਾਰ ਦੇ ਸਭ ਤੋਂ ਪਿਆਰੇ ਸਨ। ਸਰ ਤੁਹਾਨੂੰ ਹਮੇਸ਼ਾ ਯਾਦ ਕੀਤਾ ਜਾਵੇਗਾ। ਰੌਸ਼ਨ ਪਰਿਵਾਰ ਦੇ ਇਸ ਦੁੱਖ ਦੀ ਘੜੀ 'ਚ ਅਸੀਂ ਉਨ੍ਹਾਂ ਨਾਲ ਹਾਂ।''
ਦੱਸਣਯੋਗ ਹੈ ਕਿ ਰਿਤਿਕ ਰੌਸ਼ਨ ਤੇ ਉਨ੍ਹਾਂ ਦੇ ਪਰਿਵਾਰ ਲਈ ਬਹੁਤ ਬੁਰਾ ਸਮਾਂ ਹੈ। ਉਨ੍ਹਾਂ ਨੇ ਆਪਣੇ ਸਭ ਤੋਂ ਕਰੀਬੀ ਤੇ ਪਿਆਰੇ ਸ਼ਖਸ ਨੂੰ ਗੁਆ ਦਿੱਤਾ ਹੈ। ਰਿਤਿਕ ਰੌਸ਼ਨ ਆਪਣੇ ਨਾਨਾ ਜੀ ਦੇ ਕਾਫੀ ਕਰੀਬ ਸਨ ਅਤੇ ਉਹ ਅਕਸਰ ਇੰਟਰਵਿਊ ਦੌਰਾਨ ਉਨ੍ਹਾਂ ਦਾ ਜ਼ਿਕਰ ਕਰਦੇ ਸਨ। ਹਾਲ ਹੀ 'ਚ 'ਸੁਪਰ 30' ਦੇ ਪ੍ਰਮੋਸ਼ਨ ਦੌਰਾਨ ਉਨ੍ਹਾਂ ਨੇ ਖੁਲਾਸਾ ਕੀਤਾ ਸੀ ਕਿ ਮੇਰੇ ਨਾਨਾ ਸੁਪਰ ਟੀਚਰ ਹੈ।
ਆਪਣੇ ਭਾਈਚਾਰੇ ਚੋ ਆਪਣੇ ਜੀਵਨਸਾਥੀ ਦੀ ਚੋਣ ਕਰੋ - ਮੁਫ਼ਤ ਰਿਜਿਸਟ੍ਰੇਸ਼ਨ ਕਰੇ