ਨੇਹਾ ਕੱਕੜ ਦੀ ਆਵਾਜ਼ ''ਚ ਰਿਲੀਜ਼ ਹੋਵੇਗਾ ''ਜਾਨੀ ਵੇ'' ਐਲਬਮ ਦਾ ਦੂਜਾ ਗੀਤ
9/7/2019 10:02:56 AM
ਜਲੰਧਰ (ਬਿਊਰੋ) — ਮਸ਼ਹੂਰ ਗੀਤਕਾਰ ਅਤੇ ਗਾਇਕ ਜਾਨੀ ਦੀ ਡੈਬਿਊ ਐਲਬਮ 'ਜਾਨੀ ਵੇ' ਦੇ ਪਹਿਲੇ ਗੀਤ 'ਪਛਤਾਓਗੇ' ਨੂੰ ਅਰਿਜੀਤ ਸਿੰਘ ਨੇ ਅਵਾਜ਼ ਦਿੱਤੀ ਸੀ, ਜਿਸ ਨੂੰ ਦੇਸ਼ ਭਰ 'ਚ ਕਾਫੀ ਪਸੰਦ ਕੀਤਾ ਜਾ ਰਿਹਾ ਹੈ। ਇਸ ਗੀਤ ਨੇ ਹਰ ਪਾਸੇ ਚਰਚਾ ਖੱਟਣ 'ਚ ਸਫਲਤਾ ਹਾਸਲ ਕੀਤੀ ਹੈ। ਹੁਣ 'ਜਾਨੀ ਵੇ' ਐਲਬਮ ਦਾ ਅਗਲਾ ਗੀਤ ਬਹੁਤ ਜਲਦ ਨੇਹਾ ਕੱਕੜ ਦੀ ਅਵਾਜ਼ 'ਚ ਰਿਲੀਜ਼ ਹੋਣ ਜਾ ਰਿਹਾ ਹੈ, ਜਿਸ ਦੀ ਜਾਣਕਾਰੀ ਜਾਨੀ ਨੇ ਸ਼ੋਸ਼ਲ ਮੀਡੀਆ 'ਤੇ ਨੇਹਾ ਕੱਕੜ ਨਾਲ ਇਕ ਤਸਵੀਰ ਸਾਂਝੀ ਕਰਕੇ ਦਿੱਤੀ ਹੈ।
ਜਾਨੀ ਨੇ ਲਿਖਿਆ ਹੈ ''ਇਸ ਸਾਲ 2 ਗੀਤ ਆ ਰਹੇ ਹਨ ਮੈਲੋੜੀ ਕੁਈਨ ਨੇਹਾ ਕੱਕੜ ਨਾਲ। 'ਜਾਨੀ ਵੇ' ਐਲਬਮ ਦਾ ਦੂਜਾ ਗੀਤ ਅਤੇ ਇਕ ਬੀਟ ਸੌਂਗ। ਇਸ ਨੂੰ ਲੈ ਕੇ ਮੈਂ ਬਹੁਤ ਉਤਸੁਕ ਹਾਂ।”ਅੱਗੇ ਜਾਨੀ ਨੇ ਦੋ ਸ਼ਬਦਾਂ ਨੂੰ ਟੈਗ ਕੀਤਾ ਹੈ ਜਿਸ ਤੋਂ ਲੱਗਦਾ ਹੈ ਕਿ ਇਹ ਉਨ੍ਹਾਂ ਦੋਨਾਂ ਗੀਤਾਂ ਦੇ ਨਾਂ ਹਨ, ਪਹਿਲਾ ਹੈ 'ਪਾਜ਼ਿਟਿਵ' ਦੂਜਾ ਹੈ 'ਰੈੱਡ ਰੈੱਡ'। ਹੁਣ ਦੇਖਣਾ ਹੋਵੇਗਾ ਹੁਣ ਕਿਹੜਾ ਗੀਤ ਐਲਬਮ ਦੀ ਸ਼ਾਨ ਬਣਦਾ ਹੈ।
ਦੱਸਣਯੋਗ ਹੈ ਕਿ ਨੇਹਾ ਕੱਕੜ ਤੋਂ ਇਲਾਵਾ 'ਜਾਨੀ ਵੇ' ਐਲਬਮ 'ਚ ਐਮੀ ਵਿਰਕ, ਤੁਲਸੀ ਕੁਮਾਰ, ਬੀ ਪਰਾਕ ਅਤੇ ਟੋਨੀ ਕੱਕੜ ਦੀ ਅਵਾਜ਼ 'ਚ ਆਉਣ ਵਾਲੇ ਸਮੇਂ 'ਚ ਗੀਤ ਰਿਲੀਜ਼ ਹੋਣਗੇ, ਜਿੰਨ੍ਹਾਂ ਨੂੰ ਜਾਨੀ ਨੇ ਹੀ ਲਿਖਿਆ ਹੈ।
ਆਪਣੇ ਭਾਈਚਾਰੇ ਚੋ ਆਪਣੇ ਜੀਵਨਸਾਥੀ ਦੀ ਚੋਣ ਕਰੋ - ਮੁਫ਼ਤ ਰਿਜਿਸਟ੍ਰੇਸ਼ਨ ਕਰੇ