ਵਿਲ ਸਮਿੱਥ ਦੇ ਬੇਟੇ ਨੇ ਬਰਥਡੇ ''ਤੇ ਕੀਤੀ ਨੇਕ ਕੰਮ ਦੀ ਸ਼ੁਰੂਆਤ, ਹਰ ਪਾਸੇ ਛਿੜੀ ਚਰਚਾ
7/16/2019 12:01:53 PM
ਨਵੀਂ ਦਿੱਲੀ (ਬਿਊਰੋ) — ਹਾਲੀਵੁੱਡ ਅਦਾਕਾਰ ਵਿਲ ਸਮਿੱਥ ਦੇ ਬੇਟੇ ਨੇ ਜੇਡਨ ਸਮਿੱਥ ਨੇ ਬੀਤੇ ਦਿਨੀਂ ਆਪਣਾ 21ਵਾਂ ਜਨਮ ਦਿਨ ਬਹੁਤ ਹੀ ਵੱਖਰੇ ਤਰੀਕੇ ਨਾਲ ਮਨਾਇਆ ਹੈ। ਉਸ ਨੇ ਆਪਣੇ ਜਨਮਦਿਨ 'ਤੇ ਇਕ ਫੂਡ ਟਰੱਕ ਦੀ ਸ਼ੁਰੂਆਤ ਕੀਤੀ ਹੈ। ਜਿਹੜਾ ਥਾਂ ਥਾਂ ਤੇ ਜਾ ਕੇ ਗਰੀਬਾਂ ਨੂੰ ਮੁਫਤ ਖਾਣਾ ਉਪਲੱਬਧ ਕਰਵਾਉਂਦਾ ਹੈ। ਜੇਡਨ ਨੇ ਆਪਣੇ ਫੂਡ ਟਰੱਕ ਦਾ ਨਾਂ ਵੀ ਬਹੁਤ ਹੀ ਵੱਖਰਾ ਰੱਖਿਆ ਹੈ। ਉਸ ਨੇ ਆਪਣੇ ਟਰੱਕ ਦਾ ਨਾਂ 'ਆਈ ਲਵ ਯੂ' ਰੱਖਿਆ ਹੈ। ਜੇਡਨ ਦੀ ਇਸ ਸੋਚ ਦੀ ਹਰ ਪਾਸੇ ਤਾਰੀਫ ਹੋ ਰਹੀ ਹੈ। ਅਮਰੀਕੀ ਰੈਪਰ ਸਮਿੱਥ ਨੇ ਇਸ ਫੂਡ ਟਰੱਕ ਦੀ ਇਕ ਵੀਡੀਓ ਆਪਣੇ ਇੰਸਟਾਗ੍ਰਾਮ 'ਤੇ ਸ਼ੇਅਰ ਕੀਤੀ ਹੈ। ਇਸ ਵੀਡੀਓ ਨੂੰ ਉਨ੍ਹਾਂ ਨੇ ਇਕ ਕੈਪਸ਼ਨ ਵੀ ਦਿੱਤਾ ਹੈ। ਉਨ੍ਹਾਂ ਨੇ ਕਿਹਾ ਹੈ ਕਿ 'ਆਈ. ਲਵ. ਯੂ. ਫੂਡ ਟਰੱਕ' ਲੋਕਾਂ ਨੂੰ ਉਹ ਚੀਜ ਦਿੰਦਾ ਹੈ, ਜਿਹੜੀ ਉਹ ਡਿਜ਼ਰਵ ਕਰਦੇ ਹਨ, ਜੀ ਹਾਂ ਉਹ ਹੈ ਪੌਸ਼ਟਿਕ ਖਾਣਾ। ਅੱਜ ਅਸੀਂ ਆਪਣੇ ਪਹਿਲੇ ਫੂਡ ਟਰੱਕ ਦੀ ਸ਼ੁਰੂਆਤ ਕਰ ਰਹੇ ਹਾਂ।''
ਦੱਸਣਯੋਗ ਹੈ ਕਿ ਵਿਲ ਸਮਿੱਥ ਦੇ ਪ੍ਰਸ਼ੰਸਕਾਂ ਦੇ ਨਾਲ-ਨਾਲ ਕਈ ਅਦਾਕਾਰਾਂ ਨੇ ਵੀ ਇਸ ਕਦਮ ਦੀ ਸ਼ਲਾਘਾ ਕੀਤੀ ਹੈ। ਰੈਪਰ ਜੇਡਨ ਸਮਿੱਥ ਨੇ ਆਪਣੇ ਜਨਮ ਦਿਨ ਦੀਆਂ ਕੁਝ ਤਸਵੀਰਾਂ ਵੀ ਸਾਂਝੀਆਂ ਕੀਤੀਆ ਹਨ, ਜਿਨ੍ਹਾਂ 'ਚ ਉਹ ਆਪਣੇ ਮਾਤਾ-ਪਿਤਾ ਨਾਲ ਕੇਕ ਕੱਟਦਾ ਨਜ਼ਰ ਆ ਰਿਹਾ ਹੈ।
Keep Your Family Close & Your Haters As Far Away As Possible.
A post shared by Jaden (@c.syresmith) on Jul 11, 2019 at 2:43pm PDT
ਆਪਣੇ ਭਾਈਚਾਰੇ ਚੋ ਆਪਣੇ ਜੀਵਨਸਾਥੀ ਦੀ ਚੋਣ ਕਰੋ - ਮੁਫ਼ਤ ਰਿਜਿਸਟ੍ਰੇਸ਼ਨ ਕਰੇ