ਮਾਂ ਸ਼੍ਰੀਦੇਵੀ ਨੂੰ ਛੱਡ ਬਾਲੀਵੁੱਡ ਦੀਆਂ ਇਨ੍ਹਾਂ ਅਭਿਨੇਤਰੀਆਂ ਦੀ ਦੀਵਾਨੀ ਹੈ ਜਾਨਹਵੀ, ਖੁਦ ਕੀਤਾ ਖੁਲਾਸਾ

ਮੁੰਬਈ(ਬਿਊਰੋ)— ਮਰਹੂਮ ਅਦਾਕਾਰਾ ਸ਼੍ਰੀਦੇਵੀ ਦੀ ਬੇਟੀ ਜਾਨਹਵੀ ਕਪੂਰ ਦੀ ਫਿਲਮ 'ਧੜਕ' 20 ਜੁਲਾਈ ਨੂੰ ਰਿਲੀਜ਼ ਹੋ ਰਹੀ ਹੈ। ਇਹ ਸਾਲ 2016 'ਚ ਆਈ ਫਿਲਮ 'ਸੈਰਾਟ' ਦੀ ਰੀਮੇਕ ਹੈ, ਜਿਸ ਨੂੰ ਦੇਖਣ ਲਈ ਪ੍ਰਸ਼ੰਸਕ ਕਾਫੀ ਉਤਸ਼ਾਹਿਤ ਹਨ। 'ਧੜਕ' ਫਿਲਮ 'ਚ ਜਾਨਹਵੀ ਕਪੂਰ ਨਾਲ ਈਸ਼ਾਨ ਖੱਟਰ ਨਜ਼ਰ ਆਉਣਗੇ।

ਜਿੱਥੇ ਇਕ ਪਾਸੇ ਲੋਕ ਇਸ ਫਿਲਮ 'ਚ ਜਾਨਹਵੀ ਕਪੂਰ ਨੂੰ ਦੇਖਣ ਲਈ ਦੀਵਾਨੇ ਹਨ, ਉੱਥੇ ਦੂਜੇ ਪਾਸੇ ਜਾਨਹਵੀ ਕਿਸੇ ਹੋਰ ਦੀ ਦੀਵਾਨੀ ਹੈ। ਹਾਲ ਹੀ 'ਚ ਇਕ ਇੰਟਰਵਿਊ ਰਾਹੀਂ ਜਾਨਹਵੀ ਨੇ ਦੱੱਸਿਆ ਕਿ ਉਹ ਮਧੂਬਾਲਾ, ਵਹੀਦਾ ਰਹਿਮਾਨ ਅਤੇ ਮੀਨਾ ਕੁਮਾਰੀ ਨੂੰ ਬੇਹੱਦ ਪਸੰਦ ਕਰਦੀ ਹੈ ਅਤੇ ਉਹ ਇਨ੍ਹਾਂ ਤਿੰਨਾਂ ਅਭਿਨੇਤਰੀਆਂ ਦੇ ਕਿਰਦਾਰ ਨਿਭਾਉਣਾ ਚਾਹੁੰਦੀ ਹੈ।

ਉਸ ਨੇ ਅੱਗੇ ਕਿਹਾ, ''ਮੈਂ ਮਧੂਬਾਲਾ ਜੀ ਨੂੰ 'ਮੁਗਲ-ਏ-ਆਜ਼ਮ', 'ਚਲਤੀ ਕਾ ਨਾਮ ਗਾੜੀ' ਅਤੇ 'ਮਿਸਟਰ ਐਂਡ ਮਿਸੇਜ਼ 55' 'ਚ ਦੇਖਿਆ ਹੈ। ਵਹੀਦਾ ਜੀ ਨੂੰ 'ਗਾਈਡ', 'ਪਿਆਸਾ' ਅਤੇ ਮੀਨਾ ਕੁਮਾਰੀ ਜੀ ਨੂੰ 'ਪਾਕੀਜ਼ਾ', 'ਸਾਹਿਬ ਬੀਵੀ ਔਰ ਗੁਲਾਮ' 'ਚ ਦੇਖਿਆ ਹੈ। ਇਨ੍ਹਾਂ ਦੇ ਅਭਿਨੈ ਨੂੰ ਦੇਖ ਕੇ ਦਿਲ ਖੁਸ਼ ਹੋ ਜਾਂਦਾ ਹੈ।''

ਹਾਲਾਂਕਿ ਜਾਨਹਵੀ ਨੇ ਇਹ ਵੀ ਦੱਸਿਆ ਕਿ ਉਸ ਨੂੰ ਪਤਾ ਹੈ ਕਿ ਉਨ੍ਹਾਂ ਵਾਂਗ ਬਣਨਾ ਸੌਖਾ ਨਹੀਂ ਕਿਉਂਕਿ ਇਨ੍ਹਾਂ ਸਾਰੀਆਂ ਅਭਿਨੇਤਰੀਆਂ ਮਹਾਨ ਹਨ। ਇਨ੍ਹਾਂ ਨੇ ਵੱਡੇ ਪਰਦੇ 'ਤੇ ਜੋ ਜਾਦੂ ਬਿਖੇਰਿਆ ਹੈ, ਉਹ ਕਿਸੇ ਹੋਰ ਦੁਨੀਆ ਦਾ ਹੀ ਜਾਦੂ ਸੀ ਪਰ ਫਿਰ ਵੀ ਇਹ ਸਾਰੇ ਕਿਰਦਾਰਾਂ ਨੂੰ ਮੈਂ ਇਕ ਵਾਰ ਜ਼ਰੂਰ ਪਰਦੇ 'ਤੇ ਫਿਲਮਾਉਣਾ ਚਾਵਾਂਗੀ।''

ਜ਼ਿਕਰਯੋਗ ਹੈ ਕਿ 'ਧੜਕ' ਫਿਲਮ ਮੇਵਾੜੀ ਪਿੱਠਭੂਮੀ 'ਤੇ ਬਣੀ ਹੈ। 3 ਮਿੰਟ ਦੇ ਟਰੇਲਰ 'ਚ ਰੋਮਾਂਸ, ਐਕਸ਼ਨ, ਕਾਮੇਡੀ ਅਤੇ ਨਵੇਂ ਸਟਾਰਜ਼ ਦੇ ਲੁੱਕ 'ਤੇ ਬੇਹੱਦ ਸ਼ਾਨਦਾਰ ਤਰੀਕੇ ਨਾਲ ਕੰਮ ਕੀਤਾ ਗਿਆ ਹੈ। ਹੁਣ ਇੱਥੇ ਇਹ ਜਾਣਨਾ ਦਿਲਚਸਪ ਹੋਵੇਗਾ ਕਿ ਜਾਨਹਵੀ ਦੀ ਇਹ ਫਿਲਮ ਬਾਕਸ ਆਫਿਸ 'ਤੇ 'ਸੈਰਾਟ' ਜਿੰਨਾ ਜਾਦੂ ਬਿਖੇਰ ਪਾਵੇਗੀ ਜਾ ਨਹੀਂ?