ਮਸ਼ਹੂਰ ਅਦਾਕਾਰ ਕਾਦਰ ਖਾਨ ਦੀ ਹਾਲਤ ਹੋਈ ਬੁਰੀ, ਗੱਲ ਕਰਨੀ ਵੀ ਹੋ ਗਈ ਔਖੀ
10/14/2017 12:36:50 PM
ਮੁੰਬਈ(ਬਿਊਰੋ)— ਕਈ ਬਾਲੀਵੁੱਡ ਫਿਲਮਾਂ 'ਚ ਵੱਖ-ਵੱਖ ਕਿਰਦਾਰ ਨਿਭਾਉਣ ਵਾਲੇ ਕਾਦਰ ਖਾਨ ਇਨੀਂ ਦਿਨੀਂ ਕੈਨੇਡਾ 'ਚ ਆਪਣੇ ਬੇਟੇ ਤੇ ਨੂੰਹ ਨਾਲ ਰਹਿੰਦੇ ਹਨ। ਕਾਦਰ ਖਾਨ 79 ਸਾਲ ਦੇ ਹੋ ਚੁੱਕੇ ਹਨ। ਕੁਝ ਸਮੇਂ ਉਨ੍ਹਾਂ ਦੀ ਮੌਤ ਦੀਆਂ ਅਫਵਾਹਾਂ ਫੈਲੀਆਂ ਸਨ ਪਰ ਬਾਅਦ 'ਚ ਉਨ੍ਹਾਂ ਨੇ ਖੁਦ ਸੋਸ਼ਲ ਮੀਡੀਆ 'ਤੇ ਦੱਸਿਆ ਕਿ ਉਹ ਠੀਕ ਹੈ।
ਉਨ੍ਹਾਂ ਦੀ ਨੂੰਹ ਨੇ ਇਕ ਇੰਟਰਵਿਊ ਦੌਰਾਨ 'ਚ ਦੱਸਿਆ ਕਿ ਹੁਣ ਉਹ ਸਾਹਰੇ ਬਿਨਾਂ ਨਹੀਂ ਤੁਰ ਪਾਉਂਦੇ। ਉਨ੍ਹਾਂ ਨੂੰ ਹੁਣ ਬੋਲਣ 'ਚ ਔਖ ਹੁੰਦੀ ਹੈ। ਉਹ ਸਿਰਫ ਮੈਨੂੰ ਤੇ ਬੇਟੇ ਸਰਫਰਾਜ ਦੀਆਂ ਗੱਲਾਂ ਨੂੰ ਹੀ ਸਮਝਦੇ ਹਨ। ਉਨ੍ਹਾਂ ਨੇ ਦੱਸਿਆ ਕਿ ਕਾਦਰ ਖਾਨ ਪਛਾਣ ਸਾਰਿਆਂ ਨੂੰ ਹੀ ਲੈਂਦੇ ਹਨ।
ਕਾਦਰ ਖਾਨ ਦੀ ਨੂੰਹ ਆਪਣੀਆਂ ਦੋਵੇਂ ਬੇਟੀਆਂ ਨਾਲ ਮਿਲ ਕੇ ਉਨ੍ਹਾਂ ਦੀ ਦੇਖਭਾਲ ਬੱਚਿਆਂ ਵਾਂਗ ਹੀ ਕਰਦੀ ਹੈ ਤਾਂ ਕਿ ਉਨ੍ਹਾਂ ਨੂੰ ਕੋਈ ਪਰੇਸ਼ਾਨੀ ਨਾ ਹੋਵੇ। ਕਾਦਰ ਖਾਨ ਨੇ ਆਪਣੇ ਕਰੀਅਰ ਦੀ ਸ਼ੁਰੂਆਤ ਸਾਲ 1972 'ਚ ਰਿਲੀਜ਼ ਹੋਈ ਫਿਲਮ 'ਦਾਗ' ਨਾਲ ਕੀਤੀ ਸੀ।
ਇਸ ਤੋਂ ਇਲਾਵਾ ਉਨ੍ਹਾਂ ਨੇ 'ਅਦਾਲਤ', 'ਪਰਵਰਿਸ਼', 'ਦੋ ਔਰ ਪਾਂਚ', 'ਯਾਰਨਾ', 'ਖੂਨ ਕਾ ਕਰਜ', 'ਦਿਲ ਹੀ ਤੋ ਹੈ', 'ਕੁਲੀ ਨੰਬਰ 1', 'ਤੇਰਾ ਜਾਦੂ ਚਲ ਗਿਆ', 'ਕਲ ਦਿਲ' ਸਮੇਤ ਕਈ ਫਿਲਮਾਂ 'ਚ ਕੰਮ ਕੀਤਾ ਹੈ। ਉਹ ਆਖਿਰੀ ਵਾਰ ਸਾਲ 2015 'ਚ ਆਈ ਫਿਲਮ 'ਹੋ ਗਿਆ ਦਿਮਾਗ ਕਾ ਦਹੀ' 'ਚ ਨਜ਼ਰ ਆਏ ਸਨ।
ਆਪਣੇ ਭਾਈਚਾਰੇ ਚੋ ਆਪਣੇ ਜੀਵਨਸਾਥੀ ਦੀ ਚੋਣ ਕਰੋ - ਮੁਫ਼ਤ ਰਿਜਿਸਟ੍ਰੇਸ਼ਨ ਕਰੇ
