ਅੰਮ੍ਰਿਤਸਰ ਪਹੁੰਚੀ ਕਰਿਸ਼ਮਾ ਕਪੂਰ ਨੇ ਦਿੱਤਾ 'ਪੰਜਾਬ' ਨੂੰ ਤੋਹਫਾ

ਅੰਮ੍ਰਿਤਸਰ (ਸਫਰ) - ਹਿੰਦੀ ਫਿਲਮਾਂ ਦਾ ਪਹਿਲਾ ਖਾਨਦਾਨ ਹੋਣ ਦਾ ਗੌਰਵ ਕਪੂਰ ਖਾਨਦਾਨ ਨੂੰ ਮਾਇਆਨਗਰੀ ਨੇ ਦਿੱਤਾ ਹੈ। ਭਗਵਾਨ ਦੀ ਮਾਇਆ ਹੈ ਕਿ ਕਪੂਰ ਖਾਨਦਾਨ ਦੀ ਕਰਿਸ਼ਮਾ ਕਪੂਰ ਪਹਿਲੀ ਧੀ ਹੈ, ਜਿਸ ਨੇ ਬਾਲੀਵੁੱਡ ਵਿਚ 1991 'ਚ 17 ਸਾਲ ਦੀ ਉਮਰ ਵਿਚ 'ਪ੍ਰੇਮ ਕੈਦੀ' ਨਾਲ ਫਿਲਮੀ ਸਫਰ ਸ਼ੁਰੂ ਕੀਤਾ ਅਤੇ 2012 ਵਿਚ ਆਈ 'ਡੇਂਜਰਸ ਇਸ਼ਕ' ਤੱਕ ਦੇਸ਼-ਦੁਨੀਆ ਕਰਿਸ਼ਮਾ ਕਪੂਰ ਦੀਆਂ ਫਿਲਮਾਂ ਦੀ ਦੀਵਾਨੀ ਹੋ ਚੁੱਕੀ ਸੀ।

ਕਰਿਸ਼ਮਾ ਕਪੂਰ ਦੀਆਂ ਫਿਲਮਾਂ ਨੇ ਭਾਰਤੀ ਇਤਿਹਾਸ ਵਿਚ ਜਿੱਥੇ ਰਿਕਾਰਡ ਬਣਾਏ, ਉਥੇ ਹੀ ਕਰਿਸ਼ਮਾ ਕਪੂਰ ਅਜਿਹੀ ਫਿਲਮ ਐਕਟਰੈੱਸ ਹੈ, ਜਿਨ੍ਹਾਂ ਨੇ ਸੁਪਰਸਟਾਰ ਹੀਰੋ ਦੇ ਨਾਲ ਸੁਪਰਹਿਟ ਫਿਲਮਾਂ ਦਿੱਤੀਆਂ ਹਨ।

ਇਤਿਹਾਸ ਦੇ ਪ੍ਰੋਫੈਸਰ ਰਹੇ ਪੰਜਾਬ ਦੇ ਸਾਬਕਾ ਡਿਪਟੀ ਸਪੀਕਰ ਦਰਬਾਰੀ ਲਾਲ ਕਹਿੰਦੇ ਹਨ ਕਿ ਕਪੂਰ ਤੇ ਖੰਨਾ ਖਾਨਦਾਨ ਪਾਕਿਸਤਾਨ ਤੋਂ ਬਟਵਾਰੇ 'ਚ ਅੰਮ੍ਰਿਤਸਰ ਆਇਆ ਸੀ ਅਤੇ ਇਥੋਂ ਮੁੰਬਈ ਗਿਆ ਸੀ। ਕਰਿਸ਼ਮਾ ਕਪੂਰ ਦੇ ਪੂਰਵਜਾਂ ਦਾ ਅੰਮ੍ਰਿਤਸਰ ਅਤੇ ਲਾਇਲਪੁਰ (ਪਾਕਿਸਤਾਨ) ਦੋਵਾਂ ਨਾਲ ਗਹਿਰਾ ਨਾਤਾ ਰਿਹਾ ਹੈ।

ਕਰਿਸ਼ਮਾ ਕਪੂਰ ਦੀ ਮਾਂ ਬਬੀਤਾ ਹਰਿਸ਼ਿਵਦਾਸਨੀ ਦਾ ਬੀਤੇ ਦਿਨੀਂ ਜਨਮ ਦਿਨ ਸੀ। ਅੱਜ ਅੰਮ੍ਰਿਤਸਰ ਸ੍ਰੀ ਹਰਿਮੰਦਰ ਸਾਹਿਬ ਵਿਚ ਕਰਿਸ਼ਮਾ ਕਪੂਰ ਦੇਸ਼-ਪਰਿਵਾਰ ਲਈ ਅਰਦਾਸ ਕਰਨ ਪਹੁੰਚੀ ਤਾਂ 'ਜਗ ਬਾਣੀ' ਨੇ ਉਨ੍ਹਾਂ ਨਾਲ ਖਾਸ ਗੱਲਬਾਤ ਕੀਤੀ। ਪੇਸ਼ ਹੈ ਗੱਲਬਾਤ ਦੇ ਕੁੱਝ ਅੰਸ਼ :—

ਤੁਸੀਂ ਕਪੂਰ ਪਰਿਵਾਰ ਦੀ ਪਹਿਲੀ ਧੀ ਹੋ, ਜਿਨ੍ਹਾਂ ਨੇ ਫਿਲਮਾਂ ਵਿਚ ਕਦਮ ਰੱਖਿਆ, ਤੁਹਾਡਾ ਪਰਿਵਾਰ ਬਾਲੀਵੁੱਡ ਦਾ ਪਹਿਲਾਂ ਫਿਲਮੀ ਪਰਿਵਾਰ ਹੈ। ਅੰਮ੍ਰਿਤਸਰ ਤੋਂ ਤੁਹਾਡੇ ਪੂਰਵਜਾਂ ਦਾ ਨਾਤਾ ਰਿਹਾ ਹੈ, ਗੁਰੂ ਨਗਰੀ ਵਿਚ ਆਏ ਹੋ ਪੰਜਾਬੀ ਫਿਲਮਾਂ ਵਿਚ ਕੰਮ ਕਰ ਕੇ ਕੀ ਪੰਜਾਬ ਨੂੰ ਸੋਗਾਤ ਦੇਵੋਗੇ?

ਕਰਿਸ਼ਮਾ ਕਪੂਰ : ਮੈਨੂੰ ਮਾਣ ਹੈ ਕਿ ਮੈਂ ਕਪੂਰ ਖਾਨਦਾਨ ਵੱਲੋਂ ਹਾਂ। ਮੈਂ ਪੰਜਾਬੀ ਹਾਂ। ਸਾਡਾ ਪਰਿਵਾਰ ਫਿਲਮੀ ਪਰਿਵਾਰ ਹੈ। ਮੇਰੇ ਖੂਨ ਵਿਚ ਹੀ ਐਕਟਿੰਗ ਹੈ। ਪੰਜਾਬੀ ਫਿਲਮਾਂ ਕਰਨਾ ਚਾਹਾਂਗੀ, ਜੇਕਰ ਪੰਜਾਬੀ ਫਿਲਮਾਂ ਮਿਲਣਗੀਆਂ ਤਾਂ ਜ਼ਰੂਰ ਕਰਾਂਗੀ। ਇਹ ਮੇਰਾ ਵਾਅਦਾ ਹੈ।

ਕਰਿਸ਼ਮਾ ਕਪੂਰ ਉਤਰੀ ਮਾਡਲਾਂ ਨਾਲ ਰੈਂਪ 'ਤੇ, ਰੱਜ ਕੇ ਵੱਜੀਆਂ ਤਾੜੀਆਂ

ਬਾਲੀਵੁੱਡ ਫਿਲਮਾਂ 'ਚ ਆਪਣੀਆਂ ਅਦਾਵਾਂ ਨਾਲ ਦੁਨੀਆ ਦੇ ਦਿਲਾਂ 'ਤੇ ਰਾਜ ਕਰਨ ਵਾਲੀ ਕਰਿਸ਼ਮਾ ਕਪੂਰ ਨੇ ਵਧਦੀ ਉਮਰ ਨੂੰ ਕਿਸ ਤਰ੍ਹਾਂ ਫਿਟਨੈੱਸ ਨਾਲ ਫਿਟ ਰੱਖਿਆ ਹੈ ਇਹ ਵਿਖਾ ਵੀ ਦਿੱਤਾ।

ਅੰਮ੍ਰਿਤਸਰ ਆਈ ਕਰਿਸ਼ਮਾ ਕਪੂਰ ਜਦੋਂ ਦੇਸ਼ ਦੇ ਨਾਮਵਰ ਮਾਡਲਾਂ ਦੇ ਨਾਲ ਰੈਂਪ 'ਤੇ ਉਤਰੀ ਤਾਂ ਉਨ੍ਹਾਂ ਦੇ ਚਿਹਰਿਆਂ 'ਤੇ ਮੁਸਕਾਨ ਦੇਖਦਿਆਂ ਹੀ ਬਣਦੀ ਸੀ। ਕਰਿਸ਼ਮਾ ਦੀਆਂ ਅਦਾਵਾਂ 'ਤੇ ਜਿੱਥੇ ਤਾੜੀਆਂ ਵੱਜਦੀਆਂ ਰਹੀਆਂ, ਉਥੇ ਹੀ ਉਨ੍ਹਾਂ ਦੇ ਨਾਲ ਰੈਂਪ 'ਤੇ ਉਤਰੀਆਂ ਮਾਡਲਾਂ ਨੇ ਆਪਣੇ ਆਪ ਨੂੰ ਧੰਨ ਮੰਨਿਆ।

ਖੁਰਾਨਾ ਜਿਊਲਰੀ ਹਾਊਸ ਦਾ ਫਾਰ ਏਵਰਮਾਰਕ ਲਾ 'ਏਮਾਰ' ਕਰਿਸ਼ਮਾ ਕਪੂਰ ਨੇ ਕੀਤਾ ਲਾਂਚ

ਫਿਲਮੀ ਦੁਨੀਆ ਦੀ ਸਰਵਸ਼ਰੇਸ਼ਠ ਅਭਿਨੇਤਰੀਆਂ ਵਿਚ ਪ੍ਰਸਿੱਧ ਕਰਿਸ਼ਮਾ ਕਪੂਰ ਬੀਤੇ ਦਿਨੀਂ ਉੱਤਰ ਭਾਰਤ ਦੇ ਪ੍ਰਸਿੱਧ ਜਿਊਲਰਸ 'ਖੁਰਾਨਾ ਜਿਊਲਰੀ ਹਾਊਸ' ਵੱਲੋਂ ਬੀਇਰਸ ਗਰੁੱਪ ਦੇ ਡਾਇਮੰਡ ਬਰਾਂਡ ਫਾਰ ਏਵਰਮਾਰਕ ਦੇ ਨਾਲ ਸਾਂਝੇਦਾਰੀ ਵਿਚ ਲਾ 'ਏਮਾਰ' ਕਲੈਕਸ਼ਨ ਨੂੰ ਲਾਂਚ ਕਰਨ ਪਹੁੰਚੀ। ਕਰਿਸ਼ਮਾ ਕਪੂਰ ਡਾਇਮੰਡ ਦੇ ਗਹਿਣਿਆਂ 'ਤੇ ਮੋਹਿਤ ਹੋ ਗਈ ਅਤੇ ਮੀਡੀਆ ਦੇ ਸਾਹਮਣੇ ਹੱਸਦੇ ਹੋਏ ਕਿਹਾ ਕਿ 'ਗਿਫਟ ਦਿਵਾ ਦਿਓ'।

ਇਸ ਦੌਰਾਨ ਖੁਰਾਨਾ ਜਿਊਲਰੀ ਹਾਊਸ ਦੇ ਵੱਲੋਂ ਚਰਨਜੀਤ ਖੁਰਾਨਾ, ਮੁਨੀਸ਼ ਖੁਰਾਨਾ, ਪੰਕਜ ਖੁਰਾਨਾ, ਸਲਿਲ ਖੁਰਾਨਾ, ਆਯੂਸ਼ ਖੁਰਾਨਾ, ਪ੍ਰੇਰਣਾ ਖੁਰਾਨਾ ਅਤੇ ਗੀਤੂ ਖੁਰਾਨਾ ਨੇ ਕਰਿਸ਼ਮਾ ਕਪੂਰ ਨੂੰ ਫੁੱਲਾਂ ਦੇ ਗੁਲਦਸਤੇ ਦੇ ਕੇ ਸਨਮਾਨਤ ਕੀਤਾ ਗਿਆ।

ਕਰਿਸ਼ਮਾ ਕਪੂਰ ਨੇ ਜਿੱਥੇ ਪੰਜਾਬੀ ਬੋਲਕੇ ਪੰਜਾਬੀ ਹੋਣ ਦੀ ਗੱਲ ਕਹੀ ਉਥੇ ਹੀ ਇਹ ਵੀ ਕਿਹਾ ਕਿ ਉਨ੍ਹਾਂ ਨੂੰ ਖੁਸ਼ੀ ਹੈ ਕਿ ਖੁਰਾਨਾ ਜਿਊਲਰੀ ਹਾਉਸ ਨੇ ਉਨ੍ਹਾਂ ਨੂੰ ਇੱਥੇ ਸੱਦਕੇ ਗੁਰੂ ਨਗਰੀ ਵਿਚ ਉਨ੍ਹਾਂ ਨੂੰ ਸਨਮਾਨ ਦਿੱਤਾ। ਫਿਲਮੀ ਸਫਰ ਦੀਆਂ ਗੱਲਾਂ ਜਿੱਥੇ ਕੀਤੀਆਂ ਉਥੇ ਹੀ ਉਨ੍ਹਾਂ ਨੇ ਖੁਰਾਨਾ ਜਿਊਲਰੀ ਹਾਉਸ ਦੇ ਵੱਧਦੇ ਕਦਮਾਂ ਨੂੰ ਲੈ ਕੇ ਸ਼ੁਭਕਾਮਨਾਵਾਂ ਵੀ ਦਿੱਤੀਆਂ। ਕਰਿਸ਼ਮਾ ਕਪੂਰ ਨੇ ਕਿਹਾ ਕਿ ਗੁਰੂ ਨਗਰੀ ਵਿਚ ਆਉਣ ਦਾ ਮੌਕਾ ਮੈਨੂੰ ਬਸ ਮਿਲਦਾ ਰਹੇ, ਇਹੀ ਰਬ ਦੇ ਅੱਗੇ ਅਰਦਾਸ ਹੈ। ਦੇਸ਼-ਦੁਨੀਆ ਤਰੱਕੀ ਕਰੇ । ਸੰਸਾਰ ਵਿਚ ਸ਼ਾਂਤੀ ਰਹੇ।