ਗੁਰਦਾਸ ਮਾਨ ਦੀ ਇਸ ਅਦਾਕਾਰਾ ਨੇ 1400 ਐਪੀਸੋਡ ''ਚ ਮਾਰੇ ਸਨ 9 ਲੱਖ ਥੱਪੜ
2/15/2019 1:02:29 PM
ਜਲੰਧਰ (ਬਿਊਰੋ) : 'ਵੇਖ ਬਰਾਤਾਂ ਚੱਲੀਆਂ' ਤੇ 'ਨਨਕਾਣਾ' ਵਰਗੀਆਂ ਪੰਜਾਬੀ ਫਿਲਮਾਂ ਸ਼ਾਨਦਾਰ ਅਭਿਨੈ ਕਰਨ ਵਾਲੀ ਅਦਾਕਾਰਾ ਚੰਦਰਮੁਖੀ ਚੌਟਾਲਾ ਅੱਜ ਆਪਣਾ 38ਵਾਂ ਜਨਮਦਿਨ ਸੈਲੀਬ੍ਰੇਟ ਕਰ ਰਹੀ ਹੈ। ਦੱਸ ਦਈਏ ਕਿ ਕਵਿਤਾ ਕੌਸ਼ਿਕ ਕਾਮੇਡੀ ਸ਼ੋਅ 'ਐੱਫ. ਆਈ. ਆਰ' 'ਚ ਚੰਦਰਮੁਖੀ ਚੌਟਾਲਾ ਦੀ ਭੂਮਿਕਾ 'ਚ ਨਜ਼ਰ ਆ ਚੁੱਕੀ ਹੈ।
ਬੇਸ਼ੱਕ ਅੱਜ ਕਵਿਤਾ ਕੌਸ਼ਿਕ ਇਕ ਸਫਲ ਅਦਾਕਾਰਾ ਹੈ ਪਰ ਉਹ ਅਸਲ 'ਚ ਸ਼ੇਫ ਬਣਨਾ ਚਾਹੁੰਦੀ ਸੀ। ਕੁਝ ਸਮੇਂ ਪਹਿਲਾ ਕਵਿਤਾ ਨੇ ਦੱਸਿਆ ਸੀ ਕਿ 'ਐੱਫ. ਆਈ. ਆਰ.' ਸ਼ੋਅ 'ਚ ਉਸ ਨੇ 9 ਸਾਲ ਤੇ 1400 ਐਪੀਸੋਡ 'ਚ ਤਕਰੀਬਨ 9 ਲੱਖ ਥੱਪੜ ਮਾਰੇ ਸਨ।
ਕਾਸ਼ੀਪੁਰ ਦੀ ਰਹਿਣ ਵਾਲੀ ਕਵਿਤਾ ਨੈਨੀਤਾਲ ਦੇ ਸਕੂਲ 'ਚ ਵੀ ਪੜਾਈ ਕਰ ਚੁੱਕੀ ਹੈ। ਉਸ ਨੂੰ ਉਤਰਾਖੰਡ ਨਾਲ ਬਹੁਤ ਲਗਾਅ ਹੈ।
ਉਸ ਦਾ ਪਿਤਾ ਪੁਲਸ ਅਫਸਰ ਹੈ। ਉਸ ਨੂੰ 'ਐੱਫ. ਆਈ. ਆਰ' ਸ਼ੋਅ 'ਚ ਕੰਮ ਕਰਨ ਦੀ ਪ੍ਰੇਰਣਾ ਵੀ ਉਨ੍ਹਾਂ ਤੋਂ ਹੀ ਮਿਲੀ। ਕਵਿਤਾ ਟੀ. ਵੀ. ਕਾਮੇਡੀ ਸ਼ੋਅ ਤੋਂ ਇਲਾਵਾ ਕਈ ਪੰਜਾਬੀ ਫਿਲਮਾਂ 'ਚ ਵੀ ਕੰਮ ਕਰ ਚੁੱਕੀ ਹੈ।
ਦੱਸ ਦਈਏ ਕਿ 27 ਜਨਵਰੀ 2017 ਨੂੰ ਰੋਨਿਤ ਨਾਲ ਵਿਆਹ ਕਰਵਾਉਣ ਵਾਲੀ ਕਵਿਤਾ ਨੂੰ ਬੈਡਮਿੰਟਨ ਖੇਡ ਬਹੁਤ ਪਸੰਦ ਹੈ।
ਤੁਹਾਨੂੰ ਜਾਣਕੇ ਹੈਰਾਨੀ ਹੋਵੇਗੀ ਕਿ 'ਐੱਫ. ਆਈ. ਆਰ' ਸ਼ੋਅ ਦੌਰਾਨ ਕਵਿਤਾ 55 ਤੋਂ ਜ਼ਿਆਦਾ ਐਵਾਰਡਜ਼ ਜਿੱਤ ਚੁੱਕੀ ਹੈ। ਕਵਿਤਾ ਨੂੰ ਫਿੱਟ ਰਹਿਣਾ ਕਾਫੀ ਪਸੰਦ ਹੈ।
ਇਸ ਲਈ ਉਹ ਬੀਚ 'ਤੇ ਅਕਸਰ ਹੀ ਯੋਗ ਕਰਦੀ ਨਜ਼ਰ ਆਉਂਦੀ ਹੈ।
ਇਸ ਤੋਂ ਇਲਾਵਾ ਕਵਿਤਾ ਕੌਸ਼ਿਕ ਸੋਸ਼ਲ ਮੀਡੀਆ 'ਤੇ ਵੀ ਕਾਫੀ ਸਰਗਰਮ ਰਹਿੰਦੀ ਹੈ ਤੇ ਆਪਣੀਆਂ ਖੂਬਸੂਰਤ ਤਸਵੀਰਾਂ ਫੈਨਜ਼ ਨਾਲ ਸ਼ੇਅਰ ਕਰਦੀ ਰਹਿੰਦੀ ਹੈ।
'ਵੇਖ ਬਰਾਤਾਂ ਚੱਲੀਆਂ' 'ਚ ਕਵਿਤਾ ਬੀਨੂੰ ਢਿੱਲੋਂ ਨਾਲ ਕੰਮ ਕਰ ਚੁੱਕੀ ਹੈ ਅਤੇ 'ਨਨਕਾਣਾ' ਫਿਲਮ 'ਚ ਪੰਜਾਬੀ ਫਿਲਮ ਇੰਡਸਟਰੀ ਦੇ ਉੱਘੇ ਗਾਇਕ ਤੇ ਅਭਿਨੇਤਾ ਗੁਰਦਾਸ ਮਾਨ ਨਾਲ ਨਜ਼ਰ ਆ ਚੁੱਕੀ ਹੈ।
ਆਪਣੇ ਭਾਈਚਾਰੇ ਚੋ ਆਪਣੇ ਜੀਵਨਸਾਥੀ ਦੀ ਚੋਣ ਕਰੋ - ਮੁਫ਼ਤ ਰਿਜਿਸਟ੍ਰੇਸ਼ਨ ਕਰੇ
