B'Day: ਐਕਟਿੰਗ ਤੋਂ ਪਹਿਲਾਂ ਏਅਰ ਹੋਸਟੈੱਸ ਬਨਣਾ ਚਾਹੁੰਦੀ ਸੀ ਇਹ ਅਦਾਕਾਰਾ
3/1/2019 1:34:59 PM
ਜਲੰਧਰ(ਬਿਊਰੋ)— ਟੀ. ਵੀ. ਦੀ ਮਸ਼ਹੂਰ ਅਦਾਕਾਰਾ ਕ੍ਰਿਸਟਲ ਡਿਸੂਜ਼ਾ ਅੱਜ ਆਪਣਾ 29 ਵਾਂ ਜਨਮਦਿਨ ਮਨਾ ਰਹੀ ਹੈ। ਕ੍ਰਿਸਟਲ ਡਿਸੂਜ਼ਾ ਦਾ ਜਨਮ 1 ਮਾਰਚ 1990 ਨੂੰ ਮੁੰਬਈ, ਮਹਾਰਾਸ਼ਟਰ 'ਚ ਹੋਇਆ ਸੀ। ਆਓ ਜਾਣਦੇ ਹਾਂ ਉਨ੍ਹਾਂ ਦੀਆਂ ਜ਼ਿੰਦਗੀ ਨਾਲ ਜੁੜੀਆਂ ਕੁਝ ਖਾਲ ਗੱਲਾਂ ਬਾਰੇ।
ਕ੍ਰਿਸਟਲ ਡਿਸੂਜ਼ਾ ਨੇ ਆਪਣੇ ਐਕਟਿੰਗ ਕਰੀਅਰ ਦੀ ਸ਼ੁਰੂਆਤ ਏਕਤਾ ਕਪੂਰ ਦੇ ਸੀਰੀਅਲ 'ਕਹੇ ਨਾ ਕਹੇ' ਨਾਲ ਕੀਤੀ ਸੀ ਪਰ ਕੀ ਤੁਸੀਂ ਜਾਣਦੇ ਹੋ ਕਿ ਐਕਟਿੰਗ ਦੀ ਦੁਨੀਆ 'ਚ ਕਦਮ ਰੱਖਣ ਤੋਂ ਪਹਿਲਾਂ ਕ੍ਰਿਸਟਲ ਏਅਰ ਹੋਸਟੈੱਸ ਬਨਣਾ ਚਾਹੁੰਦੀ ਸੀ।
ਇਕ ਟੀ.ਵੀ. ਅਦਾਕਾਰਾ ਹੋਣ ਦੇ ਨਾਲ-ਨਾਲ ਕ੍ਰਿਸਟਲ ਨੂੰ ਟੀ.ਵੀ. ਦੇਖਣਾ ਕਾਫੀ ਪਸੰਦ ਹੈ, ਕ੍ਰਿਸਟਲ ਨੂੰ ਇਹ ਵੀ ਯਾਦ ਹੁੰਦਾ ਹੈ ਕਿ ਕਿਹੜੇ ਸਮੇਂ 'ਤੇ ਕਿਹੜਾ ਪ੍ਰੋਗਰਾਮ ਆ ਰਿਹਾ ਹੈ।
ਜ਼ਿਆਦਾਤਰ ਸਿਤਾਰਿਆਂ ਨੂੰ ਵਿਦੇਸ਼ 'ਚ ਜਾ ਕੇ ਸ਼ਾਪਿੰਗ ਕਰਨਾ ਪਸੰਦ ਹੈ ਪਰ ਉੱਥੇ ਹੀ ਕ੍ਰਿਸਟਲ ਨੂੰ ਮੁੰਬਈ ਦੀਆਂ ਗਲੀਆਂ 'ਚ ਸ਼ਾਪਿੰਗ ਕਰਨਾ ਪਸੰਦ ਹੈ।
ਕ੍ਰਿਸਟਲ ਦੀ ਫਿੱਟਨੈੱਸ ਨੂੰ ਦੇਖਣ ਤੋਂ ਬਾਅਦ ਤੁਹਾਨੂੰ ਇਹੀ ਲੱਗਦਾ ਹੋਵੇਗਾ ਕਿ ਕ੍ਰਿਸਟਲ ਡਾਈਟਿੰਗ ਕਰਦੀ ਹੋਵੇਗੀ ਪਰ ਅਜਿਹਾ ਕੁਝ ਵੀ ਨਹੀਂ ਹੈ ਕ੍ਰਿਸਟਲ ਨੂੰ ਸੁਆਦੀ ਭੋਜਨ ਅਤੇ ਜੰਕ ਫੂਡ ਖਾਣਾ ਕਾਫੀ ਪਸੰਦ ਹੈ।
ਕ੍ਰਿਸਟਲ ਸੋਸ਼ਲ ਮੀਡੀਆ 'ਤੇ ਐਕਟਿਵ ਰਹਿੰਣਾ ਪਸੰਦ ਕਰਦੀ ਹੈ। ਉਹ ਅਕਸਰ ਆਪਣੀਆਂ ਤਸਵੀਰਾਂ ਨੂੰ ਸੋਸ਼ਲ ਮੀਡੀਆ 'ਤੇ ਸ਼ੇਅਰ ਕਰਦੀ ਰਹਿੰਦੀ ਹੈ।
ਆਪਣੇ ਭਾਈਚਾਰੇ ਚੋ ਆਪਣੇ ਜੀਵਨਸਾਥੀ ਦੀ ਚੋਣ ਕਰੋ - ਮੁਫ਼ਤ ਰਿਜਿਸਟ੍ਰੇਸ਼ਨ ਕਰੇ
