ਦੂਜੇ ਦਿਨ ਬਾਕਸ ਆਫਿਸ ''ਤੇ ''ਮਣੀਕਰਣਿਕਾ'' ਦੀ ਹੋਈ ਬੱਲੇ-ਬੱਲੇ

ਮੁੰਬਈ (ਬਿਊਰੋ) — ਬਾਲੀਵੁੱਡ ਅਦਾਕਾਰਾ ਕੰਗਨਾ ਰਣੌਤ ਦੀ ਫਿਲਮ 'ਮਣੀਕਰਣਿਕਾ ਦਿ ਕੁਈਨ ਆਫ ਝਾਂਸੀ' ਬੀਤੇ ਸ਼ੁੱਕਰਵਾਰ ਰਿਲੀਜ਼ ਹੋ ਚੁੱਕੀ ਹੈ। ਕੰਗਨਾ ਦੀ ਇਸ ਫਿਲਮ ਨੂੰ ਦਰਸ਼ਕਾਂ ਦਾ ਮਿਲਿਆ ਜੁਲਿਆ ਹੁੰਗਾਰਾ ਮਿਲਿਆ ਹੈ। ਦੱਸ ਦਈਏ ਕਿ 'ਮਣੀਕਰਣਿਕਾ' ਨੇ ਪਹਿਲੇ ਦਿਨ ਬਾਕਸ ਆਫਿਸ 'ਤੇ 9 ਕਰੋੜ ਦਾ ਕਾਰੋਬਾਰ ਕੀਤਾ ਹੈ। ਹਾਲਾਂਕਿ ਦੂਜੇ ਦਿਨ ਕਮਾਈ ਦੇ ਮਾਮਲੇ 'ਚ 'ਮਣੀਕਰਣਿਕਾ' ਨੇ ਉੱਚੀ ਛਾਲ ਮਾਰੀ ਹੈ। ਦੂਜੇ ਦਿਨ ਫਿਲਮ ਨੇ 19 ਕਰੋੜ ਦਾ ਕਰੋਬਾਰ ਕੀਤਾ ਹੈ। ਦੋ ਦਿਨਾਂ ਫਿਲਮ ਨੇ ਬਾਕਸ ਆਫਿਸ 'ਤੇ 27 ਕਰੋੜ ਦਾ ਕਾਰੋਬਾਰ ਕਰ ਲਿਆ ਹੈ। 

#Manikarnika sees remarkable growth on Day 2... Strong word of mouth has come into play, while #RepublicDay holiday has given the much-required boost... Day 3 will be in double digits again... Fri 8.75 cr, Sat 18.10 cr. Total: ₹ 26.85 cr. India biz. #Hindi #Tamil #Telugu

— taran adarsh (@taran_adarsh) January 27, 2019

ਦੱਸ ਦਈਏ ਕਿ 'ਮਣੀਕਰਣਿਕਾ' ਨੂੰ ਭਾਰਤ 'ਚ 3000 ਸਕ੍ਰੀਨਸ 'ਤੇ ਰਿਲੀਜ਼ ਕੀਤਾ ਗਿਆ ਸੀ। ਇਸ ਤੋਂ ਇਲਾਵਾ ਇਹ ਫਿਲਮ ਵਿਦੇਸ਼ਾਂ 'ਚ 700 ਸਕ੍ਰੀਨਾਂ 'ਤੇ ਰਿਲੀਜ਼ ਹੋਈ ਸੀ। ਉਸ ਦੀ ਇਸ ਫਿਲਮ ਦੀ ਸਕ੍ਰੀਨਿੰਗ ਰਾਸ਼ਟਰੀ ਭਵਨ 'ਚ ਸਪੈਸ਼ਲ ਰੱਖੀ ਗਈ ਸੀ। ਇਸ ਤੋਂ ਬਾਅਦ ਸੈਲੇਬਸ ਪ੍ਰੀਮੀਅਰ ਹੋਇਆ ਤੇ ਫਿਰ ਫਿਲਮ ਰਿਲੀਜ਼ ਕੀਤੀ ਗਈ। ਫਿਲਮ ਦੀ ਸਪੈਸ਼ਲ ਸਕ੍ਰੀਨਿੰਗ 'ਤੇ ਰਾਸ਼ਟਰਪਤੀ ਕੋਵਿੰਦ ਤੇ ਭਾਜਪਾ ਦੇ ਸੀਨੀਅਰ ਨੇਤਾ ਲਾਲ ਕ੍ਰਿਸ਼ਣਾ ਆਡਵਾਣੀ ਵੀ ਮੌਜ਼ੂਦ ਸਨ। ਫਿਲਮ ਦੇ ਗੀਤ ਸੈਂਸਰ ਬੋਰਡ ਚੀਫ ਪ੍ਰਸੂਨ ਜੋਸ਼ੀ ਨੇ ਲਿਖੇ ਹਨ। ਇਸ ਤੋਂ ਇਲਾਵਾ ਕਰਣੀ ਸੈਨਾ ਤੇ ਕੰਗਨਾ 'ਚ ਵੀ ਫਿਲਮ ਨੂੰ ਲੈ ਕੇ ਵਿਵਾਦ ਛਿੜਿਆ ਰਿਹਾ। ਜ਼ਾਹਿਰ ਹੈ ਫਿਲਮ ਆਪਣੀ ਰਿਲੀਜ਼ਿੰਗ ਤੋਂ ਪਹਿਲਾ ਕਾਫੀ ਪਬਲੀਸਿਟੀ ਹਾਸਲ ਕਰ ਚੁੱਕੀ ਸੀ।