80 ਦੀ ਉਮਰ ''ਚ ਮਿਲਿੰਦ ਦੀ ਮਾਂ ਨੇ ਲਾਏ 16 ਪੁਸ਼ਅੱਪ, ਵੀਡੀਓ ਵਾਇਰਲ
5/14/2019 10:55:27 AM
ਮੁੰਬਈ (ਬਿਊਰੋ) : ਬਾਲੀਵੁੱਡ ਐਕਟਰ ਤੇ ਮਾਡਲ ਮਿਲਿੰਦ ਸੋਮਨ ਨੇ 'ਮਦਰਸ ਡੇ' ਦੇ ਖਾਸ ਮੌਕੇ 'ਤੇ ਸਾਰੀ ਦੁਨੀਆ ਦੀਆਂ ਮਹਿਲਾਵਾਂ ਨੂੰ ਸ਼ੁਭਕਾਮਨਾਵਾਂ ਦਿੱਤੀਆਂ ਪਰ ਉਨ੍ਹਾਂ ਦੇ ਸ਼ੁੱਭਕਾਮਨਾਵਾਂ ਦੇਣ ਦਾ ਤਰੀਕਾ ਬੇਹੱਦ ਖਾਸ ਅੰਦਾਜ਼ ਸੀ, ਜੋ ਇਨ੍ਹੀਂ ਦਿਨੀਂ ਚਰਚਾ 'ਚ ਬਣਿਆ ਹੋਇਆ ਹੈ। ਦਰਅਸਲ ਮਿਲਿੰਦ ਸੋਮਨ ਨੇ ਆਪਣੇ ਸੋਸ਼ਲ ਮੀਡੀਆ ਅਕਾਊਂਟ 'ਤੇ ਵੀਡੀਓ ਪੋਸਟ ਕੀਤੀ ਹੈ, ਜਿਸ 'ਚ ਉਸ ਦੀ 80 ਸਾਲ ਦੀ ਮਾਂ ਸਾੜ੍ਹੀ ਨਾਲ ਪੁਸ਼ਅੱਪ ਕਰਦੀ ਨਜ਼ਰ ਆ ਰਹੀ ਹੈ। ਇਸ ਦੇ ਨਾਲ ਹੀ ਮਿਲਿੰਦ ਨੇ ਸਭ ਨੂੰ ਫਿੱਟ ਰਹਿਣ ਦੀ ਸਲਾਹ ਵੀ ਦਿੱਤੀ।
ਦੱਸ ਦਈਏ ਕਿ ਸਮੁੰਦਰ ਕੰਢੇ ਇਸ ਵੀਡੀਓ 'ਚ ਮਿਲਿੰਦ ਵੀ ਆਪਣੀ ਮਾਂ ਨਾਲ 16 ਪੁਸ਼ਅੱਪ ਕਰਦੇ ਨਜ਼ਰ ਆ ਰਹੇ ਹਨ। ਉਨ੍ਹਾਂ ਨੇ ਲਿਖਿਆ, ''ਕਦੇ ਵੀ ਬਹੁਤ ਦੇਰ ਨਹੀਂ ਹੁੰਦੀ। ਊਸ਼ਾ ਸੋਮਨ, ਮੇਰੀ ਮਾਂ, 80 ਸਾਲ। ਹਰ ਦਿਨ ਨੂੰ 'ਮਦਰਸ ਡੇ' ਬਣਾਓ।'' ਇਸ ਤੋਂ ਇਲਾਵਾ ਉਨ੍ਹਾਂ ਨੇ ਲਿਖਿਆ, ''ਇਹ ਵੀਡੀਓ ਸਾਰੀਆਂ ਮਾਂਵਾਂ ਲਈ ਹੈ। ਆਪਣੇ ਲਈ ਰੋਜ਼ਾਨਾ ਥੋੜ੍ਹਾ ਸਮਾਂ ਕੱਢੋ ਭਾਵੇਂ ਉਹ ਪੰਜ ਮਿੰਟ ਹੋਣ ਜਾਂ ਹੋਣ 10 ਮਿੰਟ, ਜਿੰਨਾ ਵੀ ਹੋ ਸਕੇ ਮੈਨੇਜ ਕਰੋ। ਅਸੀਂ ਤੁਹਾਨੂੰ ਸਭ ਨੂੰ ਸੁਪਰ ਫਿੱਟ ਦੇਖਣਾ ਚਾਹੁੰਦੇ ਹਾਂ। ਹੈੱਪੀ ਮਦਰਸ ਡੇ।''
It's never too late.
— Milind Usha Soman (@milindrunning) May 12, 2019
Usha Soman, my mother.
80 years young.#mothersday #love #mom #momgoals #fitwomen4fitfamilies #fitness #fitnessmotivation #healthylifestyle #fitterin2019 #livetoinspire make every day mother's day!!!!! 😃😃😃 pic.twitter.com/7aPS0cWxlR
ਦੱਸਣਯੋਗ ਹੈ ਕਿ ਮਿਲਿੰਦ ਸੋਮਨ ਦੀ ਮਾਂ ਨੇ ਅਜਿਹਾ ਕੁਝ ਪਹਿਲੀ ਵਾਰ ਨਹੀਂ ਕੀਤਾ, ਇਸ ਤੋਂ ਪਹਿਲਾ ਵੀ ਉਹ ਕਾਫੀ ਵਾਰ ਅਜਿਹੀਆਂ ਵੀਡੀਓਜ਼ ਕਾਰਨ ਸੁਰਖੀਆਂ ਬਟੋਰ ਚੁੱਕੇ ਹਨ। ਮਿਲਿੰਦ ਸੋਮਨ ਦੀ ਮਾਂ ਜਦੋਂ 70 ਸਾਲ ਦੀ ਸੀ ਤਾਂ ਉਨ੍ਹਾਂ ਨੇ ਨੰਗੇ ਪੈਰ ਮੈਰਾਥਨ 'ਚ ਹਿੱਸਾ ਲਿਆ ਸੀ ਤੇ ਇਸ ਨਾਲ ਪਲੈਂਕਸ ਵੀ ਕੀਤੇ ਸੀ। ਮਿਲਿੰਦ ਨਾਲ ਹੋਰ ਵੀ ਕਈ ਸਟਾਰਸ ਨੇ ਆਪਣੀ ਮਾਂ ਨਾਲ ਬਿਤਾਏ ਖੂਬਸੂਰਤ ਪਲਾਂ ਨੂੰ ਸ਼ੇਅਰ ਕੀਤਾ।
ਆਪਣੇ ਭਾਈਚਾਰੇ ਚੋ ਆਪਣੇ ਜੀਵਨਸਾਥੀ ਦੀ ਚੋਣ ਕਰੋ - ਮੁਫ਼ਤ ਰਿਜਿਸਟ੍ਰੇਸ਼ਨ ਕਰੇ
