B''Day: ਮੁਮਤਾਜ਼ ਦੇ ਜਨਮਦਿਨ ''ਤੇ ਜਾਣੋ ਉਨ੍ਹਾਂ ਦੀ ਜ਼ਿੰਦਗੀ ਦੀਆਂ ਕੁਝ ਦਿਲਚਸਪ ਗੱਲਾਂ ਬਾਰੇ
7/31/2019 2:33:04 PM
ਮੁੰਬਈ(ਬਿਊਰੋ)— 70 ਦੇ ਦਹਾਕੇ ਦੀ ਅਭਿਨੇਤਰੀ ਮੁਮਤਾਜ ਅੱਜ ਆਪਣਾ 72ਵਾਂ ਜਨਮਦਿਨ ਮਨਾ ਰਹੀ ਹੈ। 'ਗੋਰੇ ਰੰਗ ਪੇ ਨਾ ਇਤਨਾ ਗੁਮਾਨ ਕਰ' ਗੀਤ ਬੀਤੇ ਜਮਾਨੇ ਦੀ ਇਸ ਮਸ਼ਹੂਰ ਅਦਾਕਾਰਾ 'ਤੇ ਫਿਲਮਾਇਆ ਗਿਆ ਸੀ। ਮੁਮਤਾਜ਼ ਦਾ ਜਨਮ 31 ਜੁਲਾਈ ਨੂੰ 1947 ਨੂੰ ਮੱਧਵਰਤੀ ਮੁਸਲਮ ਪਰਿਵਾਰ 'ਚ ਹੋਇਆ ਸੀ। ਘਰ ਦੀ ਮਾਲੀ ਹਾਲਤ ਕਾਫੀ ਖਸਤਾ ਸੀ। ਇਸ ਕਾਰਨ ਸਿਰਫ 12 ਸਾਲ ਦੀ ਉਮਰ 'ਚ ਉਨ੍ਹਾਂ ਮਨੋਰੰਜਨ ਜਗਤ ਦੀ ਦੁਨੀਆ 'ਚ ਕਦਮ ਰੱਖ ਲਿਆ ਸੀ। ਆਪਣੀ ਛੋਟੀ ਭੈਣ ਮਲਿਕਾ ਨਾਲ ਉਹ ਰੋਜ਼ਾਨਾ ਸਟੂਡੀਓ ਦੇ ਚੱਕਰ ਲਗਾਉਂਦੀ ਸੀ। ਉਨ੍ਹਾਂ ਦੀ ਮਾਂ ਨਾਜ਼ ਅਤੇ ਚਾਚੀ ਨੀਲੋਫਰ ਪਹਿਲੇ ਤੋਂ ਫਿਲਮੀ ਦੁਨੀਆ 'ਚ ਮੌਜੂਦ ਸਨ। ਦੋਵੇਂ ਜੁਨੀਅਰ ਅਦਾਕਾਰਾਂ ਹੋਣ ਕਰਕੇ ਆਪਣੀ ਬੇਟੀਆਂ ਦੀ ਸਿਫਰਾਰਸ਼ ਕਰਨ ਦੇ ਕਾਬਲ ਨਹੀਂ ਸਨ ਪਰ ਆਪਣੀ ਲਗਨ ਅਤੇ ਮਿਹਨਤ ਨਾਲ 70 ਦੇ ਦਹਾਕੇ 'ਚ ਉਨ੍ਹਾਂ ਸਟਾਰ ਦੀ ਹੈਸੀਅਤ ਹਾਸਲ ਕਰ ਲਈ ਸੀ।
ਫਿਲਮੀ ਕਰੀਅਰ
ਮੁਮਤਾਜ਼ ਨੇ ਦਾਰਾ ਸਿੰਘ ਤੋਂ ਲੈ ਕੇ ਦਿਲੀਪ ਕੁਮਾਰ ਵਰਗੇ ਦਿਗਜ਼ ਅਭਿਨੇਤਾਵਾਂ ਨਾਲ ਅਦਾਕਾਰੀ ਦੀਆਂ ਸਫਲਤਾ ਦੀ ਪੋੜੀਆਂ 'ਤੇ ਚੜ ਚੁੱਕੀ ਸੀ। ਮੁਮਤਾਜ਼ ਆਪਣੇ ਫਿਲਮੀ ਕਰੀਅਰ ਦੌਰਾਨ ਸ਼ਮੀ ਕਪੂਰ, ਦੇਵਾਨੰਦ, ਸੰਜੀਵ ਕੁਮਾਰ, ਸ਼ਸ਼ੀ ਕਪੂਰ ਵਰਗੇ ਨਾਮੀ ਸਿਤਾਰਿਆਂ ਨਾਲ ਕੰਮ ਕਰ ਚੁੱਕੀ ਹੈ। ਫਿਲਮ 'ਦੋ ਰਾਸਤੇ' ਦੀ ਸਫਲਤਾ ਨਾਲ ਮੁਮਤਾਜ਼ ਨੇ ਸਫਲਤਾ ਦਾ ਇਕ ਵੱਡਾ ਮੁਕਾਮ ਹਾਸਲ ਕਰ ਲਿਆ ਸੀ। ਸਾਲ 1969 ਤੋਂ 1974 ਤਕ ਦਿਨਾਂ 'ਚ 'ਸੱਚਾ ਝੂਠ', 'ਆਪਣਾ ਦੇਸ਼', 'ਦੁਸ਼ਮਨ', 'ਰੋਟੀ' ਵਰਗੀਆਂ ਸੁਪਰਹਿੱਟ ਫਿਲਮਾਂ 'ਚ ਨਜ਼ਰ ਆ ਚੁੱਕੀ ਹੈ।
ਵਿਆਹੁਤਾ ਜ਼ਿੰਦਗੀ
ਮੁਮਤਾਜ਼ ਨੇ ਫਿਲਮਾਂ 'ਚ ਸਫਲਤਾ ਹਾਸਲ ਕਰਨ ਤੋਂ ਬਾਅਦ ਗੁਜਰਾਤੀ ਮੂਲ ਦੇ ਲੰਡਨ 'ਚ ਰਹਿਣ ਵਾਲੇ ਮਿਯੂਰ ਵਾਧਵਾਨੀ ਨਾਮਕ ਬਿਜਨੈੱਸਮੈਨ ਨਾਲ 1974 'ਚ ਵਿਆਹ ਦੇ ਬੰਧਨ 'ਚ ਬੱਝ ਗਈ ਸੀ। ਵਿਆਹ ਤੋਂ ਬਾਅਦ ਉਹ ਬ੍ਰਿਟੇਨ 'ਚ ਚਲੀ ਗਈ ਸੀ। ਵਿਆਹ ਤੋਂ ਪਹਿਲਾਂ ਉਨ੍ਹਾਂ ਦਾ ਨਾਂ ਸੰਜੇ ਖਾਨ, ਫਿਰੋਜ਼ ਖਾਨ, ਦੇਵਾਨੰਦ ਵਰਗੇ ਸਿਤਾਰਿਆਂ ਨਾਲ ਜੋੜਿਆ ਜਾ ਚੁੱਕਿਆ ਸੀ।
ਇਸ ਤੋਂ ਇਲਾਵਾ ਮੁਮਤਾਜ਼ ਜਦੋਂ 18 ਸਾਲਾਂ ਦੀ ਸੀ ਤਾਂ ਸ਼ਮੀ ਕਪੂਰ ਨੇ ਉਨ੍ਹਾਂ ਨੂੰ ਵਿਆਹ ਲਈ ਪ੍ਰਪੋਜ਼ ਕੀਤਾ ਸੀ। ਉਸ ਸਮੇਂ ਮੁਮਤਾਜ਼ ਵੀ ਉਨ੍ਹਾਂ ਨੂੰ ਪਿਆਰ ਕਰਦੀ ਸੀ। ਸ਼ਮੀ ਚਾਹੁੰਦੇ ਸਨ ਕਿ ਮੁਮਤਾਜ਼ ਆਪਣਾ ਫਿਲਮੀ ਕਰੀਅਰ ਛੱਡ ਕੇ ਮੇਰੇ ਨਾਲ ਵਿਆਹ ਕਰ ਲਵੇ ਪਰ ਮੁਮਤਾਜ਼ ਦੇ ਮਨ੍ਹਾ ਕਰਨ ਤੋਂ ਬਾਅਦ ਸ਼ਮੀ ਨਾਲ ਉਨ੍ਹਾਂ ਦਾ ਰਿਸ਼ਤਾ ਖਤਮ ਹੋ ਗਿਆ ਸੀ।
ਮੁਮਤਾਜ਼ ਨੂੰ 1967 ਦੀ ਫਿਲਮ 'ਰਾਮ ਓਰ ਸ਼ਾਮ' ਅਤੇ 1969 'ਆਦਮੀ ਅੋਰ ਇੰਨਸਾਨ' ਦੇ ਲਈ ਫਿਲਮਫੇਅਰ ਬੈਸਟ ਸਪੋਟਿੰਗ ਅਭਿਨੇਤਰੀ ਦਾ ਐਵਾਰਡ ਮਿਲਿਆ ਸੀ। ਇਸ ਤੋਂ ਇਲਾਵਾ 1996 'ਚ ਆਈਫਾ ਐਵਾਰਡਸ 'ਚ ਲਾਈਫ ਟਾਈਮ ਅਚੀਵਮੈਂਟ ਐਵਾਡਰ ਨਾਲ ਸਨਮਾਨਿਤ ਕੀਤਾ ਗਿਆ ਸੀ।
ਆਪਣੇ ਭਾਈਚਾਰੇ ਚੋ ਆਪਣੇ ਜੀਵਨਸਾਥੀ ਦੀ ਚੋਣ ਕਰੋ - ਮੁਫ਼ਤ ਰਿਜਿਸਟ੍ਰੇਸ਼ਨ ਕਰੇ