ਮੁੜ ਵਿਵਾਦਾਂ ’ਚ ਘਿਰੇ ਅਨੂ ਮਲਿਕ, ਲੱਗੇ ਇਹ ਦੋਸ਼

ਮੁੰਬਈ(ਬਿਊਰੋ)- ਪਿਛਲੇ ਸਾਲ ਸ਼ੁਰੂ ਹੋਈ ਮੀਟੂ ਮੁਹਿੰਮ ਤਹਿਤ ਬਾਲੀਵੁੱਡ ਦੀਆਂ ਕਈ ਮਸ਼ਹੂਰ ਹੱਸਤੀਆਂ ਇਸ ਦੀ ਲਪੇਟ ਵਿਚ ਆਉਂਦੀਆਂ ਦਿਸੀਆਂ ਸਨ। ਆਪਣੇ ਨਾਲ ਯੌਨ ਸ਼ੋਸ਼ਣ ਜਾਂ ਹਿੰਸਾ ਦੀਆਂ ਸ਼ਿਕਾਰ ਹੋਈਆਂ ਕਈ ਲੜਕੀਆਂ ਨੇ ਦੁਨੀਆ ਸਾਹਮਣੇ ਆਪਣੀ ਹੱਡਬੀਤੀ ਸੁਣਾਈ। ਆਪਣੇ ਬੇਬਾਕ ਬਿਆਨਾਂ ਲਈ ਮਸ਼ਹੂਰ ਸਿੰਗਰ ਸੋਨਾ ਮੋਹਾਪਾਤਰਾ ਨੇ ਮਿਊਜ਼ਿਕ ਕੰਪੋਜਰ ਨੇ ਅਨੂੰ ਮਲਿਕ 'ਤੇ ਗਲਤ ਤਰ੍ਹਾਂ ਨਾਲ ਵਿਵਹਾਰ ਕਰਨ ਦਾ ਦੋਸ਼ ਲਗਾਇਆ ਸੀ। ਹੁਣ ਸੋਨਾ ਮੋਹਾਪਾਤਰਾ ਦੇ ਇਕ ਟਵੀਟ 'ਤੇ ਕੁਮੈਂਟ ਕਰਦੇ ਹੋਏ ਸਿੰਗਰ ਨੇਹਾ ਭਸੀਨ ਨੇ ਆਪਣੀ ਹੱਡਬੀਤੀ ਦੱਸਦੇ ਹੋਏ ਇਕ ਵਾਰ ਫਿਰ ਅਨੂੰ ਮਲਿਕ ਨੂੰ ਗਲਤ ਵਿਵਹਾਰ ਕਰਨ ਨੂੰ ਲੰਬੇ ਹੱਥੀ ਲਿਆ ਹੈ।

I fleed lying my mums waiting below. He even msgd and called me after that to which i stopped responding. The point is i went to give him my cd and hope for a chance at a song. He was older and shouldnt have behaved the way he did. @The_AnuMalik is an ugly pervert and does not https://t.co/tQgStLrYyT

— Neha Bhasin (@nehabhasin4u) October 30, 2019

ਨੇਹਾ ਭਸੀਨ ਨੇ ਦੱਸੀ ਹੱਡਬੀਤੀ

ਸਿੰਗਰ ਸੋਨਾ ਮੋਹਾਪਾਤਰਾ ਨੇ ਇਕ ਟਵੀਟ ਕਰਕੇ ਕਿਹਾ ਕਿ ਕੀ ਸਾਡੇ ਦੇਸ਼ ਨੂੰ ਨਿਰਭਯਾ ਕਾਂਡ ਜਿਹੀ ਹੀ ਕੋਈ ਘਟਨਾ ਚਾਹੀਦੀ ਹੈ ਜਗਾਉਣ ਲਈ...?  ਇਸ ਟਵੀਟ 'ਤੇ ਆਪਣੀ ਹੱਡਬੀਤੀ ਦੱਸਦੇ ਹੋਏ ਨੇਹਾ ਭਸੀਨ ਨੇ ਲਿਖਿਆ, ''ਮੈਂ ਤੁਹਾਡੇ ਨਾਲ ਸਹਿਮਤ ਹਾਂ। ਅਨੂੰ ਮਲਿਕ ਇਕ ਪ੍ਰੀਡੇਟਰ ਹੈ, ਮੈਂ ਖੁਦ ਉਸ ਦੀਆਂ ਅਜੀਬ ਹਰਕਤਾਂ ਤੋਂ ਭੱਜੀ ਸੀ, ਜਦੋਂ ਮੈਂ ਸਿਰਫ 21 ਸਾਲ ਦੀ ਸੀ। ਉਹ ਸੋਫੇ 'ਤੇ ਲੇਟਿਆ ਸੀ ਅਤੇ ਸਟੂਡੀਓ ਵਿਚ ਮੇਰੀਆਂ ਅੱਖਾਂ ਬਾਰੇ ਗੱਲ ਕਰ ਰਿਹਾ ਸੀ ਅਤੇ ਮੈਂ ਖੁੱਦ ਨੂੰ ਅਜਿਹੀ ਸਥਿਤੀ ਵਿਚ ਨਹੀਂ ਜਾਣ ਦੇਣਾ ਚਾਹੁੰਦੀ ਸੀ, ਇਸ ਲਈ ਉੱਥੋਂ ਝੂਠ ਬੋਲ ਕੇ ਭੱਜੀ ਕਿ ਮੇਰੀ ਮਾਂ ਹੇਠਾਂ ਇੰਤਜ਼ਾਰ ਕਰ ਰਹੀ ਹੈ। ਉਸ ਤੋਂ ਬਾਅਦ ਉਸ ਨੇ ਮੈਨੂੰ ਮੈਸੇਜ ਅਤੇ ਕਾਲ ਵੀ ਕੀਤਾ, ਜਿਸ ਦਾ ਮੈਂ ਜਵਾਬ ਦੇਣਾ ਬੰਦ ਕਰ ਦਿੱਤਾ। ਇਹ ਉਹ ਸਮਾਂ ਸੀ ਜਦੋਂ ਮੈਂ ਉਸ ਨੂੰ ਆਪਣੀ ਸੀਡੀ ਦੇਣ ਗਈ ਸੀ ਤਾਂਕਿ ਉਹ ਮੇਰੀ ਆਵਾਜ਼ ਸੁਣ ਕੇ ਮੈਨੂੰ ਗੀਤ ਦਾ ਚਾਂਸ ਦੇ ਦੇਵੇ। ਉਹ ਕਾਫੀ ਵੱਡੇ ਸਨ ਅਤੇ ਉਨ੍ਹਾਂ ਨੂੰ ਅਜਿਹਾ ਵਿਵਹਾਰ ਨਹੀਂ ਕਰਨਾ ਚਾਹੀਦਾ ਸੀ।''

Even though i have a brave DNA Sona :) as you have known me the industry or the world was not an easy place as a young girl alone away from family due to many such Incidents or getting a hunch of such perverts. Perverts exist inside n outside our industry but why are we so https://t.co/VcCxryE8Ff

— Neha Bhasin (@nehabhasin4u) October 31, 2019

ਸਮਾਜ ਦੀਆਂ ਲੜਕੀਆਂ ਨੂੰ ਦੱਸਿਆ ਅਸੁਰੱਖਿਅਤ

ਨੇਹਾ ਭਸੀਨ ਨੇ ਅੱਗੇ ਲਿਖਿਆ ਕਿ ਪਰਿਵਾਰ ਤੋਂ ਦੂਰ ਰਹਿ ਰਹੀਆਂ ਲੜਕੀਆਂ ਲਈ ਇਹ ਇੰਡਸਟਰੀ ਅਤੇ ਦੁਨੀਆ ਇਕ ਸੁਰੱਖਿਅਤ ਥਾਂ ਨਹੀਂ ਹੈ। 'ਅਜਿਹੇ ਛਿਛੋਰੇ ਇੰਡਸਟਰੀ ਦੇ ਅੰਦਰ ਅਤੇ ਬਾਹਰ ਮੌਜੂਦ ਹਨ ਅਤੇ ਅਸੀਂ ਇਨ੍ਹਾਂ ਨੂੰ ਕਿਉਂ ਮੁਆਫ ਕਰ ਦਿੰਦੇ ਹਾਂ।' ਇਸ ਟਵੀਟ ਤੋਂ ਬਾਅਦ ਸੋਸ਼ਲ ਮੀਡੀਆ ਯੂਜ਼ਰਸ ਦੇ ਰਿਐਕਸ਼ਨ ਆਉਣੇ ਸ਼ੁਰੂ ਹੋ ਗਏ ਹਨ। ਜ਼ਿਆਦਾਤਰ ਲੋਕ ਨੇਹਾ ਦੀਆਂ ਗੱਲਾਂ ਦਾ ਸਮਰਥਨ ਕਰਦੇ ਦਿਖਾਈ ਦੇ ਰਹੇ ਹਨ, ਜਦੋਂ ਕਿ ਕੁਝ ਲੋਕ ਅਨੂੰ ਮਲਿਕ ਦਾ ਬਚਾਅ ਕਰਦੇ ਦਿਖਾਈ ਦੇ ਰਹੇ ਹਨ। ਹੁਣ ਅਜਿਹੇ ਵਿਚ ਇਸ ਗੱਲ ਦਾ ਇੰਤਜ਼ਾਰ ਹੈ ਕਿ ਅਨੂੰ ਮਲਿਕ ਨੇਹਾ ਭਸੀਨ ਦੇ ਇਨ੍ਹਾਂ ਦੋਸ਼ਾਂ ਦਾ ਕੀ ਜਵਾਬ ਦਿੰਦੇ ਹਨ।