PICS: ਸ਼ਾਹਰੁਖ ਖਾਨ ਦੀ ਭੈਣ ਪਾਕਿਸਤਾਨ ਦੇ ਪੇਸ਼ਾਵਰ ਤੋਂ ਲੜੇਗੀ ਚੋਣਾਂ
6/8/2018 12:56:58 PM
ਮੁੰਬਈ (ਬਿਊਰੋ)— ਬਾਲੀਵੁੱਡ ਅਦਾਕਾਰ ਸ਼ਾਹਰੁਖ ਖਾਨ ਦੇ ਚਾਚੇ ਦੀ ਭੈਣ ਪਾਕਿਸਤਾਨ ਦੇ ਪੇਸ਼ਾਵਰ ਦੀਆਂ ਆਮ ਚੋਣਾਂ ਲੜਣ ਜਾ ਰਹੀ ਹੈ। ਨੂਰਜਹਾਂ ਖੈਬਰ ਪਖਤੂਨਖਵਾ, ਅਸੈਂਬਲੀ ਤੋਂ ਬਤੌਰ ਆਜ਼ਾਦ ਉਮੀਦਵਾਰ ਵਜੋਂ ਮੈਦਾਨ 'ਚ ਉਤਰੇਗੀ।
ਜਾਣਕਾਰੀ ਮੁਤਾਬਕ ਪਾਕਿਸਤਾਨ 'ਚ 25 ਜੁਲਾਈ ਨੂੰ ਆਮ ਚੋਣਾਂ ਲਈ ਵੋਟਾਂ ਹੋਣਗੀਆਂ। ਰਿਪੋਰਟ ਮੁਤਾਬਕ ਨੂਰ ਆਪਣੇ ਪਰਿਵਾਰ ਨਾਲ ਸ਼ਾਹ ਵਾਲੀ ਕਤਾਲ ਖੇਤਰ 'ਚ ਰਹਿੰਦੀ ਹੈ। ਇਹ ਇਲਾਕਾ ਕਿੱਸਾ ਖਵਾਨੀ ਬਾਜ਼ਾਰ ਦੇ ਨੇੜੇ ਹੈ।
ਨੂਰ ਭਾਰਤ 'ਚ ਸ਼ਾਹਰੁਖ ਖਾਨ ਨੂੰ ਮਿਲਣ 2 ਵਾਰ ਆ ਚੁੱਕੀ ਹੈ। ਦੋਹਾਂ ਪਰਿਵਾਰਾਂ ਵਿਚਕਾਰ ਕਾਫੀ ਚੰਗੇ ਰਿਸ਼ਤੇ ਦੱਸੇ ਜਾਂਦੇ ਹਨ। ਨੂਰ ਦੇ ਭਰਾ ਨੇ ਦੱਸਿਆ ਕਿ ਉਨ੍ਹਾਂ ਦੇ ਪਰਿਵਾਰ ਨਾਲ ਸਿਆਸੀ ਵਿਰਾਸਤ ਤੋਂ ਜੁੜੀ ਹੋਈ ਹੈ।
ਉਨ੍ਹਾਂ ਦੀ ਭੈਣ ਇਸ ਤੋਂ ਪਹਿਲਾਂ ਵੀ ਨੈਸ਼ਨਲ ਪਾਰਟੀ ਵਲੋਂ ਮਹਿਲਾ ਸੀਟ ਲਈ ਚੋਣਾਂ ਲੜ੍ਹ ਚੁੱਕੀ ਹੈ। ਸਾਲ 1947 'ਚ ਭਾਰਤ-ਪਾਕਿ ਦੀ ਵੰਡ ਦੌਰਾਨ ਸ਼ਾਹਰੁਖ ਦੇ ਪਿਤਾ ਮੀਰ ਤਾਜ ਮੁਹੰਮਦ ਦਿੱਲੀ ਆ ਗਏ ਸਨ ਪਰ ਚਾਚਾ ਗੁਲਾਮ ਮੁਹੰਮਦ ਨੇ ਪਾਕਿਸਤਾਨ 'ਚ ਹੀ ਰਹਿਣ ਦਾ ਫੈਸਲਾ ਕੀਤਾ ਸੀ।
ਗੁਲਾਮ ਮੁਹੰੰਮਦ ਦੇ 2 ਬੇਟੇ (ਮੰਸੂਰ ਖਾਨ ਅਤੇ ਮਕਸੂਦ ਖਾਨ) ਅਤੇ ਇਕ ਬੇਟੀ 'ਨੂਰ' ਹੈ।
1978 'ਚ ਸ਼ਾਹਰੁਖ ਪਹਿਲੀ ਵਾਰ ਆਪਣੇ ਪਿਤਾ ਨਾਲ ਪੇਸ਼ਾਵਰ ਪਹੁੰਚੇ ਸਨ। ਉੱਥੇ ਨੂਰ 1997 'ਚ ਪਹਿਲੀ ਵਾਰ ਮੁੰਬਈ ਆਈ ਸੀ।
ਆਪਣੇ ਭਾਈਚਾਰੇ ਚੋ ਆਪਣੇ ਜੀਵਨਸਾਥੀ ਦੀ ਚੋਣ ਕਰੋ - ਮੁਫ਼ਤ ਰਿਜਿਸਟ੍ਰੇਸ਼ਨ ਕਰੇ
