B''DAY SPL: ''ਹਮਾਰੀ ਬੇਟੀ'' ਨਾਲ ਇਸ ਅਦਾਕਾਰਾ ਨੇ ਕੀਤੀ ਸੀ ਫਿਲਮੀ ਕੈਰੀਅਰ ਦੀ ਸ਼ੁਰੂਆਤ
6/4/2017 4:44:10 PM
ਨਵੀਂ ਦਿੱਲੀ— ਬਾਲੀਵੁੱਡ ਦੀ ਮਸ਼ਹੂਰ ਅਦਾਕਾਰਾ ਨੂਤਨ ਬਹਿਲ ਦੀ 81ਵੀਂ ਜਯੰਤੀ 'ਤੇ ਉਨ੍ਹਾਂ ਦੇ ਪ੍ਰੰਸ਼ਸਕਾਂ ਨਾਲ ਹੀ ਗੂਗਲ ਨੇ ਵੀ ਵਿਸ਼ੇਸ਼ ਡੁਡਲ ਦੇ ਜ਼ਰੀਏ ਇਸ ਅਭਿਨੇਤਰੀ ਨੂੰ ਆਪਣੀ ਸ਼ਰਧਾਂਜਲੀ ਦਿੱਤੀ ਹੈ। ਉਨ੍ਹਾਂ ਦਾ ਜਨਮ 4 ਜੂਨ 1936 ਨੂੰ ਮੁੰਬਈ 'ਚ ਹੋਇਆ ਸੀ।
ਨੂਤਨ ਨੂੰ ਉਨ੍ਹਾਂ ਦੇ ਭਾਵਪੂਰਨ ਅਭਿਨੈ ਨੇ ਬਾਲੀਵੁੱਡ 'ਚ ਇੱਕ ਵੱਖਰੇ ਮੁਕਾਮ ਦਿਵਾਇਆ ਹੈ। 'ਬੰਦਿਨੀ','ਸੁਜਾਤਾ','ਸੀਮਾ ','ਤੇਰੇ ਘਰ ਦੇ ਸਾਹਮਣੇ','ਮਿਲਨ','ਮੈਂ ਤੁਲਸੀ ਤੇਰੇ ਆਂਗਨ ਦੀ' ਵਰਗੀਆਂ ਦਰਜਨਾਂ ਹਿੱਟ ਫਿਲਮਾਂ 'ਚ ਕੰਮ ਕੀਤਾ ਹੈ।
ਆਪਣੇ ਬੇਹਤਰੀਨ ਅਭਿਨੈਅ ਨਾਲ ਨੂਤਨ ਨੇ ਸਾਬਿਤ ਕੀਤਾ ਹੈ ਕਿ ਉਹ ਹਰ ਤਰ੍ਹਾਂ ਦੀਆਂ ਫਿਲਮਾਂ ਅਤੇ ਭੂਮਿਕਾਵਾਂ ਲਈ ਨਿਰਦੇਸ਼ਕਾਂ ਦੀ ਪਹਿਲੀ ਪਸੰਦ ਕਿਉਂ ਸੀ।
ਗੁਗਲ ਨੇ ਵੀ ਡੂਡਲ ਦੇ ਜ਼ਰੀਏ ਇਸ ਅਭਿਨੇਤਰੀ ਦੇ ਚਿਹਰਿਆਂ ਦੇ ਕਈ ਭਾਵਾਂ ਨਾਲ ਗੁਗਲ ਦੇ ਦੋ ਓ ਬਣਾ ਕੇ ਉਨ੍ਹਾਂ ਨੂੰ ਸ਼ਰਧਾਂਜਲੀ ਦਿੱਤੀ ਹੈ। ਅਭਿਨੇਤਰੀ ਸ਼ੋਭਨਾ ਸਮਰਥ ਅਤੇ ਫਿਲਮਕਾਰ ਕੁਮਾਰਮਸੇਨ ਸਮਰਥ ਦੇ ਇੱਥੇ 1936 'ਚ ਜਨਮੀ ਨੂਤਨ ਨੇ ਆਪਣੇ ਫਿਲਮੀ ਸਫਰ ਦੀ ਸ਼ੁਰੂਆਤ 'ਹਮਾਰੀ ਬੇਟੀ' ਤੋਂ ਕੀਤੀ ਅਤੇ ਕਰੀਬ ਚਾਰ ਦਸ਼ਕਾਂ ਤੋਂ ਵੱਧ ਲੰਬੇ ਆਪਣੇ ਕੈਰੀਅਰ 'ਚ 70 ਤੋਂ ਵੱਧ ਫਿਲਮਾਂ 'ਚ ਅਭਿਨੈ ਕੀਤਾ।
ਨੂਤਨ ਨੇ ਰਹਨੀਸ਼ ਬਹਿਲ ਦੇ ਨਾਲ ਵਿਆਹ ਕੀਤਾ ਸੀ ਅਤੇ 54 ਸਾਲ ਦੀ ਉਮਰ 'ਚ ਬ੍ਰੈਸਟ ਕੈਂਸਰ ਦੇ ਕਾਰਣ ਉਨ੍ਹਾਂ ਦੀ ਮੌਤ ਹੋ ਗਈ ਸੀ। ਉਨ੍ਹਾਂ ਦੇ ਬੇਟੇ ਮੋਹਨੀਸ਼ ਬਹਿਲ ਫਿਲਮ ਅਤੇ ਟੀ. ਵੀ. ਕਲਾਕਾਰ ਹਨ।
ਆਪਣੇ ਭਾਈਚਾਰੇ ਚੋ ਆਪਣੇ ਜੀਵਨਸਾਥੀ ਦੀ ਚੋਣ ਕਰੋ - ਮੁਫ਼ਤ ਰਿਜਿਸਟ੍ਰੇਸ਼ਨ ਕਰੇ
