ਪ੍ਰਿਅੰਕਾ ਚੋਪੜਾ ਨੇ ਫਿਰ ਵਧਾਇਆ ਦੇਸ਼ ਦਾ ਮਾਣ, ਮਿਲਿਆ ਖਾਸ ਐਵਾਰਡ
12/5/2019 11:36:08 AM
ਮੁੰਬਈ(ਬਿਊਰੋ)- ਬਾਲੀਵੁੱਡ ਅਦਾਕਾਰਾ ਪ੍ਰਿਅੰਕਾ ਚੋਪੜਾ ਨੇ ਇਕ ਵਾਰ ਫਿਰ ਦੇਸ਼ ਦਾ ਮਾਣ ਵਧਾਇਆ ਹੈ, ਉਨ੍ਹਾਂ ਨੂੰ UNICEF ਦੇ ‘Danny Kaye Humanitarian Award ’ ਨਾਲ ਸਨਮਾਨਿਤ ਕੀਤਾ ਗਿਆ ਹੈ । ਇਸ ਐਵਾਰਡ ਦਾ ਐਲਾਨ ਇਸੇ ਸਾਲ ਜੂਨ ਵਿਚ ਕੀਤਾ ਗਿਆ ਸੀ।
ਪ੍ਰਿਅੰਕਾ ਨੂੰ ਬੀਤੇ ਮੰਗਲਵਾਰ ਇਕ ਪ੍ਰੋਗਰਾਮ ਦੌਰਾਨ ਇਹ ਐਵਾਰਡ ਦਿੱਤਾ ਗਿਆ। ਇਹ ਐਵਾਰਡ ਲੈਣ ਤੋਂ ਬਾਅਦ ਪ੍ਰਿਅੰਕਾ ਨੇ ਕਿਹਾ,‘‘ਸਮਾਜ ਸੇਵਾ ਹੁਣ ਕੋਈ ਆਪਸ਼ਨ ਨਹੀਂ ਰਹਿ ਗਿਆ, ਸਮਾਜ ਸੇਵਾ ਜੀਵਨ ਦਾ ਇਕ ਮਾਧਿਅਮ ਬਣ ਗਿਆ ਹੈ’’
ਤੁਹਾਨੂੰ ਦੱਸ ਦਿੰਦੇ ਹਾਂ ਕਿ ਇਸ ਐਵਾਰਡ ਦਾ ਨਾਂਅ ਅਮਰੀਕਾ ਦੇ ਇਕ ਅਦਾਕਾਰ ਤੇ ਸਮਾਜ ਸੇਵਕ ਡੈਨੀ ਦੇ ਨਾਂਅ ਤੇ ਰੱਖਿਆ ਗਿਆ ਹੈ। ਇਹ ਐਵਾਰਡ ਲੈਣ ਤੋਂ ਬਾਅਦ ਪ੍ਰਿਅੰਕਾ ਨੇ ਕਿਹਾ,‘‘ਜਦੋਂ ਮੈਂ ਅਦਾਕਾਰਾ ਬਣੀ ਹੀ ਸੀ ਕਿ ਮੈਨੂੰ ਲੱਗਣ ਲੱਗ ਗਿਆ ਸੀ ਕਿ ਮੈਨੂੰ ਸਮਾਜ ਸੇਵਾ ਨਾਲ ਜੁੜਨਾ ਚਾਹੀਦਾ ਹੈ । ਇਸ ਸੰਸਥਾ ਨਾਲ ਜੁੜ ਕੇ ਮੈਨੂੰ ਇਕ ਮੰਚ ਮਿਲ ਗਿਆ । ਮੈਂ ਕਈ ਸਮਾਜ ਸੇਵੀ ਮੁਹਿੰਮਾਂ ਨਾਲ ਜੁੜੀ’’।
ਆਪਣੇ ਭਾਈਚਾਰੇ ਚੋ ਆਪਣੇ ਜੀਵਨਸਾਥੀ ਦੀ ਚੋਣ ਕਰੋ - ਮੁਫ਼ਤ ਰਿਜਿਸਟ੍ਰੇਸ਼ਨ ਕਰੇ