ਮੁੜ ਬਣੇਗੀ ਪੰਜਾਬੀ ਫਿਲਮ ''ਨਾਨਕ ਨਾਮ ਜਹਾਜ਼ ਹੈ''

ਜਲੰਧਰ(ਬਿਊਰੋ) - ਜੇਕਰ ਪੰਜਾਬੀ ਫਿਲਮਾਂ ਦਾ ਇਤਿਹਾਸ ਫਰੋਲਿਆ ਜਾਵੇ ਤਾਂ ਇਕ ਫਿਲਮ ਸਾਡੇ ਜਹਿਨ 'ਚ ਘਰ ਕਰ ਜਾਂਦੀ ਹੈ।ਉਹ ਫਿਲਮ ਹੈ 'ਨਾਨਕ ਨਾਮ ਜਹਾਜ਼ ਹੈ'। 1969 ਨੂੰ ਤਕਰੀਬਨ 50 ਸਾਲ ਪਹਿਲਾ ਬਣੀ ਇਸ ਫਿਲਮ ਨੇ ਪੰਜਾਬੀ ਸਿਨੇਮਾ 'ਚ ਇਕ ਨਵਾਂ ਇਤਿਹਾਸ ਸਿਰਜਿਆ ਸੀ। ਪੰਜਾਬੀ ਸਿਨੇਮਾ ਦੀ ਇਹ ਬਹੁ-ਚਰਚਿਤ ਫਿਲਮ ਮੁੜ ਸਿਨੇਮਾਘਰਾਂ 'ਚ ਦਸਤਕ ਦੇਣ ਜਾ ਰਹੀ ਹੈ।

ਦੱਸ ਦਈਏ ਕਿ 'ਨਾਨਕ ਨਾਮ ਜਹਾਜ਼ ਹੈ' ਨਾਂ ਦੀ ਇਹ ਫਿਲਮ ਦੁਬਾਰਾ ਇਸੇ ਹੀ ਨਾਂ ਹੇਠ ਬਣਾਈ ਜਾ ਰਹੀ ਹੈ।ਇਸ ਫਿਲਮ ਨਾਲ ਜੁੜੇ ਰਤਨ ਔਲਖ ਦਾ ਕਹਿਣਾ ਹੈ ਕਿ ਇਸ ਫਿਲਮ ਨੂੰ ਮਾਨ ਸਿੰਘ ਦੀਪ ਵੱਲੋਂ ਪ੍ਰੋਡਿਊਸ ਕਰਨਗੇ।'ਨਾਨਕ ਨਾਮ ਜਹਾਜ਼ ਹੈ' ਫਿਲਮ ਨੂੰ ਕਲਿਆਨੀ ਸਿੰਘ ਦੁਆਰਾ ਲਿਖਿਆ ਤੇ ਡਾਇਰੈਕਟ ਕੀਤਾ ਜਾਵੇਗਾ।

ਦੱਸਣਯੋਗ ਹੈ ਕਿ ਫਿਲਮ ਦੇ ਕਲਾਕਾਰਾਂ ਬਾਰੇ ਅਜੇ ਕੋਈ ਵੀ ਅਧਿਕਾਰਿਤ ਅਨਾਊਂਸਮੈਂਟ ਨਹੀਂ ਹੋਈ ਪਰ ਜਲਦ ਹੀ ਇਹ ਫਿਲਮ ਫਲੋਰ 'ਤੇ ਜਾਵੇਗੀ। ਫਿਲਮ ਦੇ ਸੰਗੀਤ 'ਤੇ ਕੰਮ ਚੱਲ ਰਿਹਾ ਹੈ। 'ਨਾਨਲ ਨਾਮ ਜਹਾਜ਼ ਹੈ' ਨਾਂ ਦੀ ਇਸ ਫਿਲਮ ਦਾ 50 ਸਾਲ ਬਾਅਦ ਦੁਬਾਰਾ ਬਣਨਾ ਪੰਜਾਬੀ ਸਿਨੇਮਾ ਲਈ ਮਾਣ ਵਾਲੀ ਗੱਲ ਹੋਵੇਗੀ। ਫਿਲਮ ਦੀ ਕਹਾਣੀ ਪਰਿਵਾਰਿਕ ਤੇ ਸਭਿਆਚਾਰਿਕ ਕਦਰਾਂ-ਕੀਮਤਾਂ 'ਤੇ ਅਧਾਰਿਤ ਹੋਵੇਗੀ ।