ਅਭਿਨੇਤਾ ਪੂਰਬ ਕੋਹਲੀ ਨੇ ਪਰਿਵਾਰ ਨਾਲ ਜਿੱਤੀ ''ਕੋਰੋਨਾ'' ਤੋਂ ਜੰਗ, ਦੱਸਿਆ ''ਜਾਨਲੇਵਾ ਵਾਇਰਸ'' ਨੂੰ ਹਰਾਉਣ ਦਾ ਤਰੀਕਾ
4/11/2020 8:03:15 AM
ਮੁੰਬਈ (ਬਿਊਰੋ) - 'ਰੌਕ ਆਨ', 'ਵੋ ਲਮਹੇ' ਅਤੇ 'ਏਅਰ ਲਿਫਟ' ਵਰਗੀਆਂ ਫ਼ਿਲਮਾਂ ਵਿਚ ਕੰਮ ਕਰ ਚੁੱਕੇ ਅਭਿਨੇਤਾ ਪੂਰਬ ਕੋਹਲੀ ਨੇ ਬੀਤੇ ਦਿਨੀਂ ਖੁਲਾਸਾ ਕੀਤਾ ਸੀ ਕਿ ਉਹ ਆਏ ਉਸਦਾ ਪੂਰਾ ਪਰਿਵਾਰ 'ਕੋਰੋਨਾ ਪਾਜ਼ੀਟਿਵ' ਪਾਇਆ ਗਿਆ ਹੈ। ਅਭਿਨੇਤਾ ਨੇ ਦੱਸਿਆ ਸੀ ਕਿ ਲੰਡਨ ਵਿਚ ਆਪਣੇ ਪਰਿਵਾਰ ਨਾਲ ਘਰ ਵਿਚ ਸੈਲਫ ਆਈਸੋਲੇਸ਼ਨ ਵਿਚ ਰਹਿ ਰਹੇ ਹਨ ਪਰ ਹੁਣ ਖੁਸ਼ੀ ਦੀ ਗੱਲ ਇਹ ਹੈ ਕਿ ਪੂਰਬ ਕੋਹਲੀ ਤੇ ਉਸਦੇ ਪਰਿਵਾਰ ਨੇ 'ਕੋਰੋਨਾ' ਤੋਂ ਜੰਗ ਜਿੱਤ ਲਈ ਹੈ। ਪੂਰਬ ਨੇ ਇਸ ਗੱਲ ਦੀ ਜਾਣਕਾਰੀ ਦਿੰਦੇ ਹੋਏ ਦੱਸਿਆ ਕਿ ਹੁਣ ਮੈਂ ਤੇ ਮੇਰਾ ਪਰਿਵਾਰ ਪੂਰੀ ਤਰ੍ਹਾਂ ਠੀਕ ਹਨ। ਉਸਨੇ ਇੰਸਟਾਗ੍ਰਾਮ ਅਕਾਊਂਟ 'ਤੇ ਪੋਸਟ ਵਿਚ ਲਿਖਿਆ, ''ਤੁਹਾਡੇ ਸਭ ਦੀਆਂ ਦੁਆਵਾਂ ਲਈ ਧੰਨਵਾਦ। ਬੇਫਿਕਰ ਰਹੋ ਹੁਣ ਅਸੀਂ ਪੂਰੀ ਤਰ੍ਹਾਂ ਠੀਕ ਹੋ ਚੁੱਕੇ ਹਾਂ। ਕਿਰਪਾ ਕਰਕੇ ਘਰ ਦੇ ਅੰਦਰ ਹੀ ਰਹੋ। ਹਾਂ ਇਹ ਮੁਸ਼ਕਿਲ ਜ਼ਰੂਰ ਹੈ ਪਰ ਸਭ ਨੂੰ ਪਹਿਲਾ ਇਸ ਮਹਾਂਮਾਰੀ 'ਤੇ ਰੋਕ ਲਾਉਣੀ ਹੈ। ਆਪਣੇ ਸਰੀਰ ਨੂੰ ਆਰਾਮ ਦਿਓ ਅਤੇ ਇਸ ਵਿਚ ਤਾਕਤ ਪੈਦਾ ਕਰੋ। ਪ੍ਰਮਾਤਮਾ ਨਾ ਕਰੇ ਕਿ ਕਲ ਤੁਸੀ ਇਸ 'ਵਾਇਰਸ' ਦੀ ਲਪੇਟ ਵਿਚ ਆ ਜਾਓ ਤਾਂ ਤੁਹਾਡਾ ਸਰੀਰ ਹੀ ਇਸ ਵਾਇਰਸ ਖਿਲਾਫ ਅਸਲੀ ਹਥਿਆਰ ਹੈ। ਉਸਨੂੰ ਲੜਨ ਲਈ ਊਰਜਾ ਦੀ ਲੋੜ ਹੋਵੇਗੀ।''
ਪੂਰਬ ਕੋਹਲੀ ਨੇ ਹੈਲਥ ਵਰਕਸ ਦਾ ਧੰਨਵਾਦ ਕਰਦੇ ਹੋਏ ਲਿਖਿਆ, ''ਦੇਸ਼ ਅਤੇ ਦੁਨੀਆ ਦੇ ਫਰੰਟਲਾਇਨ ਵਰਕਰਸ ਅਤੇ ਹੈਲਥ ਵਰਕਰਸ ਦਾ ਬਹੁਤ-ਬਹੁਤ ਧੰਨਵਾਦ, ਜਿਹੜੇ ਆਪਣੀ ਅਤੇ ਆਪਣੇ ਪਰਿਵਾਰ ਦੀ ਜਾਨ ਜ਼ੋਖਿਮ ਵਿਚ ਪਾ ਕੇ ਮਰੀਜ਼ਾ ਦੀ ਮਦਦ ਕਰ ਰਹੇ ਹਨ। ਪ੍ਰਮਾਤਮਾ ਤੁਹਾਡਾ ਭਲਾ ਕਰੇ। ਆਪਣਾ ਖਿਆਲ ਰੱਖੋ। ਮੇਰੀ, ਲੂਸੀ , ਇਨਾਯਾ ਅਤੇ ਓਸੇਨ ਵੱਲੋਂ ਬਹੁਤ ਸਾਰਾ ਪਿਆਰ।''
ਦੱਸਣਯੋਗ ਹੈ ਕਿ ਪੂਰਬ ਨੇ ਕੁਝ ਦਿਨ ਪਹਿਲਾਂ ਹੀ ਸੋਸ਼ਲ ਮੀਡੀਆ ਦੇ ਜਰੀਏ ਦੱਸਿਆ ਸੀ ਕਿ ਉਸਦੇ ਜਰਨਲ ਫਿਜ਼ੀਸ਼ੀਅਨ ਮੁਤਾਬਿਕ ਮੈਂ ਤੇ ਮੇਰਾ ਪਰਿਵਾਰ 'ਕੋਰੋਨਾ ਵਾਇਰਸ' ਦੀ ਲਪੇਟ ਵਿਚ ਆ ਗਏ ਸੀ। ਪਹਿਲਾ ਪਰਿਵਾਰ ਨੂੰ ਆਮ ਫਲੂ ਵਰਗੇ ਲੱਛਣ ਸਨ ਪਰ ਬਾਅਦ ਵਿਚ ਪਤਾ ਲੱਗਾ ਕਿ ਸਾਰਿਆਂ ਨੂੰ 'ਕੋਰੋਨਾ' ਹੋ ਗਿਆ ਹੈ।
ਪੂਰਬ ਕੋਹਲੀ ਨੇ ਦੱਸਿਆ ਕਿ, ''ਅਸੀਂ ਦਿਨ ਵਿਚ 4 ਤੋਂ 5 ਵਾਰ ਗਰਮ ਪਾਣੀ ਦੇ ਗਰਾਰੇ ਕਰਦੇ ਸਨ। ਅਦਰਕ ਅਤੇ ਸ਼ਾਹਿਦ ਦੀ ਵਰਤੋਂ ਕਰਨ ਨਾਲ ਸਾਨੂੰ ਕਾਫੀ ਲਾਭ ਮਿਲਿਆ। ਅਸੀਂ ਪਾਣੀ ਦੀ ਬੋਤਲ ਨੂੰ ਆਪਣੀ ਸ਼ਾਤੀ 'ਤੇ ਵੀ ਰੱਖਿਆ ਗਿਆ ਸੀ, ਜਿਸ ਨਾਲ ਤਕਲੀਫ ਕਾਫੀ ਘੱਟ ਹੋਈ। ਕਿਰਪਾ ਕਰਕੇ ਤੁਸੀਂ ਵੀ ਘਰ ਵਿਚ ਹੀ ਰਹੋ।''
ਆਪਣੇ ਭਾਈਚਾਰੇ ਚੋ ਆਪਣੇ ਜੀਵਨਸਾਥੀ ਦੀ ਚੋਣ ਕਰੋ - ਮੁਫ਼ਤ ਰਿਜਿਸਟ੍ਰੇਸ਼ਨ ਕਰੇ