ਰਾਹਤ ਫਤਿਹ ਅਲੀ ਖਾਨ ਨੂੰ ਆਕਸਫੋਰਡ ਯੂਨੀਵਰਸਿਟੀ ਨੇ ਕੀਤਾ ਸਨਮਾਨਿਤ

ਮੁੰਬਈ(ਬਿਊਰੋ)— ਮਸ਼ਹੂਰ ਕੱਵਾਲ ਅਤੇ ਬਾਲੀਵੁੱਡ ਗਾਇਕ ਰਾਹਤ ਫਤਿਹ ਅਲੀ ਖਾਨ ਦੁਨੀਆ ਦਾ ਉਹ ਚਮਕਦਾ ਸਿਤਾਰਾ ਹੈ, ਜਿਸ ਨੇ ਪੂਰੀ ਦੁਨੀਆ ਨੂੰ ਆਪਣਾ ਦੀਵਾਨਾ ਬਣਾਇਆ ਹੋਇਆ ਹੈ। ਹਾਲ ਹੀ 'ਚ ਗਾਇਕ ਰਾਹਤ ਫਤਿਹ ਅਲੀ ਖਾਨ ਨੂੰ ਨਾਮਜ਼ਦ ਆਕਸਫੋਰਡ ਯੂਨੀਵਰਸਿਟੀ ਨੇ ਸਤਿਕਾਰਯੋਗ ਡਿਗਰੀ ਨਾਲ ਸਨਮਾਨਿਤ ਕੀਤਾ। ਖਬਰ ਮੁਤਾਬਕ ਗਾਇਕ ਨੂੰ ਇੱਥੇ ਆਯੋਜਿਤ ਸਮਾਰੋਹ 'ਚ ਸੰਗੀਤ 'ਚ ਡਾਕਟਰ ਦੀ ਡਿਗਰੀ ਨਾਲ ਸਨਮਾਨਿਤ ਕੀਤਾ ਗਿਆ ਹੈ।

#honoured to receive #award from Oxford University. The fusion project students were amazing pic.twitter.com/gH1f5OqYqk

— Rahat Fateh Ali Khan (@RFAKWorld) July 12, 2016

ਰਾਹਤ ਅਲੀ ਖਾਨ ਨੇ ਟਵਿਟਰ 'ਤੇ ਪੋਸਟ ਕਰਦੇ ਹੋਏ ਕਿਹਾ,''ਸੰਸਾਰ ਦੇ ਸਭ ਤੋਂ ਮਸ਼ਹੂਰ ਵਿਦਿਅਕ ਅਦਾਰੇ ਆਕਸਫਰਡ ਯੂਨੀਵਰਸਿਟੀ ਤੋਂ ਇਹ ਡਿਗਰੀ ਪਾ ਕੇ ਬਹੁਤ ਸਨਮਾਨਿਤ ਮਹਿਸੂਸ ਕਰ ਰਿਹਾ ਹਾਂ। ਇਹ ਮੇਰੇ ਅਤੇ ਮੇਰੇ ਪਰਿਵਾਰ ਲਈ ਬਹੁਤ ਖੁਸ਼ੀ ਦਾ ਦਿਨ ਹੈ ਅਤੇ ਇਸ ਦੇ ਨਾਲ ਪ੍ਰਸ਼ੰਸਕਾਂ ਲਈ ਖੁਸ਼ੀ ਦਾ ਮੌਕਾ ਹੈ, ਜਿਨ੍ਹਾਂ ਨੇ ਇਸ ਸਫਰ 'ਚ ਮੇਰਾ ਸਾਥ ਦਿੱਤਾ। ਇਸ ਸਨਮਾਨ ਨੂੰ ਹਾਸਲ ਕਰਨਾ ਬਹੁਤ ਵੱਡੀ ਉਪਲਬਧੀ ਹੈ ਅਤੇ ਮੈਂ ਖੁਸ਼ ਹਾਂ ਕਿ ਮੇਰੇ ਸੰਗੀਤ ਨੇ ਮੈਨੂੰ ਅਜਿਹੇ ਮੁਕਾਮ 'ਤੇ ਪੁੱਜਣ ਦੀ ਮਨਜ਼ੂਰੀ ਦਿੱਤੀ।''”

ਖਾਨ ਨੂੰ ਇਸ ਸਨਮਾਨ ਲਈ ਚੁਣਨ ਦੇ ਐਲਾਨ ਦੌਰਾਨ ਆਕਸਫੋਰਡ ਯੂਨੀਵਰਸਿਟੀ ਨੇ ਉਨ੍ਹਾਂ ਨੂੰ ਪਾਕਿਸਤਾਨੀ ਗਾਇਕ, ਕੱਵਾਲੀ ਦਾ ਸ਼ੂਰਮਾ ਅਤੇ ਮੁਸਲਿਮ ਸੂਫੀ ਦਾ ਅਧਿਆਤਮਿਕ ਸੰਗੀਤ ਕਰਾਰ ਦਿੱਤਾ ਸੀ।