ਸਮਿਤਾ ਪਾਟਿਲ ਦੇ ਪਿਆਰ 'ਚ ਪੈ ਕੇ ਰਾਜ ਬੱਬਰ ਨੇ ਖੁਦ ਤਬਾਹ ਕੀਤਾ ਸੀ ਪਹਿਲੀ ਪਤਨੀ ਦਾ ਘਰ

ਮੁੰਬਈ(ਬਿਊਰੋ)— 80 ਦੇ ਦਹਾਕੇ 'ਚ ਰਾਜ ਬੱਬਰ ਬਾਲੀਵੁੱਡ ਦਾ ਉਹ ਚਮਕਦਾ ਸਿਤਾਰਾ ਸੀ, ਜਿਸ ਦੀ ਇਕ ਝਲਕ ਪਾਉਣ ਲਈ ਲੜਕੀਆਂ ਦੀਵਾਨੀਆਂ ਰਹਿੰਦੀਆਂ ਸਨ। ਰਾਜ ਬੱਬਰ 38 ਸਾਲ ਦੇ ਕਰੀਅਰ 'ਚ ਆਪਣੀਆਂ ਫਿਲਮਾਂ ਨਾਲ ਨਾ ਸਿਰਫ ਲੋਕਾਂ ਦਾ ਮਨੋਰੰਜਨ ਕੀਤਾ ਸਗੋਂ ਅੱਜ ਦੀ ਤਾਰੀਖ 'ਚ ਮਸ਼ਹੂਰ ਰਾਜਨੇਤਾ ਵੀ ਹਨ। ਰਾਜ ਬੱਬਰ ਦਾ ਜਨਮ 23 ਜੂਨ ਨੂੰ ਹੋਇਆ ਸੀ।

ਫਿਲਮ 'ਚ ਆਉਣ ਤੋਂ ਪਹਿਲਾਂ ਰਾਜ ਬੱਬਰ ਨੇ ਸਟ੍ਰੀਟ ਥਿਏਟਰ ਤੋਂ ਅਦਾਕਾਰੀ ਦੀ ਟਰੇਨਿੰਗ ਲਈ ਸੀ। ਇਸ ਤੋਂ ਬਾਅਦ ਰਾਜ ਬੱਬਰ ਦਿੱਲੀ ਤੋਂ ਮੁੰਬਈ ਸ਼ਿਫਟ ਹੋ ਗਏ। ਰਾਜ ਬੱਬਰ ਨੇ ਆਪਣੀ ਕਰੀਅਰ ਦੀ ਸ਼ੁਰੂਆਤ ਉਸ ਸਮੇਂ ਦੀ ਟਾਪ ਅਦਾਕਾਰਾ ਰੀਨਾ ਰਾਏ ਨਾਲ ਕੀਤੀ ਸੀ। ਫਿਲਮ 'ਇਨਸਾਫ ਕਾ ਤਰਾਜੂ' 'ਚ ਰਾਜ ਬੱਬਰ ਨੇ ਇਕ ਬਲਾਤਕਾਰੀ ਦਾ ਕਿਰਦਾਰ ਨਿਭਾਇਆ ਸੀ।

ਇਸ ਕਿਰਦਾਰ ਨੇ ਹੀ ਰਾਜ ਬੱਬਰ ਨੂੰ ਬਾਲੀਵੁੱਡ 'ਚ ਪਛਾਣ ਦਿਵਾਈ ਤੇ ਫਿਰ ਉਨ੍ਹਾਂ ਨੇ ਕਦੇ ਵੀ ਪਿੱਛੇ ਨਹੀਂ ਮੁੜ ਕੇ ਦੇਖਿਆ। ਇਸ ਫਿਲਮ 'ਚ ਰਾਜ ਬੱਬਰ ਨੂੰ ਜੀਨਤ ਅਮਾਨ ਨਾਲ ਰੇਪ ਸੀਨ ਕਰਨਾ ਸੀ, ਜਿਸ ਦੀ ਵਜ੍ਹਾ ਨਾਲ ਉਹ ਕਾਫੀ ਘਰਬਾ ਗਏ ਸਨ। ਰਾਜ ਬੱਬਰ ਇਸ ਗੱਲ ਨੂੰ ਲੈ ਕੇ ਕਾਫੀ ਡਰੇ ਹੋਏ ਸਨ ਕਿ ਉਹ ਨਵੇਂ ਸਨ ਤੇ ਜੀਨਤ ਅਮਾਨ ਇੰਨੀ ਵੱਡੀ ਅਦਾਕਾਰਾ ਸੀ।

'ਇਨਸਾਫ ਕਾ ਤਰਾਜੂ' ਫਿਲਮ ਤੋਂ ਬਾਅਦ ਰਾਜ ਬੱਬਰ ਬੀ. ਆਰ. ਚੋਪੜਾ. ਦੇ ਪਸੰਦੀਦਾ ਐਕਟਰ ਬਣ ਗਏ। ਉਨ੍ਹਾਂ ਨੇ ਲਗਭਗ ਆਪਣੀਆਂ ਸਾਰੀਆਂ ਫਿਲਮਾਂ 'ਚ ਰਾਜ ਬੱਬਰ ਨੂੰ ਕੰਮ ਦੇਣਾ ਸ਼ੁਰੂ ਕਰ ਦਿੱਤਾ ਸੀ। ਰਾਜ ਬੱਬਰ ਅਜਿਹੇ ਹੀਰੋ ਸਨ, ਜਿਨ੍ਹਾਂ ਨੇ ਵਿਲੇਨ ਤੋਂ ਲੈ ਕੇ ਹੀਰੋ ਦੇ ਸਾਰੇ ਕਿਰਦਾਰਾਂ 'ਚ ਆਪਣੇ-ਆਪ ਨੂੰ ਫਿੱਟ ਕਰ ਲੈਂਦੇ ਸਨ। ਰਾਜ ਬੱਬਰ ਫਿਲਮਾਂ ਤੋਂ ਇਲਾਵਾ ਆਪਣੇ ਨਿੱਜੀ ਰਿਸ਼ਤਿਆਂ ਨੂੰ ਲੈ ਕੇ ਜ਼ਿਆਦਾ ਚਰਚਾ 'ਚ ਰਹੇ ਹਨ।

ਜਦੋਂ ਰਾਜ ਬੱਬਰ ਸੰਘਰਸ਼ ਕਰ ਰਹੇ ਸਨ ਉਦੋਂ ਨਾਦਿਰਾ ਨਾਲ ਪਿਆਰ ਹੋ ਗਿਆ, ਜਿਸ ਤੋਂ ਬਾਅਦ ਦੋਵਾਂ ਨੇ ਸਾਲ 1975 'ਚ ਵਿਆਹ ਕਰਵਾ ਲਿਆ ਸੀ। ਰਾਜ ਬੱਬਰ ਨੇ ਦੋ ਵਿਆਹ ਕਰਵਾਏ ਸਨ ਤੇ ਉਨ੍ਹਾਂ ਦੀ ਪਹਿਲੀ ਪਤਨੀ ਦਾ ਨਾਂ ਨਾਦਿਰਾ ਤੇ ਦੂਜੀ ਦਾ ਨਾਂ ਸਮਿਤਾ ਪਾਟਿਲ ਹੈ। ਕਿਹਾ ਜਾਂਦਾ ਹੈ ਕਿ ਫਿਲਮ 'ਭੀਗੀ ਪਲਕੇਂ' ਦੌਰਾਨ ਰਾਜ ਬੱਬਰ ਤੇ ਸਮਿਤਾ ਪਾਟਿਲ ਨੂੰ ਪਿਆਰ ਹੋ ਗਿਆ ਸੀ। ਰਾਜ ਬੱਬਰ ਉਸ ਸਮੇਂ ਸਮਿਤਾ ਦੇ ਪਿਆਰ 'ਚ ਇਸ ਕਦਰ ਪਾਗਲ ਸਨ ਕਿ ਉਨ੍ਹਾਂ ਨੂੰ ਹੋਰ ਕੁਝ ਨਜ਼ਰ ਹੀ ਨਹੀਂ ਆ ਰਿਹਾ ਸੀ।

ਸਮਿਤਾ ਦੀ ਦੀਵਾਨਗੀ ਰਾਜ ਬੱਬਰ ਦੇ ਸਿਰ ਇੰਨੀ ਜ਼ਿਆਦਾ ਚੜ੍ਹ ਗਈ ਸੀ ਕਿ 80 ਦੇ ਦਹਾਕੇ 'ਚ ਹੀ ਰਾਜ ਬੱਬਰ ਲਿਵ-ਇਨ- ਰਿਲੇਸ਼ਨਸ਼ਿਪ 'ਚ ਰਹਿਣ ਲੱਗੇ ਸਨ। ਇਸ ਦੇ ਨਾਲ ਹੀ ਰਾਜ ਨੇ ਨਾਦਿਰਾ ਨੂੰ ਛੱਡ ਸਮਿਤਾ ਨਾਲ ਵਿਆਹ ਕਰਵਾ ਲਿਆ ਸੀ। ਰਾਜ ਬੱਬਰ ਦੇ 3 ਬੱਚੇ ਹਨ। ਜੂਹੀ, ਪ੍ਰਤੀਕ ਬੱਬਰ ਤੇ ਆਰਿਆ ਬੱਬਰ। ਜੂਹੀ ਤੇ ਆਰਿਆ ਬੱਬਰ ਨਾਦਿਰਾ ਦੇ ਬੱਚੇ ਹਨ ਤੇ ਪ੍ਰਤੀਕ ਸਮਿਤਾ ਦਾ ਬੇਟਾ ਹੈ।

ਸਮਿਤਾ ਦੇ ਦਿਹਾਂਤ ਤੋਂ ਬਾਅਦ ਰਾਜ ਬੱਬਰ ਫਿਰ ਤੋਂ ਆਪਣੀ ਪਹਿਲੀ ਪਤਨੀ ਨਾਦਿਰਾ ਕੋਲ ਵਾਪਸ ਪਰਤ ਆਏ ਸਨ। ਰਾਜ ਬੱਬਰ ਨੇ 38 ਸਾਲ ਦੇ ਫਿਲਮੀ ਕਰੀਅਰ 'ਚ ਇਕ ਤੋਂ ਵਧ ਇਕ ਸੁਪਰਹਿੱਚ ਫਿਲਮਾਂ 'ਚ ਕੰਮ ਕੀਤਾ, ਜਿਸ 'ਚ 'ਨਿਕਾਹ', 'ਸੌ ਦਿਨ ਸਾਸ ਕੇ', 'ਇਨਸਾਫ ਕਾ ਤਰਾਜੂ', 'ਓਮਰਾਵ ਜਾਨ' ਤੇ 'ਦੌਲਤ' ਵਰਗੀਆਂ ਫਿਲਮਾਂ ਸ਼ਾਮਲ ਹਨ।

ਰਾਜ ਬੱਬਰ ਨੇ ਫਿਲਮਾਂ ਤੋਂ ਇਲਾਵਾ ਟੀ. ਵੀ. ਇੰਡਸਟਰੀ 'ਚ ਵੀ ਕੰਮ ਕਰ ਚੁੱਕੇ ਹਨ। ਰਾਜ ਬੱਬਰ ਨੇ ਮਸ਼ਹੂਰ ਟੀ. ਵੀ. ਸੀਰੀਅਲ 'ਮਹਾਭਾਰਤ' 'ਚ ਭਰਤ ਦਾ ਕਿਰਦਾਰ ਨਿਭਾਇਆ ਸੀ। ਫਿਲਮਾਂ ਤੋਂ ਇਲਾਵਾ ਰਾਜ ਬੱਬਰ ਰਾਜਨੀਤੀ 'ਚ ਵੀ ਚੰਗਾ ਮੁਕਾਮ ਹਾਸਲ ਕਰ ਚੁੱਕੇ ਹਨ। ਉਨ੍ਹਾਂ ਨੇ ਆਪਣੇ ਰਾਜਨੀਤਿਕ ਕਰੀਅਰ ਦੀ ਸ਼ੁਰੂਆਤ ਸਾਲ 1989 'ਚ ਕੀਤੀ ਸੀ। ਫਿਲਹਾਲ ਰਾਜ ਬੱਬਰ ਕਾਂਗਰਸ ਪਾਰਟੀ ਨਾਲ ਜੁੜੇ ਹਨ।