ਰਣਜੀਤ ਬਾਵਾ ਨੇ ਜਦੋਂ ਜ਼ਿੰਦਗੀ ਤੇ ਮੌਤ ਨਾਲ ਲੜ ਰਹੇ ਨੌਜਵਾਨ ਦੀ ਪੁਗਾਈ ਇਹ ਰੀਝ
3/14/2018 11:49:46 AM
ਜਲੰਧਰ(ਬਿਊਰੋ)— ਮਸ਼ਹੂਰ ਗਾਇਕ ਰਣਜੀਤ ਬਾਵਾ ਪੰਜਾਬੀ ਸੰਗੀਤ ਖੇਤਰ ਦੀ ਉਹ ਸਖਸ਼ੀਅਤ ਹੈ, ਜਿਸ ਨੇ ਸਦਾ ਹੀ ਆਪਣੇ ਹਰ ਗੀਤ ਸਦਕਾ ਦਰਸ਼ਕਾਂ ਦੇ ਪਿਆਰ ਦਾ ਨਿੱਘ ਮਾਣਿਆ ਹੈ। ਰਣਜੀਤ ਬਾਵਾ ਦਾ ਜਨਮ 14 ਮਾਰਚ 1989 ਨੂੰ ਜਿਲਾ ਗੁਰਦਾਸਪੁਰ ਦੇ ਪਿੰਡ ਵਡਾਲਾ ਗ੍ਰੰਥੀਆਂ ਵਿਖੇ ਹੋਇਆ ਸੀ।
ਰਣਜੀਤ ਬਾਵਾ ਨੂੰ ਬਚਪਨ ਤੋਂ ਹੀ ਗਾਇਕੀ ਤੇ ਭੰਗੜੇ ਦਾ ਬਹੁਤ ਸ਼ੌਕ ਸੀ। ਇਸ ਤਰ੍ਹਾਂ ਸਕੂਲੀ ਸਮਾਗਮਾਂ 'ਚ ਭਾਗ ਲੈਂਦੇ ਹੋਏ ਉਨ੍ਹਾਂ ਨੇ ਆਪਣੀ ਕਲਾ ਦੇ ਜੌਹਰ ਦਿਖਾਉਣੇ ਸ਼ੁਰੂ ਕਰ ਦਿੱਤੇ। ਇਨ੍ਹਾਂ ਸਮਾਗਮਾਂ ਦੌਰਾਨ ਰਣਜੀਤ ਬਾਵਾ ਅਕਸਰ 'ਬੋਲ ਮਿੱਟੀ ਦਿਆ ਬਾਵਿਆ' ਗੀਤ ਗਾਉਂਦੇ ਤੇ ਸ਼ਾਨਦਾਰ ਪੇਸ਼ਕਾਰੀ ਸਦਕਾ ਹਰ ਸੁਣਨ ਵਾਲੇ ਨੂੰ ਕੀਲ ਕੇ ਰੱਖ ਲੈਂਦਾ ਸੀ, ਜਿਸ ਤੋਂ ਲੋਕਾਂ ਨੇ ਉਸ ਦੇ ਰਣਜੀਤ ਨਾਂ ਨਾਲ ਬਾਵਾ ਜੋੜ ਦਿੱਤਾ।|
ਰਣਜੀਤ ਬਾਵਾ ਦਾ ਪਹਿਲਾਂ ਗੀਤ 'ਕੁੜੀਆਂ' ਸੀ, ਜਿਸ ਤੋਂ ਬਾਅਦ ਉਨ੍ਹਾਂ ਨੇ ਹੁਣ ਤੱਕ ਕਈ ਹਿੱਟ ਗੀਤ ਦਿੱਤੇ ਹਨ। ਉਨ੍ਹਾਂ ਦੇ ਹਿੱਟ ਗੀਤਾਂ ਦੀ ਲਿਸਟ ਇੰਨੀ ਲੰਬੀ ਹੈ, ਜੋ ਸ਼ਾਇਦ ਇਕ ਖਬਰ 'ਚ ਪੂਰੀ ਨਹੀਂ ਆ ਸਕਦੀ।
ਦੱਸ ਦੇਈਏ ਕਿ ਪੰਜਾਬੀ ਫਿਲਮ 'ਸਰਵਣ', 'ਭਲਵਾਨ' ਅਤੇ 'ਵੇਖ ਬਰਾਤਾਂ ਚੱਲੀਆਂ' 'ਚ ਅਹਿਮ ਭੂਮਿਕਾਵਾਂ ਨਿਭਾ ਚੁੱਕੇ ਹਨ। ਇਨਾਂ ਫਿਲਮਾਂ 'ਚ ਨਿਭਾਏ ਕਿਰਦਾਰ ਵਾਂਗ ਸੱਚ ਦੀ ਲੜਾਈ ਲੜਨਾ, ਦੂਜਿਆਂ ਦਾ ਮਦੱਦਗਾਰ ਬਨਣਾ ਤੇ ਦੇਸ਼ ਪ੍ਰਤੀ ਪਿਆਰ ਆਦਿ ਸਭ ਗੁਣਾਂ 'ਤੇ ਉਹ ਆਪਣੀ ਅਸਲ ਜ਼ਿੰਦਗੀ 'ਚ ਵੀ ਬਾਖੂਬੀ ਅਮਲ ਕਰ ਰਹੇ ਹਨ।
ਜਦੋਂ ਕਦੇ ਵੀ ਕਿਸੇ ਲੋੜਵੰਦ ਵਲੋਂ ਲਾਈ ਗਈ ਮਦੱਦ ਦੀ ਗੁਹਾਰ ਰਣਜੀਤ ਬਾਵੇ ਤੱਕ ਪੁੱਜੀ ਤਾਂ ਉਹ ਤੁਰੰਤ ਮਦੱਦ ਲਈ ਆ ਖੜ੍ਹੇ ਹੋਏ।
ਦੱਸਣਯੋਗ ਹੈ ਕਿ ਕੁਝ ਸਮਾਂ ਪਹਿਲਾਂ ਜਦੋਂ ਪਟਿਆਲੇ ਦੇ ਇਕ ਨਿੱਜੀ ਹਸਪਾਤਲ 'ਚ ਕੈਂਸਰ ਦੀ ਬੀਮਾਰੀ ਨਾਲ ਪੀੜਤ ਅਤੇ ਜ਼ਿੰਦਗੀ 'ਤੇ ਮੌਤ ਦੀ ਲੜਾਈ ਲੜ ਰਹੇ ਇਕ ਨੌਜਵਾਨ ਸੁਮਨ ਸਿੰਘ ਰੰਧਾਵਾ ਦੀ ਸੋਸ਼ਲ ਮੀਡੀਆ ਤੇ ਇਕ ਵੀਡੀਓ ਵਾਇਰਲ ਹੋਈ ਅਤੇ ਉਸ ਨੌਜਵਾਨ ਨੇ ਦੱਸਿਆ ਕਿ, ਉਹ ਗੀਤ ਲਿਖਦਾ ਤੇ ਉਸ ਦੀ ਇਕ ਆਖਰੀ ਇੱਛਾ ਹੈ ਕਿ ਮਸ਼ਹੂਰ ਗਾਇਕ ਰਣਜੀਤ ਬਾਵਾ ਮੇਰੇ ਲਿਖੇ ਗੀਤਾਂ ਚੋਂ ਕਿਸੇ ਵੀ ਗੀਤ ਨੂੰ ਆਪਣੀ ਆਵਾਜ਼ ਦੇਣ।
ਸੋਸ਼ਲ ਮੀਡੀਆ ਤੇ ਵਾਇਰਲ ਹੋਈ ਇਹ ਵੀਡੀਓ ਜਿਵੇਂ ਹੀ ਰਣਜੀਤ ਬਾਵਾ ਕੋਲ ਪੁੱਜੀ ਤਾਂ ਉਹ ਇਸ ਨੂੰ ਸੁਣ ਕੇ ਨੌਜਵਾਨ ਵਲੋਂ ਦੱਸੇ ਗਏ ਪਤੇ (ਠਿਕਾਣੇ) ਅਨੁਸਾਰ ਤੁਰੰਤ ਰਜਿੰਦਰਾ ਹਸਪਤਾਲ ਪਟਿਆਲਾ ਵਿਖੇ ਪਹੁੰਚੇ ਅਤੇ ਇਸ ਨੌਜਵਾਨ ਨਾਲ ਮੁਲਾਕਾਤ ਕੀਤੀ।
ਰਣਜੀਤ ਬਾਵਾ ਨੇ ਇਸ ਨੌਜਵਾਨ ਦਾ ਹਾਲ-ਚਾਲ ਪੁੱਛਣ ਉਪਰੰਤ ਉਸ ਵਲੋਂ ਲਿਖੇ ਗੀਤਾਂ ਦੀ ਕਾਪੀ ਨੂੰ ਆਪਣੇ ਹੱਥਾਂ 'ਚ ਫੜ੍ਹ ਉਸ ਦੇ ਗੀਤਾਂ ਨੂੰ ਦੇਖਿਆ ਅਤੇ ਨਾਲ ਹੀ ਉਸ ਨੌਜਵਾਨ ਦੀ ਆਵਾਜ਼ 'ਚ ਇਕ ਗੀਤ ਵੀ ਸੁਣੀਆ। ਇਸ ਦੌਰਾਨ ਰਣਜੀਤ ਬਾਵਾ ਨੇ ਇਸ ਨੌਜਵਾਨ ਦੀ ਤੰਦਰੁਸਤੀ ਲਈ ਵਾਹਿਗੁਰੂ ਅੱਗੇ ਅਰਦਾਸ ਕੀਤੀ।
ਆਪਣੇ ਭਾਈਚਾਰੇ ਚੋ ਆਪਣੇ ਜੀਵਨਸਾਥੀ ਦੀ ਚੋਣ ਕਰੋ - ਮੁਫ਼ਤ ਰਿਜਿਸਟ੍ਰੇਸ਼ਨ ਕਰੇ
