OMG 2 ਸਾਲ ''ਚ ਇੰਨੀ ਬਦਲ ਗਈ ''ਸੈਰਾਟ'' ਦੀ ਹਸੀਨਾ ''ਆਰਚੀ'', ਵਾਇਰਲ ਹੋਇਆ ਮੇਕਓਵਰ
7/21/2018 10:42:17 AM
ਮੁੰਬਈ (ਬਿਊਰੋ)— 2016 ਦੀ ਮਰਾਠੀ ਬਲਾਕਬਸਟਰ ਫਿਲਮ 'ਸੈਰਾਟ' 'ਚ 'ਆਰਚੀ' ਦੇ ਰੋਲ 'ਚ ਦਿਖੀ ਅਦਾਕਾਰਾ ਰਿੰਕੂ ਰਾਜਗੁਰੂ ਨੇ ਆਪਣੀ ਮਾਸੂਮੀਅਤ ਅਤੇ ਸ਼ਾਨਦਾਨ ਐਕਟਿੰਗ ਨਾਲ ਪ੍ਰਸ਼ੰਸਕਾਂ ਦਾ ਦਿਲ ਜਿੱਤਿਆ ਸੀ। ਫਿਲਮ 'ਚ ਉਹ ਮਹਾਰਾਸ਼ਟਰ ਦੀ ਇਕ ਸਿੰਪਲ ਲੜਕੀ ਦੇ ਰੋਲ 'ਚ ਦਿਖਾਈ ਦਿੱਤੀ ਸੀ ਪਰ ਹੁਣ 2 ਸਾਲ ਬਾਅਦ ਉਨ੍ਹਾਂ ਦਾ ਗਜ਼ਬ ਦਾ ਮੇਕਓਵਰ ਦੇਖਣ ਨੂੰ ਮਿਲ ਰਿਹਾ ਹੈ।
ਅੱਜ ਉਹ ਕਿਸੇ ਦੀਵਾ ਤੋਂ ਘੱਟ ਨਹੀਂ ਲੱਗਦੀ। ਸੋਸ਼ਲ ਮੀਡੀਆ 'ਤੇ ਰਿੰਕੂ ਦੀਆਂ ਕੁਝ ਤਸਵੀਰਾਂ ਸਾਹਮਣੇ ਆਈਆਂ ਹਨ, ਜਿਨ੍ਹਾਂ 'ਚ ਉਨ੍ਹਾਂ ਦਾ ਮੇਕਓਵਰ ਸਾਫ ਦੇਖਣ ਨੂੰ ਮਿਲ ਰਿਹਾ ਹੈ। ਉਹ ਪਹਿਲਾਂ ਤੋਂ ਜ਼ਿਆਦਾ ਸਟਾਈਲਿਸ਼ ਅਤੇ ਖੂਬਸੂਰਤ ਹੋ ਗਈ ਹੈ। ਇਸ ਤੋਂ ਇਲਾਵਾ ਰਿੰਕੂ ਨੇ ਆਪਣਾ ਭਾਰ ਵੀ ਘਟਾ ਲਿਆ ਹੈ। ਵਾਇਰਲ ਹੋ ਰਹੀਆਂ ਇਨ੍ਹਾਂ ਤਸਵੀਰਾਂ ਕਾਰਨ ਉਹ ਚਰਚਾ ਦਾ ਵਿਸ਼ਾ ਬਣੀ ਹੋਈ ਹੈ।
ਦੱਸ ਦੇਈਏ ਕਿ 'ਸੈਰਾਟ' ਰਿੰਕੂ ਰਾਜਗੁਰੂ ਦੀ ਪਹਿਲੀ ਫਿਲਮ ਸੀ। ਇਸ ਤੋਂ ਬਾਅਦ ਉਨ੍ਹਾਂ ਨੇ 2017 'ਚ ਆਈ ਕੰਨੜ ਮੂਵੀ 'Manasu Mallige' 'ਚ ਕੰਮ ਕੀਤਾ। ਜ਼ਿਕਰਯੋਗ ਹੈ ਕਿ ਕੰਨੜ ਮੂਵੀ 'ਸੈਰਾਟ' ਦਾ ਹੀ ਰੀਮੇਕ ਸੀ। 'ਸੈਰਾਟ' ਲਈ ਰਿੰਕੂ ਨੂੰ 'ਬੈਸਟ ਅਦਾਕਾਰਾ' ਦਾ 'ਮਰਾਠੀ ਫਿਲਮਕਾਰ ਐਵਾਰਡ' ਵੀ ਮਿਲਿਆ ਸੀ।
ਇਸ ਫਿਲਮ 'ਚ ਰਿੰਕੂ ਦੇ ਆਪੋਜ਼ਿਟ ਆਕਾਸ਼ ਠੋਸਰ ਨੇ ਕੰਮ ਕੀਤਾ ਸੀ। ਦੋਹਾਂ ਦੀ ਕੈਮਿਸਟਰੀ ਨੇ ਦਰਸ਼ਕਾਂ ਨੂੰ ਖੂਬ ਪ੍ਰਭਾਵਿਤ ਕੀਤਾ। ਨਾਗਰਾਜ ਮੰਜੁਲੇ ਵੱਲੋਂ ਨਿਰਦੇਸ਼ਿਤ ਫਿਲਮ 'ਸੈਰਾਟ' ਦਾ ਕ੍ਰੇਜ਼ ਦੂਜੀ ਫਿਲਮ ਇੰਡਸਟਰੀ 'ਤੇ ਵੀ ਦੇਖਣ ਨੂੰ ਮਿਲਿਆ। 'ਸੈਰਾਟ' ਦਾ ਕੰਨੜ, ਉੜੀਆ, ਪੰਜਾਬੀ, ਬੰਗਾਲੀ ਹਿੰਦੀ 'ਚ ਰੀਮੇਕ ਬਣ ਚੁੱਕਾ ਹੈ।
ਤਾਮਿਲ ਅਤੇ ਤੇਲੁਗੂ 'ਚ ਵੀ 'ਸੈਰਾਟ' ਦੇ ਰੀਮੇਕ ਬਣਨ ਵਾਲੇ ਹਨ। 'ਸੈਰਾਟ' ਦੇ ਹਿੰਦੀ ਰੀਮੇਕ ਦਾ ਨਾਂ 'ਧੜਕ' ਹੈ, ਜਿਸ ਦਾ ਨਿਰਦੇਸ਼ਨ ਸ਼ਸ਼ਾਂਕ ਖੇਤਾਨ ਨੇ ਕੀਤਾ ਹੈ। ਇਸ 'ਚ ਲੀਡ ਰੋਲ 'ਚ ਜਾਨਹਵੀ ਕਪੂਰ ਅਤੇ ਈਸ਼ਾਨ ਖੱਟਰ ਹਨ। ਮੂਵੀ ਸਿਨੇਮਾਘਰਾਂ 'ਚ ਰਿਲੀਜ਼ ਹੋ ਚੁੱਕੀ ਹੈ। ਫੈਨਜ਼ ਅਤੇ ਆਲੋਚਕਾਂ ਦਾ ਫਿਲਮ ਨੂੰ ਜ਼ਬਰਦਸਤ ਰਿਸਪਾਂਸ ਮਿਲ ਰਿਹਾ ਹੈ।
ਆਪਣੇ ਭਾਈਚਾਰੇ ਚੋ ਆਪਣੇ ਜੀਵਨਸਾਥੀ ਦੀ ਚੋਣ ਕਰੋ - ਮੁਫ਼ਤ ਰਿਜਿਸਟ੍ਰੇਸ਼ਨ ਕਰੇ