71 ਸਾਲ ਪੁਰਾਣਾ ਆਰ. ਕੇ. ਸਟੂਡੀਓ ਹੋਇਆ ਢਹਿ ਢੇਰੀ, ਭਾਵੁਕ ਹੋਏ ਬਾਲੀਵੁੱਡ ਸਿਤਾਰੇ
8/9/2019 12:44:33 PM
ਮੁੰਬਈ(ਬਿਊਰੋ)— ਮੁੰਬਈ ਦੇ ਚੇਂਬੂਰ ਸਥਿਤ 71 ਸਾਲ ਪੁਰਾਣੇ ਆਰ. ਕੇ. ਸਟੂਡੀਓ ਹੁਣ ਬਸ ਕਾਗਜ਼ਾਂ 'ਤੇ ਰਹਿ ਗਿਆ ਹੈ। ਵੀਰਵਾਰ ਯਾਨੀ 8 ਅਗਸਤ 2019 ਨੂੰ ਸਟੂਡੀਓ ਨੂੰ ਜ਼ਮੀਂਦੋਜ (ਢਹਿ ਢੇਰੀ) ਕਰ ਦਿੱਤਾ ਗਿਆ। ਹੁਣ ਰਿਅਲ ਸਟੇਟ ਦੇ ਦਿੱਗਜ਼ ਗੋਦਰੇਜ ਪ੍ਰਾਪਰਟੀਜ਼ ਨੇ ਇਸ ਏਰੀਆ ਨੂੰ ਆਪਣੇ ਨਾਮ ਕਰਵਾ ਲਿਆ ਹੈ। ਇਸ ਸਟੂਡੀਓ ਦੀ ਸਥਾਪਨਾ 1948 'ਚ ਐਕਟਰ, ਡਾਇਰੈਕਟਰ ਅਤੇ ਪ੍ਰੋਡਿਊਸਰ ਰਾਜ ਕਪੂਰ ਨੇ ਕੀਤੀ ਸੀ। ਆਰ. ਕੇ. ਸਟੂਡੀਓ ਨੂੰ ਵੇਚਣ ਦੀ ਯੋਜਨਾ ਬਹੁਤ ਪਹਿਲਾਂ ਤੋਂ ਸੀ। ਦਰਅਸਲ, ਪਿਛਲੇ ਸਾਲ ਅਗਸਤ 'ਚ ਕਪੂਰ ਖਾਨਦਾਨ ਨੇ ਆਰ. ਕੇ. ਸਟੂਡੀਓ ਨੂੰ ਵੇਚਣ ਦੇ ਪਲਾਨ ਦਾ ਖੁਲਾਸਾ ਕੀਤਾ ਸੀ। ਉਨ੍ਹਾਂ ਨੇ ਦੱਸਿਆ ਸੀ ਕਿ 2.2 ਏਕੜ 'ਚ ਫੈਲੀ ਇਸ ਪ੍ਰਾਪਰਟੀ ਦੀ ਮੇਂਟੇਨੇਂਸ ਕਾਸਟ ਬਹੁਤ ਜ਼ਿਆਦਾ ਹੈ। ਇਹੀ ਕਾਰਨ ਹੈ ਕਿ ਉਨ੍ਹਾਂ ਨੇ ਸਟੂਡੀਓ ਨੂੰ ਵੇਚਣ ਦਾ ਫੈਸਲਾ ਕੀਤਾ। ਰਿਪੋਰਟਸ ਮੁਤਾਬਕ 2017 'ਚ ਜਦੋਂ ਸਟੂਡੀਓ 'ਚ ਅੱਗ ਲੱਗ ਗਈ ਸੀ, ਤਾਂ ਕਪੂਰ ਫੈਮਿਲੀ ਨੇ ਇਸ ਨੂੰ ਵੇਚਣ ਦਾ ਫੈਸਲਾ ਲਿਆ ਸੀ।
ਮਲਟੀ-ਪਰਪਜ ਪ੍ਰੋਜੈਕਟ ਲਈ ਕੀਤਾ ਜਾਵੇਗਾ ਇਸਤੇਮਾਲ
ਹੁਣ ਇਸ ਸਟੂਡੀਓ ਨੂੰ ਗੋਦਰੇਜ ਪ੍ਰਾਪਰਟੀਜ਼ ਲਿਮੀਟੇਡ ਨੇ ਖਰੀਦ ਲਿਆ ਹੈ। ਖਬਰ ਹੈ ਕਿ ਇਸ ਨੂੰ ਜਲਦ ਹੀ ਮਲਟੀ-ਪਰਪਜ ਪ੍ਰੋਜੈਕਟ ਲਈ ਇਸਤੇਮਾਲ ਕੀਤਾ ਜਾਵੇਗਾ। ਇਸ ਆਈਕਾਨਿਕ ਸਟੂਡੀਓ ਦੇ ਖਤਮ ਹੋ ਜਾਣ ਦੀ ਖਬਰ 'ਤੇ ਕਈ ਬਾਲੀਵੁੱਡ ਸੈਲੀਬ੍ਰਿਟੀਜ਼ ਨੇ ਆਪਣਾ ਰਿਐਕਸ਼ਨ ਦਿੱਤਾ ਹੈ। ਅਦਾਕਾਰਾ ਰਿਚਾ ਚੱਢਾ ਨੇ ਟਵੀਟ ਕਰਦੇ ਹੋਏ ਲਿਖਿਆ,''ਮੇਰਾ ਇਸ ਸਟੂਡੀਓ ਨਾਲ ਕੋਈ ਵਿਅਕਤੀਗਤ ਜੁੜਾਅ ਨਹੀਂ ਹੈ ਪਰ ਇਸ ਗੱਲ ਨਾਲ ਮੇਰਾ ਦਿਲ ਟੁੱਟ ਗਿਆ ਹੈ। ਆਈਕਾਨਿਕ ਸਟੂਡੀਓ! ਉਮੀਦ ਕਰਦੀ ਹਾਂ ਕਿ ਸਰਕਾਰ ਇਸ ਦੀ ਹਿਫਾਜ਼ਤ ਲਈ ਕੋਈ ਕਦਮ ਚੁੱਕੇ, ਆਉਣ ਵਾਲੀ ਪੀੜੀਆਂ ਲਈ ਇਸ ਨੂੰ ਬਚਾਏ... ਇਸ ਸਟੂਡੀਓ 'ਚ ਬਣਾਈਆਂ ਗਈ ਫਿਲਮਾਂ ਦਾ ਹਿੰਦੀ ਸਿਨੇਮਾ 'ਚ ਬਹੁਤ ਯੋਗਦਾਨ ਹੈ।''
No personal stake in this but am feeling so heartbroken 💔... Iconic studio! Wish the govt took steps to retain this, save it for future generations... The films made at studio contributed greatly to Hindi cinema... #RKStudio https://t.co/tnOs1cCRoR
— TheRichaChadha (@RichaChadha) August 8, 2019
ਡਾਇਰੈਕਟਰ ਨਿਖਿਲ ਆਡਵਾਣੀ ਨੇ ਲਿਖਿਆ,''1948 'ਚ ਸਥਾਪਿਤ, ਇਹ ਸਟੂਡੀਓ ਮੂਵੀ ਲੇਜੇਂਡ ਦਾ ਹੈਡਕਵਾਰਟਰ ਰਿਹਾ। ਰਾਜ ਕਪੂਰ ਫਿਲਮ ਪ੍ਰੋਡਕਸ਼ਨ ਕੰਪਨੀ, ਆਰ. ਕੇ. ਫਿਲਮਸ ਅਤੇ ਬਹੁਤ ਸਾਰੀਆਂ ਬਲਾਕਬਸਟਰ ਫਿਲਮਾਂ ਇੱਥੇ ਸ਼ੂਟ ਕੀਤੀਆਂ ਗਈਆਂ ਸਨ, ਖਾਸ ਕਰਕੇ 1970 ਅਤੇ 80 ਦੇ ਦਹਾਕੇ 'ਚ।''
Iconic #RKStudio will be grounded today.
— Bollywoodirect (@Bollywoodirect) August 8, 2019
Launched in 1948, the studio served as the headquarters of movie legend #RajKapoor's film production company, RK Films, and many blockbuster movies were shot on its premises, particularly in the 1970s and 80s. pic.twitter.com/ezyl1hyIFm
ਕਈ ਹਿੱਟ ਫਿਲਮਾਂ ਕੀਤੀਆਂ ਗਈਆਂ ਸ਼ੂਟ
ਆਰ.ਕੇ. ਸਟੂਡੀਓ ਦੇ ਨਾਮ ਕਈ ਹਿੱਟ ਫਿਲਮਾਂ ਦਰਜ਼ ਹਨ। ਇੱਥੇ 'ਆਗ', 'ਬਰਸਾਤ','ਅਵਾਰਾ', 'ਬੂਟ ਪਾਲਿਸ਼', 'ਸ਼੍ਰੀ 420', 'ਮੇਰਾ ਨਾਮ ਜੋਕਰ','ਪ੍ਰੇਮ ਰੋਗ' ਸਮੇਤ ਕਈ ਹੋਰ ਫਿਲਮਾਂ ਬਣਾਈਆਂ ਗਈਆਂ ਸਨ। ਇਨ੍ਹਾਂ ਫਿਲਮਾਂ ਦਾ ਉਸਾਰੀ ਐਕਟਰ, ਡਾਇਰੈਕਟਰ ਅਤੇ ਪ੍ਰੋਡਿਊਸਰ ਰਾਜ ਕਪੂਰ ਦੇ ਆਰ. ਕੇ. ਫਿਲਮਸ ਬੈਨਰ ਹੇਠ ਕੀਤੀ ਗਈ ਸੀ। ਦੱਸ ਦੇਈਏ ਕਿ ਸਟੂਡੀਓ 'ਚ ਕਈ ਹਿੱਟ ਫਿਲਮਾਂ ਸ਼ੂਟ ਕੀਤੀਆਂ ਗਈ ਸਨ।
ਆਪਣੇ ਭਾਈਚਾਰੇ ਚੋ ਆਪਣੇ ਜੀਵਨਸਾਥੀ ਦੀ ਚੋਣ ਕਰੋ - ਮੁਫ਼ਤ ਰਿਜਿਸਟ੍ਰੇਸ਼ਨ ਕਰੇ
