B'Day: ਜਦੋਂ ਸਲਮਾਨ ਦੇ ਬਦਲੇ ਪਿਤਾ ਸਲੀਮ ਖਾਨ ਨੇ ਸਕੂਲ ’ਚ ਭੁਗਤੀ ਸਜ਼ਾ
11/24/2019 12:27:14 PM
ਮੁੰਬਈ(ਬਿਊਰੋ)- ‘ਸ਼ੋਲੇ’, ‘ਦੀਵਾਰ’ ਅਤੇ ‘ਡੋਨ’ ਵਰਗੀਆਂ ਅਣਗਿਣਤ ਵਧੀਆ ਫਿਲਮਾਂ ਦੀ ਪਟਕਥਾ ਲਿਖਣ ਵਾਲੇ ਸਲੀਮ ਖਾਨ ਅੱਜ 84 ਸਾਲ ਦੇ ਹੋ ਗਏ ਹਨ। ਇਕ ਸ਼ਾਨਦਾਰ ਲੇਖਕ ਹੋਣ ਦੇ ਨਾਲ-ਨਾਲ ਉਹ ਇਕ ਜ਼ਿੰਦਾਦਿਲ ਇਨਸਾਨ ਵੀ ਹਨ। ਮੁੰਬਈ ਵਿਚ ਐਕਟਰ ਬਣਨ ਦੀ ਚਾਹਤ ਵਿਚ ਪਹੁੰਚੇ ਸਲੀਮ ਖਾਨ ਦੀ ਇਹ ਇੱਛਾ ਪੂਰੀ ਤਾਂ ਨਹੀਂ ਹੋ ਸਕੀ ਪਰ ਇਕ ਲੇਖਕ ਦੇ ਤੌਰ ਵਿਚ ਉਨ੍ਹਾਂ ਨੇ ਜਿਸ ਤਰ੍ਹਾਂ ਨਾਲ ਬਾਲੀਵੁੱਡ ਵਿਚ ਆਪਣਾ ਯੋਗਦਾਨ ਦਿੱਤਾ, ਉਸ ਨੂੰ ਕਦੇ ਭੁਲਾਇਆ ਨਹੀਂ ਜਾ ਸਕਦਾ। ਕੋਈ ਉਨ੍ਹਾਂ ਨੂੰ ਗਿਆਨ ਦਾ ਸਾਗਰ ਕਹਿੰਦਾ ਹੈ ਤਾਂ ਕੋਈ ਪੂਰਾ ਸੰਸਥਾਨ।
ਸਲੀਮ ਖਾਨ ਦੀ ਜ਼ਿੰਦਗੀ ਦੇ ਕਈ ਕਿੱਸੇ ਲੋਕਾਂ ਵਿਚਕਾਰ ਮਸ਼ਹੂਰ ਹਨ ਪਰ ਇਕ ਕਾਫੀ ਦਿਲਚਸਪ ਕਿੱਸਾ ਉਨ੍ਹਾਂ ਦੇ ਬੇਟੇ ਸਲਮਾਨ ਖਾਨ ਦੇ ਸਕੂਲ ਦੇ ਦਿਨਾਂ ਦਾ ਵੀ ਹੈ। ਕੁਝ ਮਹੀਨੇ ਪਹਿਲਾਂ ਜਦੋਂ ਪਿਤਾ-ਪੁੱਤਰ ‘ਦਿ ਕਪਿਲ ਸ਼ਰਮਾ ਸ਼ੋਅ’ ਵਿਚ ਪਹੁੰਚੇ ਸਨ ਤਾਂ ਉਨ੍ਹਾਂ ਨੇ ਆਪਣੀ ਕਹਾਣੀ ਦੱਸੀ ਸੀ। ਇਸ ਦੌਰਾਨ ਸਲਮਾਨ ਨੇ ਦੱਸਿਆ ਸੀ ਕਿ ਉਨ੍ਹਾਂ ਦੇ ਪਿਤਾ ਸਲੀਮ ਖਾਨ ਨੂੰ ਉਨ੍ਹਾਂ ਦੀ ਜਗ੍ਹਾ ਸਜਾ ਮਿਲੀ ਸੀ। ਸਲਮਾਨ ਖਾਨ ਨੇ ਦੱਸਿਆ ਸੀ ਕਿ ਉਹ ਬਚਪਨ ਵਿਚ ਬਹੁਤ ਸ਼ੈਤਾਨ ਸਨ। ਇਸ ਲਈ ਉਨ੍ਹਾਂ ਨੂੰ ਬਹੁਤ ਮਾਰ ਵੀ ਪੈਂਦੀ ਸੀ। ਉਨ੍ਹਾਂ ਦੀ ਪਿੱਠ ’ਤੇ ਡੰਡੇ ਦੇ ਨਿਸ਼ਾਨ ਬਣੇ ਰਹਿੰਦੇ ਸਨ।
ਇਸ ਦੌਰਾਨ ਉਨ੍ਹਾਂ ਨੇ ਦੱਸਿਆ ਕਿ ਜਦੋਂ ਉਹ 4 ਕਲਾਸ ਵਿਚ ਸਨ ਤਾਂ ਉਨ੍ਹਾਂ ਦੀ ਟੀਚਰ ਨੇ ਉਨ੍ਹਾਂ ਨੂੰ ਕਲਾਸ ਦੇ ਬਾਹਰ ਖੜਾ ਕਰ ਦਿੱਤਾ ਸੀ। ਇਸ ਦੇ ਨਾਲ ਹੀ ਪਿਤਾ ਜੀ ਉਸ ਸਮੇਂ ਕੋਈ ਕੰਮ ਦੌਰਾਨ ਉਥੋਂ ਨਿਕਲ ਰਹੇ ਸਨ ਤਾਂ ਉਨ੍ਹਾਂ ਨੇ ਮੈਨੂੰ ਬਾਹਰ ਖੜ੍ਹਾ ਦੇਖਿਆ। ਪਹਿਲਾਂ ਤਾਂ ਪਿਤਾ ਨੂੰ ਲੱਗਾ ਕਿ ਮੈਂ ਜਰੂਰ ਕੋਈ ਸ਼ੈਤਾਨੀ ਕੀਤੀ ਹੋਵੇਗੀ। ਇਸ ਤੋਂ ਬਾਅਦ ਉਨ੍ਹਾਂ ਨੇ ਮੈਨੂੰ ਪੁੱਛਿਆ ਕਿ ਉਹ ਕਿਸ ਸਜ਼ਾ ਲਈ ਖੜਾ ਹੈ?
ਮੈਂ ਜਵਾਬ ਦਿੱਤਾ ਕਿ ਮੈਨੂੰ ਇਸ ਬਾਰੇ ਵਿਚ ਨਹੀਂ ਪਤਾ ਤਾਂ ਪਿਤਾ ਜੀ ਫਿਰ ਸਕੂਲ ਦੇ ਪ੍ਰਿੰਸੀਪਲ ਕੋਲ ਗਏ ਅਤੇ ਪੁੱਛਿਆ ਕਿ ਸਲਮਾਨ ਨੂੰ ਕਿਉਂ ਸਜ਼ਾ ਦਿੱਤੀ ਗਈ ਹੈ ? ਪ੍ਰਿੰਸੀਪਲ ਨੇ ਜਵਾਬ ਦਿੱਤਾ ਉਸ ਨੇ ਸਕੂਲ ਫੀਸ ਟਾਈਮ ’ਤੇ ਨਹੀਂ ਦਿੱਤੀ, ਇਸ ਲਈ ਉਸ ਨੂੰ ਸਜ਼ਾ ਦਿੱਤੀ ਗਈ ਹੈ ਤਾਂ ਸਲੀਮ (ਪਿਤਾ) ਨੇ ਪ੍ਰਿੰਸੀਪਲ ਨੂੰ ਕਿਹਾ ਕਿ ਫੀਸ ਨਾ ਭਰ ਪਾਉਣਾ ਉਸ ਦੀ ਗਲਤੀ ਹੈ। ਸਲਮਾਨ ਨੂੰ ਕਲਾਸ ਵਿਚ ਬੈਠਣਾ ਚਾਹੀਦਾ ਹੈ ਅਤੇ ਉਨ੍ਹਾਂ ਨੂੰ ਸਲਮਾਨ ਦੀ ਜਗ੍ਹਾ ਸਜ਼ਾ ਵਿਚ ਖੜ੍ਹਾ ਹੋਣਾ ਚਾਹੀਦਾ ਹੈ। ਉਸ ਤੋਂ ਬਾਅਦ ਪਿਤਾ ਜੀ (ਸਲੀਮ ਖਾਨ) ਸਜ਼ਾ ਵਿਚ ਤੱਦ ਤੱਕ ਖੜ੍ਹੇ ਰਹੇ ਜਦੋਂ ਤੱਕ ਸਕੂਲ ਦੀ ਛੁੱਟੀ ਨਾ ਹੋਈ।
ਆਪਣੇ ਭਾਈਚਾਰੇ ਚੋ ਆਪਣੇ ਜੀਵਨਸਾਥੀ ਦੀ ਚੋਣ ਕਰੋ - ਮੁਫ਼ਤ ਰਿਜਿਸਟ੍ਰੇਸ਼ਨ ਕਰੇ