ਸਲਮਾਨ ਦੀ ਫਿਲਮ ਲਈ ਫੈਨਜ਼ 'ਚ ਕਰੇਜ਼, ਇੰਝ ਕਰ ਰਹੇ ਨੇ ਫਰੀ ਸੇਵਾ
6/4/2019 4:09:20 PM
ਮੁੰਬਈ(ਬਿਊਰੋ)— ਸਲਮਾਨ ਖਾਨ ਅਭਿਨੀਤ 'ਭਾਰਤ' ਕੱਲ ਈਦ ਦੇ ਮੌਕੇ 'ਤੇ ਦੇਸ਼ਭਰ 'ਚ ਰਿਲੀਜ਼ ਹੋਣ ਲਈ ਤਿਆਰ ਹੈ ਅਤੇ ਦੇਸ਼ਭਰ ਤੋਂ ਪ੍ਰਸ਼ੰਸਕ ਆਪਣੇ ਭਾਈਜਾਨ ਨੂੰ ਆਪਣਾ ਸਮਰਥਨ ਦੇਣ 'ਚ ਕੋਈ ਕਸਰ ਨਹੀਂ ਛੱਡ ਰਹੇ। ਸਲਮਾਨ ਪ੍ਰਤੀ ਆਪਣੇ ਪਿਆਰ ਨੂੰ ਬਿਆਨ ਕਰਨ ਲਈ ਐਕਟਰ ਦੇ ਫੈਨਜ਼ ਮੁੰਬਈ, ਦਿੱਲੀ ਵਰਗੇ ਤਮਾਮ ਸ਼ਹਿਰਾਂ 'ਚ ਜਨਤਾ ਲਈ ਮੁਫਤ 'ਚ ਕੁਝ ਸੇਵਾਵਾਂ ਉਪਲੱਬਧ ਕਰ ਰਹੇ ਹਨ।
ਜਿੱਥੇ ਮੁੰਬਈ 'ਚ ਆਟੋ-ਰਿਕਸ਼ਾ ਚਾਲਕ, 'ਭਾਰਤ' ਦੀ ਟਿਕਟ ਦਿਖਾਉਣ 'ਤੇ ਮੁਸਾਫਰਾਂ ਨੂੰ ਮੁਫਤ ਆਟੋ ਦੀ ਸਵਾਰੀ ਦੀ ਪੇਸ਼ਕਸ਼ ਕਰ ਰਹੇ ਹਨ ਤਾਂ ਉਥੇ ਹੀ ਫਿਲਮ ਦੇ ਨਾਮ 'ਤੇ ਮੁੰਬਈ 'ਚ ਸਥਿਤ ਇਕ ਰੈਸਟੋਰੈਂਟ, 'ਭਾਰਤ' ਮੂਵੀ ਦੀ ਟਿਕਟ ਦਿਖਾਉਣ 'ਤੇ ਆਪਣੇ ਰੈਸਟੋਰੈਂਟ 'ਚ ਮੁਫਤ ਭੋਜਨ ਅਤੇ ਹੋਸਪਿਟੈਲਿਟੀ ਪ੍ਰਦਾਨ ਕਰ ਰਹੇ ਹਨ।
ਇੰਨਾ ਹੀ ਨਹੀਂ, ਬਾਂਦਰਾ 'ਚ ਇਕ ਹੋਰ ਰੈਸਟੋਰੈਂਟ,'ਭਾਈਜਾਨ ਹੋਟਲ' ਆਪਣੇ ਗਰਾਹਕਾਂ ਦੁਆਰਾ ਸਲਮਾਨ ਸਟਾਰਰ 'ਭਾਰਤ' ਦੀ ਟਿਕਟ ਦਿਖਾਉਣ 'ਤੇ ਖਾਣ 'ਤੇ 25 ਫੀਸਦੀ ਦੀ ਛੂਟ ਦੇ ਰਹੇ ਹਨ। ਇਹ ਸਿਲਸਿਲਾ ਇੱਥੇ ਨਹੀਂ ਰੁੱਕਿਆ। ਹਾਲ ਹੀ 'ਚ ਨਾਸਿਕ 'ਚ ਇਕ ਪ੍ਰਸ਼ੰਸਕ ਨੇ ਐਕਟਰ ਪ੍ਰਤੀ ਆਪਣੇ ਪਿਆਰ ਦਾ ਇਜ਼ਹਾਰ ਕਰਦੇ ਹੋਏ ਖੁਦ ਲਈ ਇਕ ਪੂਰਾ ਥੀਏਟਰ ਬੁੱਕ ਕੀਤਾ ਹੈ।
ਰਿਲੀਜ਼ ਤੋਂ ਕਾਫੀ ਪਹਿਲਾਂ, ਐਡਵਾਂਸ ਬੁਕਿੰਗ 'ਚ ਭਾਰੀ ਵਾਧਾ ਦੇਖਣ ਨੂੰ ਮਿਲ ਰਿਹਾ ਹੈ। ਸੁਪਰਸਟਾਰ ਸਲਮਾਨ ਦੇ ਦੇਸ਼ ਅਤੇ ਵਿਦੇਸ਼ 'ਚ ਅਣਗਿਣਤ ਫੈਨਜ਼ ਹਨ ਅਤੇ ਪ੍ਰਸ਼ੰਸਕਾਂ ਦਾ ਇਹ ਅਣ-ਉਚਿਤ ਸਮਰਥਨ ਇਸ ਸਚਾਈ ਦਾ ਨਤੀਜਾ ਹੈ ਕਿ ਕਿਵੇਂ 'ਭਾਰਤ' ਸਲਮਾਨ ਦੇ ਕਰੇਜ ਨੇ ਸੰਪੂਰਣ ਦੇਸ਼ 'ਚ ਲੋਕਾਂ ਨੂੰ ਆਕਰਸ਼ਿਤ ਕਰ ਲਿਆ ਹੈ।
ਦੱਸ ਦੇਈਏ ਕਿ ਫਿਲਮ 'ਚ ਸਲਮਾਨ ਖਾਨ, ਕੈਟਰੀਨਾ ਕੈਫ, ਤੱਬੂ, ਦਿਸ਼ਾ ਪਟਾਨੀ, ਸੁਨੀਲ ਗਰੋਵਰ ਅਤੇ ਜੈਕੀ ਸ਼ਰਾਫ ਵਰਗੇ ਦਮਦਾਰ ਕਲਾਕਾਰ ਨਜ਼ਰ ਆਉਣਗੇ।
ਆਪਣੇ ਭਾਈਚਾਰੇ ਚੋ ਆਪਣੇ ਜੀਵਨਸਾਥੀ ਦੀ ਚੋਣ ਕਰੋ - ਮੁਫ਼ਤ ਰਿਜਿਸਟ੍ਰੇਸ਼ਨ ਕਰੇ