ਰਾਨੂੰ ਮੰਡਲ ਨੂੰ 55 ਲੱਖ ਦਾ ਘਰ ਦੇਣ ਦੀ ਖਬਰ ‘ਤੇ ਪਹਿਲੀ ਵਾਰ ਬੋਲੇ ਸਲਮਾਨ ਖਾਨ, ਦੱਸੀ ਸਚਾਈ
9/24/2019 3:23:15 PM
ਮੁੰਬਈ(ਬਿਊਰੋ)- ਕੁਝ ਮਿੰਟਾਂ ਦੇ ਵੀਡੀਓ ਨਾਲ ਸਟਾਰ ਬਣਨ ਤੋਂ ਬਾਅਦ ਰਾਨੂ ਮੰਡਲ ਸੁਰਖੀਆਂ ’ਚ ਛਾਈ ਹੋਈ ਹੈ। ਰਾਨੂ ਨੂੰ ਹਿਮੇਸ਼ ਰੇਸ਼ਮੀਆ ਨੇ ਮੌਕਾ ਦਿੱਤਾ ਅਤੇ ਉਨ੍ਹਾਂ ਨੇ ‘ਹੈਪੀ ਹਾਰਡੀ ਐਂਡ ਹੀਰ’ ਫਿਲਮ ਲਈ ਗੀਤ ਦੀ ਰਿਕਾਰਡਿੰਗ ਵੀ ਕੀਤੀ। ਕੁਝ ਦਿਨ ਪਹਿਲਾਂ ਰਾਨੂ ਮੰਡਲ ਦੀ ਆਵਾਜ਼ ‘ਚ ‘ਤੇਰੀ ਮੇਰੀ ਕਹਾਣੀ’ ਗੀਤ ਰਿਲੀਜ਼ ਹੋਇਆ, ਜਿਸ ਤੋਂ ਬਾਅਦ ‘ਆਦਤ’ ਗੀਤ ਦਾ ਵੀ ਵੀਡੀਓ ਸਾਹਮਣੇ ਆਇਆ। ਰਾਤੋਂ-ਰਾਤ ਸਟਾਰ ਬਣੀ ਰਾਨੂੰ ਮੰਡਲ ਨਾਲ ਜੁੜੀਆਂ ਕਈ ਖਬਰਾਂ ਸਾਹਮਣੇ ਆਈਆਂ, ਜਿੰਨ੍ਹਾਂ ‘ਚੋਂ ਇਕ ਕਾਫੀ ਵਾਇਰਲ ਹੋਈ। ਉਹ ਸੀ ਕਿ ਰਾਨੂੰ ਮੰਡਲ ਨੂੰ ਸਲਮਾਨ ਖਾਨ ਨੇ 55 ਲੱਖ ਦਾ ਘਰ ਗਿਫਟ ‘ਚ ਦਿੱਤਾ ਹੈ।
ਹੁਣ ਸਲਮਾਨ ਖਾਨ ਦਾ ਪਹਿਲੀ ਵਾਰ ਇਸ ਖਬਰ ‘ਤੇ ਬਿਆਨ ਸਾਹਮਣੇ ਆਇਆ ਹੈ। ਇਕ ਇੰਟਰਵਿਊ ਦੌਰਾਨ ਸਲਮਾਨ ਖਾਨ ਨੇ ਕਿਹਾ,‘‘ਇਹ ਗਲਤ ਖਬਰ ਹੈ ਮੈਂ ਇਸ ਬਾਰੇ ‘ਚ ਸੁਣਿਆ ਹੈ। ਮੈਂ ਕੁਝ ਵੀ ਨਹੀਂ ਕੀਤਾ ਹੈ ਅਤੇ ਇਸ ਦਾ ਕਰੈਡਿਟ ਵੀ ਨਹੀਂ ਲੈ ਸਕਦਾ। ਮੈਂ ਉਨ੍ਹਾਂ ਲਈ ਅਜਿਹਾ ਕੁਝ ਨਹੀਂ ਕੀਤਾ ਹੈ।’’
ਇਸ ਤੋਂ ਪਹਿਲਾਂ ਰਾਨੂੰ ਮੰਡਲ ਨੇ ਇਕ ਇੰਟਰਵਿਊ ‘ਚ ਕਿਹਾ,‘‘ਜੀ ਨਹੀਂ ਜੇਕਰ ਉਹ ਮੈਨੂੰ ਘਰ ਦਿੰਦੇ ਤਾਂ ਸਭ ਦੇ ਸਾਹਮਣੇ ਮੈਨੂੰ ਪੇਸ਼ ਕਰਦੇ। ਉਹ ਕਹਿੰਦੇ ਕਿ ਹਾਂ ਮੈਂ ਰਾਨੂੰ ਮੰਡਲ ਨੂੰ ਘਰ ਦਿੱਤਾ ਹੈ ਜਾਂ ਫਿਰ ਦੋਸਤ ਨੂੰ ਘਰ ਦਿੱਤਾ ਹੈ। ਮਤਲਬ ਕੁਝ ਤਾਂ ਬੋਲ ਕੇ ਐਲਾਨ ਕਰਦੇ ਜਦੋਂ ਤੱਕ ਅਜਿਹਾ ਕੁਝ ਨਹੀਂ ਹੁੰਦਾ ਹੈ ਇਹ ਸੋਚਣਾ ਤਾਂ ਠੀਕ ਨਹੀਂ ਹੈ’’। ਹੁਣ ਘਰ ਵਾਲੀ ਖਬਰ ‘ਤੇ ਸਲਮਾਨ ਖਾਨ ਨੇ ਖੁਦ ਝੂਠੀ ਹੋਣ ਦੀ ਮੋਹਰ ਲਗਾ ਦਿੱਤੀ ਹੈ।
ਆਪਣੇ ਭਾਈਚਾਰੇ ਚੋ ਆਪਣੇ ਜੀਵਨਸਾਥੀ ਦੀ ਚੋਣ ਕਰੋ - ਮੁਫ਼ਤ ਰਿਜਿਸਟ੍ਰੇਸ਼ਨ ਕਰੇ