ਸਾਜਿਦ ਨਾਡਿਆਵਾਲਾ ਦਾ ਖੁਲਾਸਾ, 20 ਸਾਲ ਪਹਿਲਾ ਇਸ ਕਾਰਨ ਨਾ ਹੋ ਸਕਿਆ ਸਲਮਾਨ ਖਾਨ ਦਾ ਵਿਆਹ
10/21/2019 9:40:18 AM
ਮੁੰਬਈ(ਬਿਊਰੋ)- ਸਲਮਾਨ ਖਾਨ ਦੇ ਵਿਆਹ ਦਾ ਫੈਨਜ਼ ਨੂੰ ਬੇਸਬਰੀ ਨਾਲ ਇੰਤਜ਼ਾਰ ਹੈ। ਬੇਸ਼ੱਕ ਸਲਮਾਨ ਦਾ ਨਾਮ ਕਈ ਅਦਾਕਾਰਾਂ ਨਾਲ ਜੁੜ ਚੁੱਕਿਆ ਹੈ ਪਰ ਵਿਆਹ ਦੇ ਨਾਮ ‘ਤੇ ਉਹ ਹਰ ਵਾਰ ਪਾਸਾ ਵੱਟ ਜਾਂਦੇ ਹਨ । ਹਾਲਾਂਕਿ ਵਿਆਹ ਦਾ ਸਵਾਲ ਹੁਣ ਵੀ ਜਿਵੇਂ ਦਾ ਤਿਵੇਂ ਬਣਿਆ ਹੋਇਆ ਹੈ। ਇਸ ਦਾ ਜਵਾਬ ਸਲਮਾਨ ਹੀ ਦੇ ਸਕਦੇ ਹਨ ਪਰ ਕੀ ਤੁਸੀਂ ਜਾਣਦੇ ਹੋ ਸਲਮਾਨ ਕਦੇ ਵਿਆਹ ਲਈ ਤਿਆਰ ਸਨ। ਉਨ੍ਹਾਂ ਦੇ ਵਿਆਹ ਦੇ ਕਾਰਡ ਤੱਕ ਛਪ ਚੁੱਕੇ ਸਨ ਪਰ ਐਨ ਮੌਕੇ ’ਤੇ ਕੁੱਝ ਅਜਿਹਾ ਹੋਇਆ ਕਿ ਇਹ ਵਿਆਹ ਨਹੀਂ ਹੋ ਸਕਿਆ। ਅਜਿਹਾ ਅਸੀਂ ਨਹੀਂ ਸਗੋਂ ਸਲਮਾਨ ਦੇ ਖਾਸ ਦੋਸਤ ਅਤੇ ਫਿਲਮ ਪ੍ਰੋਡਿਊਸਰ ਸਾਜਿਦ ਨਾਡਿਆਵਾਲਾ ਨੇ ਕਿਹਾ ਹੈ।
ਸਾਜਿਦ ਨੇ ਇਸ ਗੱਲ ਦਾ ਖੁਲਾਸਾ ਕਪਿਲ ਸ਼ਰਮਾ ਦੇ ਸ਼ੋਅ ‘ਚ ਕੀਤਾ। ਸਾਜਿਦ ਹਾਲ ਹੀ ‘ਚ ‘ਹਾਊਸਫੁੱਲ 4’ ਦਾ ਪ੍ਰਮੋਸ਼ਨ ਕਰਨ ਪੂਰੀ ਟੀਮ ਦੇ ਨਾਲ ਦਿ ਕਪਿਲ ਸ਼ਰਮਾ ਸ਼ੋਅ ਵਿਚ ਪਹੁੰਚੇ ਸਨ। ਇਥੇ ਜਦੋਂ ਕਪਿਲ ਨੇ ਉਨ੍ਹਾਂ ਦੇ ਅਤੇ ਸਲਮਾਨ ਦੇ ਵਿਆਹ ਨੂੰ ਲੈ ਕੇ ਇਕ ਸਵਾਲ ਕੀਤਾ ਤਾਂ ਸਾਜਿਦ ਨੇ ਸਲਮਾਨ ਦੇ ਵਿਆਹ ਨਾਲ ਜੁੜਿਆ ਇਕ ਕਿੱਸਾ ਸੁਣਾਇਆ। ਸਾਜਿਦ ਨੇ ਦੱਸਿਆ,’ਸਾਲ 1999 ਵਿਚ ਸਲਮਾਨ ਖਾਨ ਨੇ ਅਚਾਨਕ ਕਿਹਾ ਕਿ ਵਿਆਹ ਕਰ ਲੈਂਦੇ ਹਾਂ। ਉਸ ਦੇ ਕੋਲ ਤਾਂ ਲੜਕੀ ਸੀ ਪਰ ਮੈਨੂੰ ਲੱਭਣੀ ਪਈ। ਵਿਆਹ ਤੈਅ ਹੋ ਗਿਆ ਕਾਰਡ ਵੀ ਚਲੇ ਗਏ। ਕਰੀਬ 25 ਲੋਕਾਂ ਨੂੰ ਵਿਆਹ ਵਿਚ ਬੁਲਾਇਆ ਗਿਆ ਪਰ ਛੇ ਦਿਨ ਪਹਿਲਾਂ ਸਲਮਾਨ ਨੇ ਕਿਹਾ,‘‘ਯਾਰ ਮੇਰਾ ਵਿਆਹ ਦਾ ਮੂਡ ਨਹੀਂ ਹੈ, ਇਸ ਤੋਂ ਬਾਅਦ ਮੇਰੇ ਵਿਆਹ ਵਿਚ ਉਹ ਸਟੇਜ ’ਤੇ ਆਏ ਅਤੇ ਬੋਲੇ ਪਿੱਛੇ ਗੱਡੀ ਖੜ੍ਹੀ ਹੈ ਭੱਜ ਲੈ”।
ਸਲਮਾਨ ਖਾਨ ਨੇ ਉਸ ਤੋਂ ਬਾਅਦ ਅੱਜ ਤੱਕ ਵਿਆਹ ਬਾਰੇ ਕੋਈ ਉਤਸੁਕਤਾ ਨਹੀਂ ਦਿਖਾਈ ਹੈ ਪਰ ਉਨ੍ਹਾਂ ਦੇ ਫੈਨਜ਼ ਵੀ ਇਸ ਗੱਲ ਦਾ ਇੰਤਜ਼ਾਰ ਕਰ ਰਹੇ ਹਨ ਕਿ ਕਦੋਂ ਸਲਮਾਨ ਖਾਨ ਘੋੜੀ ਚੜ੍ਹਨਗੇ।
ਆਪਣੇ ਭਾਈਚਾਰੇ ਚੋ ਆਪਣੇ ਜੀਵਨਸਾਥੀ ਦੀ ਚੋਣ ਕਰੋ - ਮੁਫ਼ਤ ਰਿਜਿਸਟ੍ਰੇਸ਼ਨ ਕਰੇ
