ਹਸਪਤਾਲ ’ਚ ਭਰਤੀ ‘ਸਸੁਰਾਲ ਸਿਮਰ ਕਾ’ ਦਾ ਇਹ ਐਕਟਰ
1/3/2020 10:09:16 AM
ਮੁੰਬਈ(ਬਿਊਰੋ)- ਟੀ.ਵੀ. ਐਕਟਰ ਆਸ਼ੀਸ਼ ਰਾਏ ਦੀ ਖਰਾਬ ਤਬੀਅਤ ਕਾਰਨ ਉਨ੍ਹਾਂ ਨੂੰ ਗੋਰੇਗਾਓਂ ਦੇ ਐੱਸ. ਆਰ.ਵੀ. ਮਲਟੀਸਪੈਸ਼ੀਲਟੀ ਹਸਪਤਾਲ ਵਿਚ ਭਰਤੀ ਕਰਾਇਆ ਗਿਆ। ਗੱਲਬਾਤ ਦੌਰਾਨ ਹੋਏ ਐਕਟਰ ਅਸ਼ੀਸ਼ ਨੇ ਦੱਸਿਆ,‘‘ਉਨ੍ਹਾਂ ਦੀ ਤਬੀਅਤ ਕਾਫੀ ਖਰਾਬ ਹੈ। ਉਨ੍ਹਾਂ ਨੂੰ ਹਸਪਤਾਲ ਵਿਚ ਭਰਤੀ ਕਰਾਇਆ ਗਿਆ ਹੈ।
ਉਨ੍ਹਾਂ ਕਿਹਾ, ਮੇਰੀ ਕਿਡਨੀ ਸਹੀ ਤਰ੍ਹਾਂ ਨਾਲ ਕੰਮ ਨਹੀਂ ਕਰ ਰਹੀ ਹੈ। ਮੇਰੇ ਸਰੀਰ ਵਿਚ ਤਕਰੀਬਨ ਨੌਂ ਲਿਟਰ ਪਾਣੀ ਜਮਾਂ ਹੋ ਗਿਆ ਹੈ, ਜਿਸ ਨੂੰ ਕੱਢਣਾ ਜਰੂਰੀ ਹੈ। ਡਾਕਟਰਾਂ ਨੇ ਕੁੱਝ ਦਵਾਈਆਂ ਦਿੱਤੀਆਂ ਹਨ । ਮੈਨੂੰ ਉਮੀਦ ਹੈ ਕਿ ਇਸ ਨਾਲ ਚਾਰ ਲਿਟਰ ਪਾਣੀ ਤਾਂ ਨਿਕਲ ਜਾਵੇਗਾ ਪਰ ਪੰਜ ਲਿਟਰ ਪਾਣੀ ਫਿਰ ਵੀ ਬਚੇਗਾ।’’
ਆਸ਼ੀਸ਼ ਰਾਏ ਨੇ ਅੱਗੇ ਕਿਹਾ,‘‘ਇਕੱਲਾ ਹਾਂ ਤਾਂ ਇਸ ਕਾਰਨ ਕਈ ਪ੍ਰੇਸ਼ਾਨੀਆਂ ਤਾਂ ਹਨ। ਮੈਂ ਵਿਆਹ ਨਹੀਂ ਕੀਤਾ। ਜ਼ਿੰਦਗੀ ਆਸਾਨ ਨਹੀਂ ਹੈ। ਇਸ ਦੇ ਨਾਲ ਹੀ ਐਕਟਰ ਅਸ਼ੀਸ਼ ਨੇ ਅੱਗੇ ਦੱਸਿਆ ਕਿ ਉਹ ਆਰਥਿਕ ਤੰਗੀ ਦਾ ਵੀ ਸਾਹਮਣਾ ਕਰ ਰਹੇ ਹਨ।’’ ਉਨ੍ਹਾਂ ਨੇ ਕਿਹਾ,‘‘ਮੈਨੂੰ ਲੱਗਦਾ ਹੈ ਕਿ ਮੈਂ ਆਪਣੀ ਭੈਣ ਕੋਲ ਕੋਲਕਾਤਾ ਸ਼ਿਫਟ ਹੋ ਜਾਵਾਂਗਾ। ਇੰਡਸਟਰੀ ਵਿਚ ਕਿਸੇ ਨੂੰ ਤਾਂ ਮੈਨੂੰ ਕੰਮ ਦੇਣਾ ਹੋਵੇਗਾ, ਨਹੀਂ ਤਾਂ ਤੁਹਾਨੂੰ ਪਤਾ ਹੈ ਕਿ ਕੀ ਹੋਵੇਗਾ।’’
ਆਪਣੇ ਭਾਈਚਾਰੇ ਚੋ ਆਪਣੇ ਜੀਵਨਸਾਥੀ ਦੀ ਚੋਣ ਕਰੋ - ਮੁਫ਼ਤ ਰਿਜਿਸਟ੍ਰੇਸ਼ਨ ਕਰੇ