ਅੱਤਵਾਦੀ ਹਮਲੇ ਤੋਂ ਨਰਾਜ਼ ਜਾਵੇਦ ਅਖਤਰ-ਸ਼ਬਾਨੀ ਨੇ ਠੁਕਰਾਇਆ ਪਾਕਿ ਦਾ ਸੱਦਾ

ਮੁੰਬਈ (ਬਿਊਰੋ) — ਪੁਲਵਾਮਾ ਅੱਤਵਾਦੀ ਹਮਲੇ ਤੋਂ ਬਾਅਦ ਦੇਸ਼ 'ਚ ਪਾਕਿਸਤਾਨ ਅਤੇ ਅੱਤਵਾਦੀਆਂ ਪ੍ਰਤੀ ਗੁੱਸਾ ਭਰ ਗਿਆ ਹੈ। ਬਾਲੀਵੁੱਡ ਦੇ ਦਿੱਗਜ਼ ਐਕਟਰ ਜਾਵੇਦ ਅਖਤਰ ਤੇ ਸ਼ਬਾਨਾ ਆਜ਼ਮੀ ਨੇ ਜਵਾਨਾਂ ਨੂੰ ਸ਼ਰਧਾਂਜਲੀ ਦਿੰਦੇ ਹੋਏ ਪਾਕਿਸਤਾਨ ਦੇ ਸੱਦੇ ਨੂੰ ਠੁਕਰਾ ਦਿੱਤਾ ਹੈ। ਸ਼ਬਾਨਾ ਆਜ਼ਮੀ ਨੇ ਕਿਹਾ ਕਿ ਪੁਲਵਾਮਾ ਹਮਲੇ ਤੋਂ ਬਾਅਦ ਮੈਂ ਤੇ ਪਤੀ ਜਾਵੇਦ ਅਖਤਰ ਨੇ ਕਰਾਚੀ 'ਚ ਆਯੋਜਿਤ ਹੋਣ ਵਾਲੇ ਕੈਫੀ ਆਜ਼ਮੀ ਜਨਮਸ਼ਤੀ ਸਮਾਰੋਹ 'ਚ ਸ਼ਿਰਕਤ ਨਾ ਕਰਨ ਦਾ ਫੈਸਲਾ ਕੀਤਾ ਹੈ। ਕਰਾਚੀ ਕਲਾ ਪਰਿਸ਼ਦ ਨੇ ਦੋ ਦਿਨ ਦੇ ਸਮਾਰੋਹ 'ਚ ਸ਼ਾਮਲ ਹੋਣ ਲਈ ਸਾਨੂੰ ਪਾਕਿਸਤਾਨ ਵਲੋਂ ਸੱਦਿਆ ਗਿਆ ਸੀ। ਸ਼ਬਾਨਾ ਨੇ ਟਵੀਟ ਕੀਤਾ, ''ਜਾਵੇਦ ਅਖਤਰ ਤੇ ਮੈਨੂੰ ਕੈਫੀ ਆਜ਼ਮੀ ਜਨਮਸ਼ਤੀ ਸਮਾਰੋਹ 'ਚ ਬੁਲਾਇਆ ਗਿਆ ਸੀ ਅਤੇ ਅਸੀਂ ਇਸ ਦਾ ਇੰਤਜ਼ਾਰ ਕਰ ਰਹੇ ਸਨ। ਮੈ ਇਸ ਗੱਲ ਦੀ ਸਰਾਹਨਾ ਕਰਦੀ ਹਾਂ ਕਿ ਪੁਲਵਾਮਾ ਹਮਲੇ ਦੇ ਮੱਦੇਨਜ਼ਰ ਸਾਡੇ ਮੇਜਬਾਨ ਕਰਾਚੀ ਕਲਾ ਪਰਿਸ਼ਦ ਨੇ ਇਸ ਸਮਾਰੋਹ ਨੂੰ ਅੰਤਿਮ ਪਲਾਂ 'ਚ ਰੱਦ ਕਰਨ 'ਤੇ ਸਹਿਮਤੀ ਜਤਾਈ ਹੈ।'' ਉਨ੍ਹਾਂ ਨੇ ਇਸ ਹਮਲੇ ਦੀ ਨਿੰਦਿਆ ਕੀਤੀ ਅਤੇ ਕਿਹਾ, ''ਮੈਂ ਪੀੜਤ ਪਰਿਵਾਰਾਂ ਨਾਲ ਖੜ੍ਹੀ ਹਾਂ।''

I am filled with pain and grief and all else ..by the dastardly #Pulwama attack . For the 1st time in all these years I feel weakened in my belief that people to people contact can force the Establishment to do the right thing.We will need to call halt to cultural exchange

— Azmi Shabana (@AzmiShabana) February 15, 2019

ਇਸ ਨੂੰ ਲੈ ਕੇ ਜਾਵੇਦ ਅਖਤਰ ਨੇ ਟਵੀਟ ਕਰਕੇ ਸ਼ਹੀਦ ਜਵਾਨਾਂ ਨੂੰ ਸ਼ਰਧਾਂਜਲੀ ਦਿੱਤੀ ਅਤੇ ਪਾਕਿਸਤਾਨ ਨਾ ਜਾਣ ਦਾ ਫੈਸਲਾ ਕੀਤਾ। ਉਨ੍ਹਾਂ ਨੇ ਟਵੀਟ ਕੀਤਾ, ''ਕਰਾਚੀ ਕਾਊਂਸਲ ਨੇ ਸਾਨੂੰ ਇਨਵ੍ਹਾਈਟ (ਸੱਦਾ ਭੇਜਿਆ) ਕੀਤਾ ਸੀ। ਮੈਂ ਤੇ ਸ਼ਬਾਨਾ ਨੇ ਦੋ ਦਿਨ ਲਈ ਕਰਾਚੀ ਜਾਣਾ ਸੀ 'ਕੈਫੀ ਆਜ਼ਮੀ' ਅਤੇ ਉਸ ਦੀਆਂ ਕਵਿਤਾਵਾਂ 'ਤੇ ਹੋਣ ਵਾਲੇ ਇਕ ਖਾਸ ਸਮੰਲੇਨ 'ਚ ਹਿੱਸਾ ਲੈਣ ਲਈ ਪਰ ਅਸੀਂ ਇਸ ਨੂੰ ਰੱਦ ਕਰਨ ਦਾ ਫੈਸਲਾ ਕੀਤਾ ਹੈ। ਸਾਲ 1965 ਦੇ ਭਾਰਤ-ਪਾਕਿਸਤਾਨ ਯੁੱਧ ਦੌਰਾਨ 'ਕੈਫੀ ਸਾਹਿਬ' ਨੇ ਇਕ ਕਵਿਤਾ ਲਿਖੀ ਸੀ, ਜਿਸ ਦੇ ਨਾਂ 'ਔਰ ਫਿਰ ਕ੍ਰਿਸ਼ਣਾ ਨੇ ਅਰਜੁਨ ਸੇ ਕਿਹਾ...''

#Pulwama attack There is no way we can carry on with cultural exchanges between India and Pakistan even as our martyrs are laying down their lives for us. I stand in solidarity with the grieving families.

— Azmi Shabana (@AzmiShabana) February 15, 2019

ਦੱਸਣਯੋਗ ਹੈ ਕਿ ਵੀਰਵਾਰ ਨੂੰ ਕਸ਼ਮੀਰ ਦੇ ਪੁਲਵਾਮਾ ਜ਼ਿਲੇ ਦੇ ਲੇਥਪੁਰਾ ਨੇੜੇ ਸ਼੍ਰੀਨਗਰ-ਜੰਮੂ ਰਾਜਮਾਰਗ 'ਤੇ ਅੱਤਵਾਦੀਆਂ ਨੇ ਆਈ. ਈ. ਡੀ. ਧਮਾਕਾ ਕਰਕੇ ਸੀ. ਆਰ. ਪੀ. ਐੱਫ਼. ਦੇ ਕਾਫਿਲੇ ਨੂੰ ਨਿਸ਼ਾਨਾ ਬਣਾਇਆ। ਇਸ ਹਮਲੇ 'ਚ 44 ਜਵਾਨ ਸ਼ਹੀਦ ਹੋਏ ਤੇ ਕਈ ਜ਼ਖਮੀ ਹੋਏ। ਅੱਤਵਾਦੀ ਸੰਗਠਨ ਜੈਸ਼-ਏ-ਮੁਹੰਮਦ ਨੇ ਹਮਲੇ ਦੀ ਜ਼ਿੰਮੇਵਾਰੀ ਲਈ ਹੈ।

Kranchi art council had invited. Shabana and me for a two day lit conference about Kaifi Azmi and his poetry . We have cancelled that . In 1965 during the indo Pak war Kaifi saheb had written a poem . “ AUR PHIR KRISHAN NE ARJUN SE KAHA “

— Javed Akhtar (@Javedakhtarjadu) February 15, 2019