ਹਸਪਤਾਲ ਤੋਂ ਘਰ ਪਹੁੰਚੀ ਸ਼ਬਾਨਾ ਆਜ਼ਮੀ, ਟਵੀਟ ਰਾਹੀਂ ਫੈਨਜ਼ ਦਾ ਇੰਝ ਕੀਤਾ ਧੰਨਵਾਦ
2/1/2020 9:22:28 PM
ਮੁੰਬਈ(ਬਿਊਰੋ)- ਕਰੀਬ ਦੋ ਹਫਤੇ ਤੱਕ ਮੁੰਬਈ ਦੇ ਕੋਕੀਲਾਬੇਨ ਅੰਬਾਨੀ ਹਸਪਤਾਲ ਵਿਚ ਭਰਤੀ ਰਹਿਣ ਤੋਂ ਬਾਅਦ ਅਦਾਕਾਰਾ ਸ਼ਬਾਨਾ ਆਜ਼ਮੀ ਸ਼ੁੱਕਰਵਾਰ ਨੂੰ ਡਿਸਚਾਰਜ ਹੋ ਕੇ ਘਰ ਪਹੁੰਚ ਗਈ ਹੈ। 69 ਸਾਲ ਦੀ ਅਦਾਕਾਰਾ ਨੇ ਸ਼ਨੀਵਾਰ ਨੂੰ ਟਵਿਟਰ ’ਤੇ ਉਨ੍ਹਾਂ ਦੀ ਰਿਕਵਰੀ ਲਈ ਦੁਆਵਾਂ ਕਰਨ ਵਾਲਿਆਂ ਦਾ ਧੰਨਵਾਦ ਅਦਾ ਕੀਤਾ ਹੈ। ਆਪਣੇ ਇਸ ਟਵੀਟ ਵਿਚ ਉਨ੍ਹਾਂ ਨੇ ਟੀਨਾ ਅੰਬਾਨੀ ਅਤੇ ਕੋਕੀਲਾਬੇਨ ਅੰਬਾਨੀ ਹਸਪਤਾਲ ਨੂੰ ਵਿਸ਼ੇਸ਼ਤੌਰ ’ਤੇ ਧੰਨਵਾਦ ਕਿਹਾ ਹੈ। ਅਦਾਕਾਰਾ ਨੇ ਆਪਣੀ ਇਕ ਤਾਜ਼ਾ ਤਸਵੀਰ ਸ਼ੇਅਰ ਕਰਦੇ ਹੋਏ ਲਿਖਿਆ,‘‘ਮੇਰੀ ਰਿਕਵਰੀ ਲਈ ਦੁਆਵਾਂ ਅਤੇ ਸ਼ੁੱਭਕਾਮਨਾ ਭੇਜਣ ਵਾਲਿਆਂ ਦਾ ਧੰਨਵਾਦ। ਮੈਂ ਘਰ ਵਾਪਸ ਆ ਗਈ ਹਾਂ। ਡਾਕਟਰਾਂ ਅਤੇ ਨਰਸਿੰਗ ਸਟਾਫ ਵੱਲੋਂ ਕੀਤੀ ਗਈ ਸਟਰਲਿੰਗ ਕੇਅਰ ਲਈ ਟੀਨਾ ਅੰਬਾਨੀ ਅਤੇ ਕੋਕੀਲਾਬੇਨ ਅੰਬਾਨੀ ਹਸਪਤਾਲ ਦਾ ਧੰਨਵਾਦ। ਮੈਂ ਕਰਜ਼ਦਾਰ ਅਤੇ ਅਹਿਸਾਨਮੰਦ ਹਾਂ।’’ ਤਸਵੀਰ ਵਿਚ ਸ਼ਬਾਨਾ ਇਕ ਦਮ ਫਿੱਟ ਨਜ਼ਰ ਆ ਰਹੀ ਹਾਂ।
Thank you all for your prayers and wishes for my https://t.co/A21IxD7Usd back home now Thank you #Tina Ambani and Kokilaben Ambani hospital for the sterling care provided by the doctors team and the nursing staff. Im indebted and grateful🙏 pic.twitter.com/6a1PWsGKnn
— Azmi Shabana (@AzmiShabana) February 1, 2020
18 ਜਨਵਰੀ ਨੂੰ ਜ਼ਖਮੀ ਹੋਈ ਸੀ ਸ਼ਬਾਨਾ
18 ਜਨਵਰੀ ਨੂੰ ਡਰਾਈਵਰ ਵੱਲੋਂ ਓਵਰਟੇਕ ਕਰਨ ਦੀ ਕੋਸ਼ਿਸ਼ ਵਿਚ ਸ਼ਬਾਨਾ ਆਜ਼ਮੀ ਦੀ ਕਾਰ ਮੁੰਬਈ-ਪੁਣੇ ਐਕਸਪ੍ਰੈੱਸ ਵੇਅ ’ਤੇ ਖਾਲਾਪੁਰ ਕੋਲ ਟਰੱਕ ਨਾਲ ਟਕਰਾ ਗਈ ਸੀ। ਹਾਦਸੇ ਵਿਚ ਸ਼ਬਾਨਾ ਜ਼ਖਮੀ ਹੋ ਗਈ ਸਨ ਅਤੇ ਉਨ੍ਹਾਂ ਨੂੰ ਪਨਵੇਲ ਦੇ ਐੱਮਜੀਐੱਮ ਹਸਪਤਾਲ ਵਿਚ ਐਡਮਿਟ ਕਰਾਇਆ ਗਿਆ ਸੀ। ਇਸ ਤੋਂ ਬਾਅਦ ਉਨ੍ਹਾਂ ਨੂੰ ਮੁੰਬਈ ਦੇ ਕੋਕੀਲਾਬੇਨ ਅੰਬਾਨੀ ਹਸਪਤਾਲ ਲਿਜਾਇਆ ਗਿਆ ਸੀ। ਉਹ 14 ਦਿਨ ਤੱਕ ਹਸਪਤਾਲ ਵਿਚ ਭਰਤੀ ਰਹੀ ਸੀ। ਉਨ੍ਹਾਂ ਦੇ ਡਰਾਈਵਰ ਖਿਲਾਫ ਖਰਾਬ ਡਰਾਈਵਿੰਗ ਦਾ ਕੇਸ ਦਰਜ ਹੋਇਆ ਸੀ।
ਆਪਣੇ ਭਾਈਚਾਰੇ ਚੋ ਆਪਣੇ ਜੀਵਨਸਾਥੀ ਦੀ ਚੋਣ ਕਰੋ - ਮੁਫ਼ਤ ਰਿਜਿਸਟ੍ਰੇਸ਼ਨ ਕਰੇ