‘ਪਦਮਾਵਤੀ’ ਲਈ ਸਲਮਾਨ, ਐਸ਼ਵਰਿਆ ਅਤੇ ਅਜੇ ਨੂੰ ਰੀ-ਕਾਸਟ ਕਰਨਾ ਚਾਹੁਣਗੇ ਸ਼ਾਹਿਦ

ਮੁੰਬਈ(ਬਿਊਰੋ)- ਬਾਲੀਵੁੱਡ ਅਭਿਨੇਤਰੀ ਨੇਹਾ ਧੂਪੀਆ ਆਪਣੇ ਚੈਟ ਸ਼ੋਅ ‘ਹੈਸ਼ ਟੈਗ ਨੋ ਫਿਲਟਰ ਨੇਹਾ’ ਦੇ ਚੌਥੇ ਸੀਜ਼ਨ ਨਾਲ ਵਾਪਸੀ ਕਰਨ ਲਈ ਪੂਰੀ ਤਰ੍ਹਾਂ ਤਿਆਰ ਅਤੇ ਉਤਸ਼ਾਹਿਤ ਹੈ। ਹੁਣ ਉਨ੍ਹਾਂ ਦਾ ਸ਼ੋਅ ਆਨ ਏਅਰ ਹੋ ਚੁੱਕਿਆ ਹੈ। ਇਸ ਸ਼ੋਅ ’ਚ ਬਾਲੀਵੁੱਡ ਦੇ ਕਈ ਸਿਤਾਰੇ ਇਸ ਦਾ ਹਿੱਸਾ ਬਣੇ ਅਤੇ ਉਨ੍ਹਾਂ ਨੇ ਆਪਣੀਆਂ ਨਿੱਜੀਆਂ ਅਤੇ ਪ੍ਰੋਫੈਸ਼ਨਲ ਲਾਈਫ ਦੀਆਂ ਗੱਲਾਂ ਨਾਲ ਸਭ ਨੂੰ ਹੈਰਾਨ ਵੀ ਕੀਤਾ। ਹਾਲ ਹੀ ’ਚ ਇਸ ਸ਼ੋਅ ’ਚ ਸ਼ਾਹਿਦ ਕਪੂਰ ਆਏ।

ਇਸ ਦੌਰਾਨ ਸ਼ਾਹਿਦ ਨੇ ਵੀ ਆਪਣੇ ਕਰੀਅਰ ਅਤੇ ਨਿੱਜੀ ਗੱਲਾਂ ਨੂੰ ਲੈ ਕੇ ਬਿੰਦਾਸ ਹੋ ਕੇ ਜਵਾਬ ਦਿੱਤੇ। ਇਸ ਦੌਰਾਨ ਸ਼ਾਹਿਦ ਕਪੂਰ ਨੇ ਕਿਹਾ ਕਿ ਫਿਲਮ ‘ਪਦਮਾਵਤੀ’ ਜੇਕਰ ਫਿਰ ਤੋਂ ਬਣਾਈ ਜਾਂਦੀ ਹੈ ਤਾਂ ਸਲਮਾਨ ਖਾਨ, ਐਸ਼ਵਰਿਆ ਰਾਏ ਅਤੇ ਅਜੇ ਦੇਵਗਨ ਨੂੰ ਕਾਸਟ ਕਰਨਾ ਚਾਹੁਣਗੇ।

ਸੰਜੇ ਲੀਲਾ ਭੰਸਾਲੀ ਦੀ ‘ਪਦਮਾਵਤੀ’ ’ਚ ਸ਼ਾਹਿਦ ਕਪੂਰ, ਦੀਪਿਕਾ ਪਾਦੁਕੌਣ ਅਤੇ ਰਣਵੀਰ ਸਿੰਘ ਮੁੱਖ ਕਿਰਦਾਰਾਂ ’ਚ ਸਨ। ਫਿਲਮਾ ਨੂੰ ਦਰਸ਼ਕਾਂ ਅਤੇ ਕ੍ਰਿਟਿਕਸ ਦਾ ਭਰਭੂਰ ਪਿਆਰ ਮਿਲਿਆ ਸੀ।