ਸ਼ੂਟਿੰਗ ਦੌਰਾਨ ਜ਼ਖਮੀ ਹੋਏ ਸ਼ਾਹਿਦ ਕਪੂਰ, ਮੂੰਹ 'ਤੇ ਲੱਗੇ 13 ਟਾਂਕੇ
1/11/2020 2:13:22 PM
ਨਵੀਂ ਦਿੱਲੀ (ਬਿਊਰੋ) — ਕਬੀਰ ਸਿੰਘ ਦੀ ਸਫਲਤਾ ਤੋਂ ਬਾਅਦ ਸ਼ਾਹਿਦ ਕਪੂਰ ਇਨ੍ਹੀਂ ਦਿਨੀਂ ਫਿਲਮ 'ਜਰਸੀ' ਦੀ ਸ਼ੂਟਿੰਗ 'ਚ ਰੁੱਝੇ ਹੋਏ ਹਨ। ਇਸੇ ਫਿਲਮ ਦੀ ਸ਼ੂਟਿੰਗ ਦੌਰਾਨ ਸ਼ਾਹਿਦ ਕਪੂਰ ਨਾਲ ਇਕ ਹਾਦਸਾ ਹੋ ਗਿਆ, ਜਿਸ ਕਾਰਨ ਉਨ੍ਹਾਂ ਦੇ 13 ਟਾਂਕੇ ਲੱਗੇ ਹਨ। ਖਬਰਾਂ ਮੁਤਾਬਕ, ਇਕ ਦ੍ਰਿਸ਼ (ਸੀਨ) ਦੌਰਾਨ ਸਾਹਮਣੇ ਤੋਂ ਬਾਲ ਤੇਜੀ ਨਾਲ ਆਈ ਤੇ ਸ਼ਾਹਿਦ ਦੇ ਹੇਠਲੇ ਬੁੱਲ੍ਹ 'ਤੇ ਲੱਗੀ। ਉਨ੍ਹਾਂ ਦੇ ਬੁੱਲ੍ਹਾਂ 'ਚੋਂ ਨਿਕਲਣ ਲੱਗਾ ਤੇ ਥੋੜੀ ਸੋਜ਼ ਵੀ ਪੈ ਗਈ। ਇਸ ਤੋਂ ਬਾਅਦ ਤੁਰੰਤ ਹੀ ਉਥੇ ਡਾਕਟਰ ਨੂੰ ਬੁਲਾਇਆ ਗਿਆ।
ਸ਼ਾਹਿਦ ਦੇ ਬੁੱਲ੍ਹ ਦੇ ਕਾਫੀ ਜ਼ਿਆਦਾ ਸੱਟ ਲੱਗੀ ਹੈ। ਹੁਣ ਸ਼ਾਹਿਦ ਉਦੋਂ ਤੱਕ ਸ਼ੂਟਿੰਗ ਸ਼ੁਰੂ ਨਹੀਂ ਕਰ ਸਕਦੇ ਜਦੋਂ ਤੱਕ ਕਿ ਉਨ੍ਹਾਂ ਦੀ ਬੁੱਲ੍ਹਾਂ ਦੀ ਸੋਜ਼ ਠੀਕ ਨਹੀਂ ਹੋ ਜਾਂਦੀ ਤੇ ਉਨ੍ਹਾਂ ਦੇ ਜ਼ਖਮ ਭਰ ਨਹੀਂ ਜਾਂਦੇ। 5 ਦਿਨਾਂ ਤੋਂ ਬਾਅਦ ਉਨ੍ਹਾਂ ਦੀ ਸੱਟ ਨੂੰ ਦੇਖਣ ਤੋਂ ਬਾਅਦ ਹੀ ਕੋਈ ਐਕਸ਼ਨ ਲਿਆ ਜਾਵੇਗਾ।
ਸ਼ਾਹਿਦ ਦੀ ਸੱਟ ਦੀ ਖਬਰ ਸੁਣ ਕੇ ਚੰਡੀਗੜ੍ਹ ਪਹੁੰਚੀ ਮੀਰਾ
ਖਬਰਾਂ ਮੁਤਾਬਕ, ਸ਼ਾਹਿਦ ਹੁਣ ਠੀਕ ਹੈ ਪਰ ਉਨ੍ਹਾਂ ਦੀ ਸੱਟ ਕਾਫੀ ਗਹਿਰੀ ਸੀ ਤੇ ਉਨ੍ਹਾਂ ਨੂੰ 13 ਟਾਂਕੇ ਲੱਗੇ ਹਨ। ਸ਼ਾਹਿਦ ਦੇ ਜ਼ਖਮੀ ਹੋਣ ਦੀ ਖਬਰ ਸੁਣ ਕੇ ਮੀਰਾ ਤੁਰੰਤ ਚੰਡੀਗੜ੍ਹ ਪਹੁੰਚੀ। ਫਿਲਹਾਲ ਸ਼ਾਹਿਦ ਹੁਣ ਠੀਕ ਹਨ।
ਦੱਸਣਯੋਗ ਹੈ ਕਿ 'ਜਰਸੀ' ਫਿਲਮ ਰਣਜੀ ਪਲੇਅਰ ਅਰਜੁਨ ਨਾਂ ਦੇ ਮੁੰਡੇ ਦੀ ਕਹਾਣੀ ਹੈ, ਜੋ ਇੰਡੀਅਨ ਕ੍ਰਿਕੇਟ ਟੀਮ ਦਾ ਹਿੱਸਾ ਬਣਨ ਦਾ ਸੁਪਨਾ ਦੇਖਦਾ ਹੈ ਪਰ ਇਸ ਸੁਪਨੇ ਨੂੰ ਪੂਰਾ ਕਰਨ ਲਈ ਉਸ ਨੂੰ ਕਈ ਮੁਸ਼ਕਿਲਾਂ ਦਾ ਸਾਹਮਣਾ ਕਰਨਾ ਪੈਂਦਾ ਹੈ। ਇਹ ਫਿਲਮ 28 ਅਗਸਤ ਨੂੰ ਸਿਨੇਮਾਘਰਾਂ ਦਾ ਸ਼ਿੰਗਾਰ ਬਣੇਗੀ।
ਆਪਣੇ ਭਾਈਚਾਰੇ ਚੋ ਆਪਣੇ ਜੀਵਨਸਾਥੀ ਦੀ ਚੋਣ ਕਰੋ - ਮੁਫ਼ਤ ਰਿਜਿਸਟ੍ਰੇਸ਼ਨ ਕਰੇ
