ਕੈਬ ਡਰਾਈਵਰ ਦੀਆਂ ਇਤਰਾਜ਼ਯੋਗ ਹਰਕਤਾਂ ''ਤੇ ਭੜਕੀ ਸ਼ਵੇਤਾ ਤਿਵਾਰੀ ਦੀ ਧੀ (ਵੀਡੀਓ)
7/5/2019 4:46:41 PM
ਮੁੰਬਈ (ਬਿਊਰੋ) - ਟੀ. ਵੀ. ਅਦਾਕਾਰਾ ਸ਼ਵੇਤਾ ਤਿਵਾਰੀ ਦੀ ਧੀ ਪਲਕ ਤਿਵਾਰੀ ਦੇ ਡੈਬਿਊ ਦੀਆਂ ਖਬਰਾਂ ਲੰਬੇ ਸਮੇਂ ਤੋਂ ਚੱਲ ਰਹੀਆਂ ਹਨ। ਪਲਕ ਤਿਵਾਰੀ ਦੇ ਕਈ ਫੋਟੋਸ਼ੂਟ ਹੁਣ ਤੱਕ ਸਾਹਮਣੇ ਆ ਚੁੱਕੇ ਹਨ, ਜਿਨ੍ਹਾਂ ਨੂੰ ਦੇਖ ਕੇ ਸਾਫ ਕਿਹਾ ਜਾ ਸਕਦਾ ਹੈ ਕਿ ਪਲਕ ਨੇ ਹੁਣ ਤੋਂ ਹੀ ਫਿਲਮਾਂ 'ਚ ਆਉਣ ਦੀਆਂ ਤਿਆਰੀਆਂ ਸ਼ੁਰੂ ਕਰ ਦਿੱਤੀਆਂ ਹਨ। ਹੁਣ ਪਲਕ ਕਿਸੇ ਹੋਰ ਵਜ੍ਹਾ ਕਰਕੇ ਚਰਚਾ 'ਚ ਹੈ। ਦਰਅਸਲ, ਪਲਕ ਨੇ ਇਕ ਕੈਬ ਡਰਾਈਵਰ 'ਤੇ ਗੁੱਸਾ ਕੱਢਿਆ ਹੈ। ਪਿਛਲੇ ਦਿਨੀਂ ਮੁੰਬਈ 'ਚ ਇਕ ਲੇਡੀ ਪੈਸੇਂਜਰ ਨੇ ਆਪਣੇ ਇੰਸਟਾਗ੍ਰਾਮ 'ਤੇ ਕੈਬ ਡਰਾਈਵਰ ਦਾ ਵੀਡੀਓ ਸ਼ੇਅਰ ਕੀਤਾ ਸੀ। ਦੇਬਲੀਨਾ ਸਾਹਾ ਨਾਂ ਦੀ ਲਾਅ ਸਟੂਡੈਂਟ ਨੇ ਵੀਡੀਓ ਸ਼ੇਅਰ ਕਰਦੇ ਹੋਏ ਦੱਸਿਆ ਕਿ ਕਿਵੇਂ ਕੈਬ ਡਰਾਈਵਰ ਉਨ੍ਹਾਂ ਨਾਲ ਬਤਮੀਜ਼ੀ ਕਰ ਰਿਹਾ ਸੀ, ਜਦੋਂਕਿ ਮਾਂ ਅਤੇ ਭੈਣ ਵੀ ਨਾਲ ਸੀ। ਇੰਨਾ ਹੀ ਨਹੀਂ ਇਸ ਦੌਰਾਨ ਕੈਬ ਡਰਾਈਵਰ ਨੇ ਇਤਰਾਜ਼ਯੋਗ ਹਰਕਤਾਂ ਵੀ ਕੀਤੀਆਂ।
ਵੀਡੀਓ ਸਾਹਮਣੇ ਆਉਣ ਤੋਂ ਬਾਅਦ ਬਾਲੀਵੁੱਡ ਤੇ ਟੀ. ਵੀ. ਇੰਡਸਟਰੀ ਨੇ ਇਸ ਦੀ ਆਲੋਚਨਾ ਕੀਤੀ ਸੀ। ਇਕ ਇੰਟਰਵਿਊ ਦੌਰਾਨ ਪਲਕ ਤਿਵਾਰੀ ਨੇ ਇਸ ਬਾਰੇ ਕਿਹਾ, ''ਇਸ ਤਰ੍ਹਾਂ ਦੀ ਘਟਨਾ 'ਤੇ ਅਸਲ 'ਚ ਜ਼ਿਆਦਾ ਕੁਝ ਕਹਿਣ ਲਈ ਲਫਜ਼ ਨਹੀਂ ਹਨ। ਬਸ ਸੋਚ ਰਹੀ ਹਾਂ ਕੀ ਮਰਦ ਇਸ ਨੂੰ ਸਵੀਕਾਰ ਕਰਦੇ ਹਨ ਜਾਂ ਫਿਰ ਇਸ ਬਾਰੇ ਸੋਚਣਗੇ। ਮੇਰੇ ਲਈ ਇਹ ਨਿੰਦਿਆਯੋਗ ਹੈ ਅਤੇ ਇਸ ਤੋਂ ਬੁਰਾ ਕੁਝ ਨਹੀਂ ਹੈ।'' ਪਲਕ ਨੇ ਅੱਗੇ ਕਿਹਾ, ''ਮੈਂ ਇਸ ਘਟਨਾ ਨਾਲ ਖੁਦ ਨੂੰ ਜੋੜ ਪਾਉਂਦੀ ਹਾਂ ਕਿਉਂਕਿ ਮੈਂ ਵੀ ਕਾਲਜ ਜਾਂਦੀ ਹਾਂ। ਮੈਂ ਅਕਸਰ ਕੈਬ ਕਰਦੀ ਹਾਂ। ਇਕ ਕੈਬ ਡਰਾਈਵਰ ਜਿਸ ਨੂੰ ਨੌਕਰੀ ਦਿੱਤੀ ਗਈ ਹੈ ਕਿ ਉਹ ਕਿਸੇ ਦੀ ਬੇਟੀ, ਭੈਣ ਅਤੇ ਮਾਂ ਨੂੰ ਉਸ ਦੇ ਡੈਸਟੀਨੇਸ਼ਨ 'ਤੇ ਛੱਡ ਦੇਵੇ, ਜਿਸ ਦੇ ਬਦਲੇ 'ਚ ਉਸ ਤੋਂ ਪੈਸੇ ਮਿਲਦੇ ਹਨ। ਮਰਦਾਂ ਲਈ ਸ਼ਾਇਦ ਉਹ ਸਿਰਫ ਇਕ ਵਸਤੂ ਹੈ, ਜੋ ਮਹਿਲਾ ਦੇ ਸਰੀਰ ਦੇ ਹਰ ਇੰਚ ਨੂੰ ਸਕੈਨ ਕਰ ਰਿਹਾ ਹੈ ਪਰ ਉਹ ਮਹਿਲਾ ਕਿਸੇ ਦੀ ਪੂਰੀ ਦੁਨੀਆ ਹੈ।''
ਦੱਸਣਯੋਗ ਹੈ ਕਿ ਪਲਕ 18 ਸਾਲ ਦੀ ਹੈ ਅਤੇ ਸੋਸ਼ਲ ਮੀਡੀਆ 'ਤੇ ਆਪਣੀਆਂ ਤਸਵੀਰਾਂ ਕਾਰਨ ਲਾਈਮਲਾਈਟ 'ਚ ਰਹਿੰਦੀ ਹੈ। ਉਹ ਅਕਸਰ ਹੀ ਆਪਣੀਆਂ ਤਸਵੀਰਾਂ ਨੂੰ ਸ਼ੇਅਰ ਕਰਕੇ ਚਰਚਾ 'ਚ ਆ ਜਾਂਦੀ ਹੈ। ਹਾਲ ਹੀ 'ਚ ਪਲਕ ਦਾ ਨਵਾਂ ਫੋਟੋਸ਼ੂਟ ਵਾਇਰਲ ਹੋਇਆ ਹੈ। ਇਸ ਫੋਟੋਸ਼ੂਟ 'ਚ ਪਲਕ ਨੇ ਬਲੈਕ ਕਲਰ ਦੀ ਡਰੈੱਸ ਪਾਈ ਸੀ।
ਆਪਣੇ ਭਾਈਚਾਰੇ ਚੋ ਆਪਣੇ ਜੀਵਨਸਾਥੀ ਦੀ ਚੋਣ ਕਰੋ - ਮੁਫ਼ਤ ਰਿਜਿਸਟ੍ਰੇਸ਼ਨ ਕਰੇ