ਏਅਰਪੋਰਟ ’ਤੇ ਦੂਜੀ ਵਾਰ ਗੁੰਮ ਹੋਇਆ ਸੋਨਮ ਦਾ ਸਮਾਨ, ਅਦਾਕਾਰਾ ਨੇ ਟਵਿਟਰ ’ਤੇ ਕੱਢੀ ਭੜਾਸ
1/10/2020 12:09:06 PM
ਮੁੰਬਈ(ਬਿਊਰੋ)- ਬਾਲੀਵੁੱਡ ਅਦਾਕਾਰਾ ਸੋਨਮ ਕਪੂਰ ਦਾ ਇਕ ਟਵੀਟ ਸੋਸ਼ਲ ਮੀਡੀਆ ’ਤੇ ਖੂਬ ਵਾਇਰਲ ਹੋ ਰਿਹਾ ਹੈ। ਸੋਨਮ ਕਪੂਰ ਨੇ ਬ੍ਰਿਟਿਸ਼ ਏਅਰਵੇਜ ( British Airways) ਨੂੰ ਸੰਬੋਧਿਤ ਕਰਦੇ ਹੋਏ ਉਨ੍ਹਾਂ ’ਤੇ ਆਪਣੀ ਨਾਰਾਜ਼ਗੀ ਜ਼ਾਹਿਰ ਕੀਤੀ ਹੈ। ਇੰਨਾ ਹੀ ਨਹੀਂ ਸੋਨਮ ਨੇ ਬ੍ਰਿਟਿਸ਼ ਏਅਰਵੇਜ ’ਤੇ ਇਹ ਦੋਸ਼ ਵੀ ਲਗਾਏ ਹਨ ਕਿ ਇਕ ਹੀ ਮਹੀਨੇ ਵਿਚ ਦੋ-ਦੋ ਵਾਰ ਉਨ੍ਹਾਂ ਦਾ ਸਾਮਾਨ ਮਿਸਪਲੇਸ ਕਰ ਦਿੱਤਾ ਗਿਆ, ਜਿਸ ਨਾਲ ਉਨ੍ਹਾਂ ਨੂੰ ਕਾਫੀ ਪ੍ਰੇਸ਼ਾਨੀਆ ਦਾ ਸਾਹਮਣਾ ਕਰਨਾ ਪੈ ਰਿਹਾ ਹੈ। ਸੋਨਮ ਨੇ ਫਟਕਾਰ ਲਗਾਉਂਦੇ ਹੋਏ ਕਿਹਾ ਕਿ ਉਹ ਹੁਣ ਦੁਬਾਰਾ ਕਦੇ ਵੀ ਇਸ ਰਾਹੀਂ ਯਾਤਰਾ ਨਹੀਂ ਕਰੇਗੀ। ਸੋਨਮ ਦੇ ਟਵੀਟ ’ਤੇ ਸੋਸ਼ਲ ਮੀਡੀਆ ਯੂਜ਼ਰਸ ਵੀ ਲਗਾਤਾਰ ਪ੍ਰਤੀਕਿਰਿਆ ਦੇ ਰਹੇ ਹਨ। ਸੋਨਮ ਦੇ ਟਵੀਟ ਤੋਂ ਬਾਅਦ ਬ੍ਰਿਟਿਸ਼ ਏਅਰਵੇਜ ਨੇ ਆਪਣੀ ਸਫਾਈ ਦਿੱਤੀ ਹੈ।
This is the third time ive traveled @British_Airways this month and the second time they’ve lost my bags. I think I’ve learnt my lesson. I’m never flying @British_Airways again.
— Sonam K Ahuja (@sonamakapoor) January 9, 2020
ਸੋਨਮ ਨੇ ਟਵਿਟਰ ’ਤੇ ਲਿਖਿਆ ਸੀ,‘‘ਇਹ ਤੀਜੀ ਵਾਰ ਹੈ, ਜਦੋਂ ਮੈਂ ਬ੍ਰਿਟਿਸ਼ ਏਅਰਵੇਜ ਰਾਹੀਂ ਯਾਤਰਾ ਕਰ ਰਹੀ ਹਾਂ ਇਸ ਮਹੀਨੇ ਵਿਚ ਦੂਜੀ ਵਾਰ ਅਜਿਹਾ ਹੋਇਆ ਹੈ, ਜਦੋਂ ਮੇਰਾ ਸਾਮਾਨ ਗੁੰਮ ਹੋਇਆ ਹੈ। ਮੈਂ ਸਬਕ ਸਿੱਖ ਲਿਆ ਹੈ। ਹੁਣ ਮੈਂ ਕਦੇ ਵੀ ਬ੍ਰਿਟਿਸ਼ ਏਅਰਵੇਜ ਰਾਹੀਂ ਯਾਤਰਾ ਨਹੀਂ ਕਰਾਂਗੀ।’’ ਸੋਨਮ ਦੇ ਇਸ ਟਵੀਟ ਨੂੰ ਪੜ੍ਹਣ ਤੋਂ ਬਾਅਦ ਏਅਰਲਾਈਨ ਕੰਪਨੀ ਨੇ ਜਵਾਬ ਦਿੰਦੇ ਹੋਏ ਲਿਖਿਆ,‘‘ਤੁਹਾਡਾ ਸਾਮਾਨ ਮਿਲਣ ਵਿਚ ਸਾਨੂੰ ਦੇਰੀ ਹੋਈ ਇਹ ਜਾਣ ਕੇ ਸਾਨੂੰ ਦੁੱਖ ਹੈ ਸੋਨਮ। ਜਦੋਂ ਤੁਸੀਂ ਏਅਰਪੋਰਟ ’ਤੇ ਇਸ ਬਾਰੇ ਵਿਚ ਦੱਸਿਆ ਤਾਂ ਕੀ ਤੁਹਾਨੂੰ ਟਰੈਕਿੰਗ ਰਿਫਰੈਂਸ ਨੰਬਰ ਦਿੱਤਾ ਗਿਆ ਸੀ?’’
We're sorry to hear about the delay to your luggage, Sonam. Have you been provided with a tracking reference when informed at the airport? Cody
— British Airways (@British_Airways) January 9, 2020
ਬ੍ਰਿਟਿਸ਼ ਏਅਰਵੇਜ ਦੇ ਇਸ ਟਵੀਟ ਨੂੰ ਰਿਟਵੀਟ ਕਰਦੇ ਹੋਏ ਸੋਨਮ ਨੇ ਜਵਾਬ ਦਿੰਦੇ ਹੋਏ ਲਿਖਿਆ ਹਾਂ,‘‘ਇਹ ਸਭ ਕੀਤਾ ਜਾ ਚੁੱਕਿਆ ਹੈ ਪਰ ਇਹ ਬਹੇੱਦ ਅਸੁਵਿਧਾਜਨਕ ਹੈ। ਤੁਹਾਡੇ ਲੋਕਾਂ ਨੂੰ ਇਸ ’ਤੇ ਧਿਆਨ ਦੇਣਾ ਚਾਹੀਦਾ ਹੈ। ਇਹ ਭੈੜੀ ਸਰਵਿਸ ਅਤੇ ਮਾੜਾ ਪ੍ਰਬੰਧ ਦਰਸਾਉਂਦਾ ਹੈ।’’
Yes all that is done. But it is a massive inconvenience. You guys need to step up. It’s terrible service and terrible mismanagement.
— Sonam K Ahuja (@sonamakapoor) January 9, 2020
ਆਪਣੇ ਭਾਈਚਾਰੇ ਚੋ ਆਪਣੇ ਜੀਵਨਸਾਥੀ ਦੀ ਚੋਣ ਕਰੋ - ਮੁਫ਼ਤ ਰਿਜਿਸਟ੍ਰੇਸ਼ਨ ਕਰੇ