ਪ੍ਰਵਾਸੀ ਮਜ਼ਦੂਰਾਂ ਦੀ ਮਦਦ ਲਈ ਮੁੜ ਅੱਗੇ ਆਏ ਸੋਨੂੰ ਸੂਦ, ਘਰ ਪਹੁੰਚਾਉਣ ਦਾ ਚੁੱਕਿਆ ਬੀੜਾ
5/23/2020 1:07:24 PM
ਮੁੰਬਈ (ਬਿਊਰੋ) — ਕੋਰੋਨਾ ਵਾਇਰਸ ਦਾ ਕਹਿਰ ਖਤਮ ਹੋਣ ਦਾ ਨਾਂ ਨਹੀਂ ਲੈ ਰਿਹਾ ਪਰ ਲੋਕਾਂ ਦੇ ਹੌਂਸਲੇ ਵੀ ਬੁਲੰਦ ਹਨ। ਜਿਥੇ ਇਕ ਪਾਸੇ ਕੋਰੋਨਾ ਨਾਲ ਲੜਨ 'ਚ ਕੋਰੋਨਾ ਵਾਰੀਅਰਜ਼ ਆਪਣੀ ਭੂਮਿਕਾ ਮਜ਼ਬੂਤੀ ਨਾਲ ਨਿਭਾ ਰਹੇ ਹਨ ਤਾਂ ਉਥੇ ਹੀ ਬਾਲੀਵੁੱਡ ਸਿਤਾਰੇ ਵੀ ਲੋਕਾਂ ਦੀ ਮਦਦ ਲਈ ਹਰ ਸੰਭਵ ਯਤਨ ਕਰ ਰਹੇ ਹਨ। ਸੋਨੂੰ ਸੂਦ ਵੀ ਉਨ੍ਹਾਂ ਸਿਤਾਰਿਆਂ 'ਚੋਂ ਇੱਕ ਹਨ, ਜਿਹੜੇ ਦਿਲ ਖੋਲ੍ਹ ਕੇ ਇਸ ਲਾਕਡਾਊਨ 'ਚ ਲੋਕਾਂ ਦੀ ਸਹਾਇਤਾ ਕਰ ਰਹੇ ਹਨ। ਕਈ ਮਜ਼ਦੂਰ ਪੈਦਲ ਹੀ ਆਪਣੇ-ਆਪਣੇ ਘਰਾਂ ਨੂੰ ਜਾ ਰਹੇ ਹਨ। ਅਜਿਹੇ 'ਚ ਸੋਨੂੰ ਸੂਦ ਨੇ ਕਈ ਲੋਕਾਂ ਨੂੰ ਉਨ੍ਹਾਂ ਦੇ ਘਰ ਪਹੁੰਚਾਉਣ ਦਾ ਬੀੜਾ ਚੁੱਕਿਆ ਹੈ। ਇੱਕ ਵਾਰ ਫਿਰ ਸੋਨੂੰ ਸੂਦ ਨੇ ਸੋਸ਼ਲ ਮੀਡੀਆ ਦੇ ਜ਼ਰੀਏ ਘਰ ਜਾਣ ਵਾਲੇ ਬੇਵਸ ਲੋਕਾਂ ਨਾਲ ਸੰਪਰਕ ਕੀਤਾ ਅਤੇ ਉਨ੍ਹਾਂ ਦੀ ਮਦਦ ਕੀਤੀ ਹੈ।
भई चक्कर लगाना बंद करो और Relax करो। दो दिन में बिहार में अपने घर का पानी पियोगे। details भेजो❣️ https://t.co/Ygne5gPuGz
— sonu sood (@SonuSood) May 22, 2020
ਦਰਅਸਲ, ਮੂਲ ਰੂਪ ਤੋਂ ਬਿਹਾਰ ਦੇ ਰਹਿਣ ਵਾਲੇ ਇਕ ਵਿਅਕਤੀ ਨੇ ਟਵੀਟ ਕਰਕੇ ਦੱਸਿਆ ਕਿ ਉਸ ਨੇ ਨੇੜਲੀ ਪੁਲਸ ਚੌਕੀ ਦੇ ਕਈ ਚੱਕਰ ਲਗਾਏ ਸਨ। ਹੁਣ ਵੀ ਉਹ ਧਾਰਾਵੀ 'ਚ ਰਹਿੰਦਾ ਹੈ ਪਰ ਮਦਦ ਦੀ ਕੋਈ ਉਮੀਦ ਨਹੀਂ ਹੈ। ਉਸ ਵਿਅਕਤੀ ਦੇ ਟਵੀਟ 'ਤੇ ਸੋਨੂੰ ਸੂਦ ਨੇ ਉਸ ਨੂੰ ਆਪਣੀ ਡਿਟੇਲ (ਪੂਰੀ ਜਾਣਕਾਰੀ) ਭੇਜਣ ਲਈ ਕਿਹਾ। ਸੋਨੂੰ ਸੂਦ ਨੇ ਲਿਖਿਆ, ''ਭਰਾ ਚੱਕਰ ਲਾਉਣੇ ਬੰਦ ਕਰ ਅਤੇ ਸਾਂਤ ਹੋ ਜਾ। ਦੋ ਦਿਨਾਂ 'ਚ ਬਿਹਾਰ ਆਪਣੇ ਘਰ ਦਾ ਪਾਣੀ ਪੀਓਗੇ, ਪੂਰਾ ਪਤਾ ਭੇਜ।''
पैदल क्यों जाओगे दोस्त?? नम्बर भेजो। https://t.co/48vflmw4DA
— sonu sood (@SonuSood) May 22, 2020
ਇਕ ਹੋਰ ਵਿਅਕਤੀ ਨੇ ਟਵੀਟ ਕਰਕੇ ਸੋਨੂੰ ਸੂਦ ਤੋਂ ਮਦਦ ਮੰਗੀ। ਉਸ ਨੇ ਲਿਖਿਆ, ''ਸਰ ਪਲੀਜ ਈਸਟ ਯੂਪੀ 'ਚ ਕਿਤੇ ਵੀ ਭੇਜ ਦਿਓ, ਉਥੋ ਮੈਂ ਪੈਦਲ ਹੀ ਆਪਣੇ ਘਰ ਚੱਲ ਜਾਵਾਂਗਾ।'' ਇਸ 'ਤੇ ਸੋਨੂੰ ਸੂਦ ਨੇ ਲਿਖਿਆ, ''ਪੈਦਲ ਕਿਉਂ ਜਾਓਗੇ ਦੋਸਤ? ਨੰਬਰ ਭੇਜੋ।''
भाई कुछ क्या.. सब कुछ हो सकता है। उसके लिए उपका डिटेल्ज़ भेजने का कष्ट करना पड़ेगा ❣️ https://t.co/AlB7L8byDP
— sonu sood (@SonuSood) May 23, 2020
ਦੱਸਣਯੋਗ ਹੈ ਕਿ ਇਸ ਤੋਂ ਪਹਿਲਾਂ ਸੋਨੂੰ ਸੂਦ ਨੇ ਬਿਹਾਰ ਦੇ ਕਈ ਮਜ਼ਦੂਰਾਂ ਨੂੰ ਉਨ੍ਹਾਂ ਦੇ ਘਰ ਪਹੁੰਚਾਇਆ। ਟਵਿੱਟਰ ਦੇ ਜ਼ਰੀਏ ਜਿਹੜੇ ਲੋਕ ਉਨ੍ਹਾਂ ਨਾਲ ਸੰਪਰਕ ਕਰ ਰਹੇ ਹਨ, ਉਹ ਹਰ ਕਿਸੇ ਦੀ ਮਦਦ ਕਰ ਰਹੇ ਹਨ। ਉਨ੍ਹਾਂ ਨੇ ਮੁੰਬਈ ਦੇ ਜੁਹੂ ਸਥਿਤ ਹੋਟਲ ਦੇ ਦਰਵਾਜ਼ੇ ਵੀ ਸਿਹਤ ਕਾਮਿਆਂ ਲਈ ਖੋਲ੍ਹੇ। ਇਸ ਤੋਂ ਪਹਿਲਾਂ ਜਦੋਂ ਦੇਸ਼ 'ਚ ਲਾਕਡਾਊਨ ਲਗਾ ਤਾਂ ਉਨ੍ਹਾਂ ਨੇ ਆਪਣੇ ਪਿਤਾ ਸ਼ਕਤੀ ਸਾਗਰ ਸੂਦ ਦੇ ਨਾਂ 'ਤੇ ਇਕ ਸਕੀਮ ਲਾਂਚ ਕੀਤੀ ਸੀ, ਜਿਸ ਦੇ ਤਹਿਤ ਉਹ ਰੋਜ਼ਾਨਾ 45 ਹਜ਼ਾਰ ਲੋਕਾਂ ਨੂੰ ਭੋਜਨ ਖੁਆ ਰਹੇ ਸਨ।
ਆਪਣੇ ਭਾਈਚਾਰੇ ਚੋ ਆਪਣੇ ਜੀਵਨਸਾਥੀ ਦੀ ਚੋਣ ਕਰੋ - ਮੁਫ਼ਤ ਰਿਜਿਸਟ੍ਰੇਸ਼ਨ ਕਰੇ