ਬਾੜਮੇਰ ''ਚ ਸੰਨੀ ਦਿਓਲ ਨੇ ਕੀਤਾ ਪਹਿਲਾ ਰੋਡ ਸ਼ੋਅ, ਲੱਗੀ ਲੋਕਾਂ ਦੀ ਭੀੜ

ਨਵੀਂ ਦਿੱਲੀ (ਬਿਊਰੋ) — ਭਾਜਪਾ 'ਚ ਸ਼ਾਮਲ ਹੋਣ ਤੋਂ ਬਾਅਦ ਬਾਲੀਵੁੱਡ ਐਕਟਰ ਸੰਨੀ ਦਿਓਲ ਨੇ ਬੀਤੇ ਦਿਨੀਂ ਰਾਜਸਥਾਨ ਦੇ ਬਾਡਮੇਰ 'ਚ ਆਪਣਾ ਪਹਿਲਾ ਰੋਡ ਸ਼ੋਅ ਕੀਤਾ। ਭਾਜਪਾ ਉਮੀਦਵਾਰ ਭਾਗੀਰਥ ਚੌਧਰੀ ਦੇ ਸਮਰਥਨ 'ਚ ਹੋ ਰਹੇ ਇਸ ਰੋਡ ਸ਼ੋਅ ਦੌਰਾਨ ਵੱਡੀ ਸੰਖਿਆ 'ਚ ਭਾਜਪਾ ਦੇ ਵਰਕਰ ਤੇ ਆਮ ਲੋਕ ਮੌਜੂਦ ਰਹੇ। ਏ. ਐੱਨ. ਆਈ. ਮੁਤਾਬਕ, ਇਸ ਰੋਡ ਸ਼ੋਅ 'ਚ ਸੰਨੀ ਦਿਓਲ ਦੀ 'ਗਦਰ' ਫਿਲਮ ਦਾ ਡਾਇਲਾਗ 'ਹਿੰਦੁਸਤਾਨ ਜ਼ਿੰਦਾਬਾਦ ਸੀ, ਜ਼ਿੰਦਾਬਾਦ ਹੈ, ਜ਼ਿੰਦਾਬਾਦ ਰਹੇਗਾ' ਲਾਉਂਦੇ ਨਜ਼ਰ ਆਏ। ਰੋਡ ਸ਼ੋਅ ਦੌਰਾਨ ਉਥੇ ਮੌਜੂਦ ਲੋਕਾਂ ਨੇ ਉਨ੍ਹਾਂ 'ਤੇ ਬਣਾਈ ਪੇਂਟਿੰਗ ਤੇ 'ਪੱਗ' ਉਨ੍ਹਾਂ ਨੂੰ ਤੋਹਫੇ ਵਜੋਂ ਦਿੱਤੀ।

#WATCH Barmer: Sunny Deol holds his first roadshow after joining BJP, campaigns for BJP LS candidate from Barmer, Kailash Choudhary. Dialogue from the movie 'Gadar', "Hindustan Zindabad tha, zindabad hai, zindabad rahega" heard in the background #Rajasthan #LokSabhaElections2019 pic.twitter.com/OjVXPJRJkU

— ANI (@ANI) April 27, 2019

ਦੱਸ ਦਈਏ ਕਿ ਬੀਤੇ ਮੰਗਲਵਾਰ ਨੂੰ ਬਾਲੀਵੁੱਡ ਐਕਟਰ ਸੰਨੀ ਦਿਓਲ ਨੇ 23 ਅਪ੍ਰੈਲ ਨੂੰ ਭਾਜਪਾ ਦੀ ਮੈਂਬਰਤਾ ਲਈ ਸੀ। ਸੰਨੀ ਦਿਓਲ ਪੰਜਾਬ ਦੇ ਗੁਰਦਾਸਪੁਰ ਤੋਂ ਭਾਜਪਾ ਦੇ ਟਿਕਟ 'ਤੇ ਚੋਣ ਲੜਨ ਜਾ ਰਹੇ ਹਨ। 29 ਅਪ੍ਰੈਲ ਨੂੰ ਉਹ ਆਪਣਾ ਨਾਮਜ਼ਦਗੀ ਦਾਖਲ ਕਰਨਗੇ। ਪੰਜਾਬ 'ਚ ਭਾਜਪਾ ਦਾ ਸ਼੍ਰੋਮਣੀ ਅਕਾਲੀ ਦਲ ਨਾਲ ਗਠਬੰਧਨ ਹੈ। ਭਾਜਪਾ ਰਾਜ ਦੇ ਤਿੰਨ ਸੀਟਾਂ ਤੋਂ ਚੋਣਾਂ ਲੜਨ ਜਾ ਰਹੀ ਹੈ, ਜਿਸ 'ਚ ਅੰਮ੍ਰਿਤਸਰ, ਅੰਮ੍ਰਿਤਸਰ ਤੇ ਹੁਸ਼ਿਆਰਪੁਰ ਸ਼ਾਮਲ ਹੈ। ਪਹਿਲੇ ਇਸ ਸੀਟ 'ਤੇ ਵਿਨੋਦ ਖੰਨਾ ਦੀ ਪਤਨੀ ਕਵਿਤਾ ਦੇ ਨਾਂ ਦੀ ਚਰਚਾ ਸੀ। ਉਸ ਦੇ ਚੋਣਾਂ ਲੜਨ ਦੀ ਘੋਸ਼ਣਾ ਤੋਂ ਬਾਅਦ ਕਵਿਤਾ ਨੇ ਭਾਜਪਾ ਦੇ ਇਸ ਫੈਸਲਾ ਦਾ ਵਿਰੋਧ ਕੀਤਾ ਹੈ।

ਗੁਰਦਾਸਪੁਰ ਤੋਂ ਵਿਨੋਦ ਖੰਨਾ ਰਹਿ ਚੁੱਕੇ ਹਨ ਐੱਮ. ਪੀ

ਦੱਸ ਦਈਏ ਕਿ ਗੁਰਦਾਸਪੁਰ ਤੋਂ ਮਸ਼ਹੂਰ ਐਕਟਰ ਵਿਨੋਦ ਖੰਨਾ ਸੰਸਦ ਰਹਿ ਚੁੱਕੇ ਹਨ। ਉਨ੍ਹਾਂ ਦੇ ਦਿਹਾਂਤ ਤੋਂ ਬਾਅਦ ਇਹ ਸੀਟ ਖਾਲੀ ਹੈ। ਵਿਨੋਦ ਖੰਨਾ ਸਾਲ 1997 'ਚ ਭਾਜਪਾ 'ਚ ਸ਼ਾਮਲ ਹੋਏ ਸਨ। ਉਨ੍ਹਾਂ ਨੇ ਸਾਲ 1998 'ਚ ਗੁਰਦਾਸਪੁਰ ਤੋਂ ਪਹਿਲੀ ਵਾਰ ਚੋਣਾਂ 'ਚ ਉਤਰੇ ਸਨ ਅਤੇ ਜਿੱਤ ਹਾਸਲ ਕੀਤੀ ਸੀ। ਸਾਲ 1999 ਤੇ 2004 ਦੀਆਂ ਚੋਣਾਂ 'ਚ ਵੀ ਉਨ੍ਹਾਂ ਨੇ ਜਿੱਤ ਹਾਸਲ ਕੀਤੀ ਕੀਤੀ ਸੀ ਪਰ ਸਾਲ 2009 'ਚ ਲੋਕ ਸਭਾ ਚੋਣਾਂ ਦੌਰਾਨ ਉਨ੍ਹਾਂ ਨੂੰ ਹਾਰ ਦਾ ਮੂੰਹ ਦੇਖਣਾ ਪਿਆ ਸੀ।

ਭਾਜਪਾ 'ਚ ਹੈ ਪੂਰਾ ਦਿਓਲ ਪਰਿਵਾਰ

ਮਸ਼ਹੂਰ ਐਕਟਰ ਤੇ ਸੰਨੀ ਦਿਓਲ ਦੇ ਪਿਤਾ ਧਰਮਿੰਦਰ ਭਾਜਪਾ ਦੀ ਟਿਕਟ 'ਤੇ ਸਾਲ 2004 'ਚ ਰਾਜਸਥਾਨ ਦੇ ਬੀਕਾਨੇਰ ਤੋਂ ਚੋਣ ਜਿੱਤ ਚੁੱਕੇ ਹਨ। ਇਸ ਤੋਂ ਇਲਾਵਾ ਹੇਮਾ ਮਾਲਿਨੀ ਵੀ ਮਥੁਰਾ ਤੋਂ ਭਾਜਪਾ ਦੀ ਸੰਸਦ ਹੈ। ਇਸ ਲੋਕ ਸਭਾ ਚੋਣਾਂ 'ਚ ਵੀ ਉਹ ਮਥੁਰਾ ਤੋਂ ਚੋਣਾਂ ਦੇ ਮੈਦਾਨ 'ਚ ਆ ਰਹੀ ਹੈ।