ਸੰਨੀ ਦਿਓਲ ਨੂੰ ਚੋਣਾਂ 'ਚ ਖੜ੍ਹਾ ਕਰਕੇ ਪਿਤਾ ਧਰਮਿੰਦਰ ਨੇ ਕਿਹਾ 'ਸਿਆਸਤ ਬੜੀ ਘਿਨੌਣੀ'
4/30/2019 8:38:04 AM
ਮੁੰਬਈ (ਬਿਊਰੋ) : ਬਾਲੀਵੁੱਡ ਦੇ ਹੀਮੈਨ ਆਖੇ ਜਾਣ ਵਾਲੇ ਮਸ਼ਹੂਰ ਅਦਾਕਾਰ ਧਰਮਿੰਦਰ ਦਾ ਵੱਡਾ ਬੇਟਾ ਸੰਨੀ ਦਿਓਲ ਗੁਰਦਾਸਪੁਰ ਤੋਂ ਭਾਰਤੀ ਜਨਤਾ ਪਾਰਟੀ ਦੇ ਉਮੀਦਵਾਰ ਵਜੋਂ ਲੋਕ ਸਭਾ ਚੋਣ ਲੜ ਰਹੇ ਹਨ। ਸੰਨੀ ਦਿਓਲ ਨੇ ਬੀਤੇ ਦਿਨ ਆਪਣੀ ਨਾਮਜ਼ਦਗੀ ਦਾਖਲ ਕਰ ਦਿੱਤੀ ਹੈ। ਹਾਲਾਂਕਿ, ਧਰਮਿੰਦਰ ਨੇ ਵੀ ਉਨ੍ਹਾਂ ਨਾਲ ਆਉਣਾ ਸੀ ਪਰ ਬੌਬੀ ਦਿਓਲ ਨੇ ਭਰਾ ਸੰਨੀ ਦਾ ਸਾਥ ਦਿੱਤਾ ਤੇ ਪਿਤਾ ਸੋਸ਼ਲ ਮੀਡੀਆ ਰਾਹੀਂ ਪੁੱਤ ਦੇ ਪੱਖ 'ਚ ਨਿੱਤਰੇ।
राजनीति इतनी घिन्नौनि हो चुकी है दोस्तों ... यहाँ A ...Z बन जाती है ....Z .... A हो जता है.... .....हम इस की A B C नहीं जानते .....हाँ... भारत हमारी माँ है ....माँ के लिए हम.......... pic.twitter.com/iupFK1X8yr
— Dharmendra Deol (@aapkadharam) April 29, 2019
ਦੱਸ ਦਈਏ ਕਿ ਇਸ ਦੌਰਾਨ ਧਰਮਿੰਦਰ ਨੇ ਆਪਣੇ ਟਵਿਟਰ ਅਕਾਊਂਟ 'ਤੇ ਇਕ ਟਵੀਟ ਕਰਕੇ ਸਿਆਸਤ ਨੂੰ ਘਿਨਾਉਣੀ ਚੀਜ਼ ਦੱਸਿਆ ਅਤੇ ਲੋਕਾਂ ਤੋਂ ਆਪਣੇ ਪੁੱਤਰ ਲਈ ਸਾਥ ਮੰਗਿਆ। ਇਸ ਤੋਂ ਇਲਾਵਾ ਧਰਮਿੰਦਰ ਨੇ ਇਕ ਹੋਰ ਟਵੀਟ ਕਰਕੇ ਸੰਨੀ ਦੀ ਸਿਆਸੀ ਪਾਰੀ ਦੀ ਸ਼ੁਰੂਆਤ ਨੂੰ ਆਪਣੇ ਨਾਲ ਮੇਲਦਿਆਂ ਬੀਕਾਨੇਰ ਦੇ ਸੰਸਦ ਮੈਂਬਰ ਵਜੋਂ ਆਪਣੇ ਕਾਰਜਕਾਲ ਨੂੰ ਯਾਦ ਕੀਤਾ। ਧਰਮਿੰਦਰ ਨੇ ਕਿਹਾ ਕਿ ਉਨ੍ਹਾਂ ਬੀਕਾਨੇਰ 'ਚ ਪਿਛਲੇ 50 ਸਾਲਾਂ ਤੋਂ ਵੱਧ ਕੰਮ ਆਪਣੇ ਪੰਜ ਸਾਲਾਂ 'ਚ ਕਰਵਾ ਦਿੱਤੇ, ਜਿਸ 'ਤੇ ਕਈਆਂ ਨੇ ਅਸਿਹਮਤੀ ਵੀ ਜਤਾਈ।
हम ..... हमआप का सहयोग माँगते हैं ......हमारा साथ दो .....जीत ये ....आप की होगी ....मेरे पंजाब के भाई बहनो की हो गी ...भारत माँ के एक ख़ूबसूरत अंग गुरदासपुर की हो गी 🙏 pic.twitter.com/stnXcStKXZ
— Dharmendra Deol (@aapkadharam) April 29, 2019
ਦੱਸਣਯੋਗ ਹੈ ਕਿ ਧਰਮਿੰਦਰ ਨੇ ਜਲਦ ਹੀ ਸਿਆਸਤ ਤੋਂ ਤੌਬਾ ਕਰ ਲਈ ਪਰ ਆਪਣੇ ਸੰਸਦੀ ਕਾਰਜਕਾਲ ਦੌਰਾਨ ਸਦਨ 'ਚੋਂ ਗੈਰਹਾਜ਼ਰੀ ਕਰਕੇ ਧਰਮਿੰਦਰ ਦੀ ਖਾਸੀ ਅਲੋਚਨਾ ਹੁੰਦੀ ਰਹੀ ਹੈ। ਉਨ੍ਹਾਂ ਦੀ ਦੂਜੀ ਪਤਨੀ ਤੇ ਸੰਨੀ ਦੀ ਮਤਰੇਈ ਮਾਂ ਹੇਮਾ ਮਾਲਿਨੀ ਦਾ ਸਿਆਸੀ ਕਰੀਅਰ ਉਨ੍ਹਾਂ ਦੇ ਮੁਕਾਬਲੇ ਬਿਹਤਰ ਹੈ। ਹੁਣ ਧਰਮਿੰਦਰ ਦੇ ਪੁੱਤਰ ਸੰਨੀ ਦਿਓਲ ਨੇ ਵੀ ਭਾਰਤੀ ਜਨਤਾ ਪਾਰਟੀ ਨਾਲ ਜੁੜ ਆਪਣੇ ਸਿਆਸੀ ਜੀਵਨ ਦੀ ਸ਼ੁਰੂਆਤ ਕਰ ਲਈ ਹੈ ਤੇ ਧਰਮਿੰਦਰ ਹੇਮਾ ਦੇ ਨਾਲ-ਨਾਲ ਸੰਨੀ ਦਿਓਲ ਦਾ ਵੀ ਪੂਰਾ ਸਾਥ ਦੇ ਰਹੇ ਹਨ। ਧਰਮਿੰਦਰ ਨੇ ਕਿਹਾ ਕਿ ਉਹ ਜਾਣਦੇ ਹਨ ਕਿ ਸੰਨੀ ਦਿਓਲ ਲਈ ਇਹ ਦੌਰ ਸੁਖਾਲਾ ਨਹੀਂ ਹੋਵੇਗਾ। ਆਉਣ ਵਾਲੇ ਸਮੇਂ 'ਚ ਇਹ ਦੇਖਣਯੋਗ ਹੋਵੇਗਾ ਕਿ ਦਿਓਲ ਪਰਿਵਾਰ ਦਾ ਤੀਜਾ ਮੈਂਬਰ ਸਿਆਸਤ 'ਚ ਕੀ ਰੰਗ ਲਾਉਂਦਾ ਹੈ।
Rajneeti muqadqar main thi , ham chale aye. ab Bahut sare mere Bhai behan bhali buri bateyn keheyn ge. Un sab KI bateyn sar mathe par . Ek baat mein dawe se keh dena chahta hoon jo kaam Bekaner main 50 saal se na ho sake mein nain 5 saal main karwa liye they . pic.twitter.com/y2htogxBKc
— Dharmendra Deol (@aapkadharam) April 28, 2019
ਆਪਣੇ ਭਾਈਚਾਰੇ ਚੋ ਆਪਣੇ ਜੀਵਨਸਾਥੀ ਦੀ ਚੋਣ ਕਰੋ - ਮੁਫ਼ਤ ਰਿਜਿਸਟ੍ਰੇਸ਼ਨ ਕਰੇ