'ਕੋਰੋਨਾ' ਖਿਲਾਫ ਜੰਗ 'ਚ ਮੁੜ ਅੱਗੇ ਆਏ ਸ਼ਾਹਰੁਖ ਖਾਨ, ਡਬਲਯੂ. ਐੱਚ. ਓ. ਨੇ ਵੀ ਕੀਤੀ ਤਾਰੀਫ

ਜਲੰਧਰ (ਵੈੱਬ ਡੈਸਕ) - ਡਬਲਯੂ ਐੱਚ ਓ ਨੇ ਬਾਲੀਵੁੱਡ ਦੇ ਕਿੰਗ ਯਾਨੀ ਕਿ ਸ਼ਾਹਰੁਖ ਖਾਨ ਦਾ ਧੰਨਵਾਦ ਕੀਤਾ ਹੈ। ਸ਼ਾਹਰੁਖ ਇੰਨੀ ਦਿਨੀਂ 'ਕੋਰੋਨਾ ਵਾਇਰਸ' ਦੀ ਮਾਰ ਝੱਲ ਰਹੇ ਲੋਕਾਂ ਦੀ ਹਰ ਸੰਭਵ ਮਦਦ ਕਰਨ ਦੀ ਕੋਸ਼ਿਸ਼ ਕਰ ਰਹੇ ਹਨ। ਨਾਲ ਹੀ ਲੋਕਾਂ ਵਿਚ 'ਕੋਵਿਡ 19' ਬਾਰੇ ਜਾਗਰੂਕਤਾ ਵੀ ਫੈਲਾ ਰਹੇ ਹਨ। ਡਬਲਯੂ ਐੱਚ ਓ ਨੇ ਬੀਤੇ ਦਿਨੀ 'ਕੋਰੋਨਾ ਵਾਇਰਸ' ਖਿਲਾਫ ਜੰਗ ਲੜ ਰਹੇ ਸਿਹਤਕਰਮਚਾਰੀਆਂ ਅਤੇ ਇਸ ਦੌਰਾਨ ਲੋਕਾਂ ਨੂੰ ਜ਼ਰੂਰੀ ਸੇਵਾ ਪ੍ਰਦਾਨ ਕਰ ਰਹੇ ਲੋਕਾਂ ਲਈ ਆਯੋਜਨ ਰੱਖਿਆ ਸੀ। ਇਸ ਆਯੋਜਨ ਵਿਚ ਸ਼ਾਹਰੁਖ ਖਾਨ ਸਮੇਤ ਦੁਨੀਆਭਰ ਦੀ ਹਸਤੀਆਂ ਨੇ ਹਿੱਸਾ ਲਿਆ ਅਤੇ ਕੋਰੋਨਾ ਦੇ ਖਿਲਾਫ ਜੰਗ ਲੜ ਰਹੇ ਲੋਕਾਂ ਦਾ ਉਤਸ਼ਾਹ ਵਧਾਇਆ। ਡਬਲਯੂ ਐੱਚ ਓ ਦੀ ਵੱਲੋਂ ਆਯੋਜਿਤ ਕੀਤੇ ਗਏ ਪ੍ਰੋਗਰਾਮ ਦਾ ਨਾਂ 'ਵਨ ਵਰਲਡ ਟੂਗੈਦਰ ਐਟ ਹੋਮ' ਸੀ। ਇਹ ਇਕ ਵਰਚੁਅਲ ਪ੍ਰੋਗਰਾਮ ਗੈਰ-ਲਾਭਕਾਰੀ ਸੰਗਠਨ ਗਲੋਬਲ ਸਿਟੀਜਨ ਦੀ ਮਦਦ ਨਾਲ ਰੱਖਿਆ ਗਿਆ ਸੀ। ਇਸ ਆਯੋਜਨ ਵਿਚ ਮੌਜੂਦ ਸਾਰੇ ਕਲਾਕਾਰਾਂ ਨੇ ਘਰ ਬੈਠ ਕੇ ਆਪਣੀ ਖਾਸ ਪਰਫਾਰਮੈਂਸ ਦਿੱਤੀ।

Thank you @iamsrk for standing in solidarity with @WHO & @GlblCtzn, & for joining the One world, #TogetherAtHome programme tonight. In solidarity, we can keep the world safe! #COVID19 https://t.co/GyMtp9MoDp

— Tedros Adhanom Ghebreyesus (@DrTedros) April 19, 2020

 ਇਸ ਆਯੋਜਨ ਵਿਚ ਸ਼ਾਮਿਲ ਹੋਣ ਵਾਲੇ ਦਾ ਡਬਲਯੂ ਐੱਚ ਓ ਦੇ ਮਹਾਨਿਰਦੇਸ਼ਕ ਡਾਕਟਰ ਟੇਡਰੋਸ ਅਧਾਨੋਮ ਗੈਬੇਰੀਅਸ ਨੇ ਵੀ ਧੰਨਵਾਦ ਕੀਤਾ। ਉਨ੍ਹਾਂ ਨੇ ਟਵਿੱਟਰ 'ਤੇ ਸ਼ਾਹਰੁਖ ਖਾਨ ਦਾ ਧੰਨਵਾਦ ਕਰਦੇ ਹੋਏ ਟਵੀਟ ਵਿਚ ਲਿਖਿਆ, ''ਸ਼ਾਹਰੁਖ ਖਾਨ ਡਬਲਯੂ ਐੱਚ ਓ ਅਤੇ ਗਲੋਬਲ ਸਿਟੀਜਨ ਨਾਲ ਇਕਜੁਟਤਾ ਦਿਖਾਉਣ ਅਤੇ 'ਵਨ ਵਰਲਡ ਟੂਗੈਦਰ ਐਟ ਹੋਮ' ਦਾ ਹਿੱਸਾ ਬਣਨ ਲਈ ਧੰਨਵਾਦ। ਇਸ ਇਕਜੁਟਤਾ ਨਾਲ ਅਸੀਂ ਦੁਨੀਆ ਤੋਂ 'ਕੋਵਿਡ 19' ਦਾ ਸਫਾਇਆ ਕਰ ਸਕਦੇ ਹਨ।'' 

Health care workers on the frontlines of the #COVID19 crisis need our support. That’s why I’m standing in solidarity with @glblctzn and @WHO for One World: #TogetherAtHome — a one-night special event on April 18. Find out how and when you can tune in: https://t.co/UlyDDSy7Rl pic.twitter.com/SOVmaF86ps

— Shah Rukh Khan (@iamsrk) April 14, 2020

ਡਾਕਟਰ ਟੇਡਰੋਸ ਅਧਾਨੋਮ ਗੈਬੇਰੀਅਸ ਨੇ  ਆਪਣੇ ਟਵੀਟ ਵਿਚ ਇਹ ਵੀ ਦੱਸਿਆ ਕਿ ਆਪਣੇ ਪਰਫਾਰਮੈਂਸ ਦੌਰਾਨ ਸ਼ਾਹਰੁਖ ਖਾਨ ਨੇ ਦਰਸ਼ਕਾਂ ਤੋਂ ਹਰ ਇਕ ਉਸ ਇਨਸਾਨ ਦੀ ਮਦਦ ਕਰਨ ਦੀ ਅਪੀਲ ਕੀਤੀ, ਜਿਹੜਾ ਘਰ ਵਿਚ ਰਹਿਣ ਦੌਰਾਨ ਮੁਸ਼ਕਿਲਾਂ ਤੋਂ ਲੰਘ ਰਿਹਾ ਹੈ। ਸ਼ਾਹਰੁਖ ਖਾਨ ਨੇ ਕਿਹਾ ਕਿ 130 ਕਰੋੜ ਦੀ ਆਬਾਦੀ ਵਾਲਾ ਦੇਸ਼ ਭਾਰਤ ਵਿਚ 'ਲੌਕ ਡਾਊਨ' ਹੈ। ਇਸ ਦੇਸ਼ ਵਿਚ ਸਭ ਤੋਂ ਕਮਜ਼ੋਰ ਲੋਕਾਂ ਨੂੰ 'ਕੋਰੋਨਾ ਵਾਇਰਸ' ਦੀ ਮਾਰ ਪੈ ਰਹੀ ਹੈ। ਇਸ ਤੋਂ ਇਲਾਵਾ ਸ਼ਾਹਰੁਖ ਖਾਨ 'ਕੋਰੋਨਾ' ਨੂੰ ਲੈ ਕੇ ਹੋਰ ਵੀ ਕਈ ਗੱਲਾਂ ਕੀਤੀਆਂ।

As the world is coping with the outbreak of COVID-19, We must not forget those without a voice. Let's make sure stray & abandoned animals are treated with care and compassion.

Help @amtmindia via
https://t.co/IoZC3Y1mcI

— Shah Rukh Khan (@iamsrk) April 17, 2020