JNU ਹਿੰਸਾ ਦੇ ਵਿਰੋਧ 'ਚ ਸੜਕ 'ਤੇ ਉਤਰੇ ਫਿਲਮੀ ਸਿਤਾਰੇ, ਕਿਹਾ 'ਅਸੀਂ ਸਾਰੇ ਬੇਵਕੂਫ ਨਹੀਂ ਹਾਂ'
1/7/2020 2:54:33 PM
ਨਵੀਂ ਦਿੱਲੀ (ਬਿਊਰੋ) : ਜੇ. ਐੱਨ. ਯੂ. ਕੈਂਪਸ 'ਚ ਵਿਦਿਆਰਥੀਆਂ 'ਤੇ ਹੋਏ ਹਮਲੇ ਤੋਂ ਬਾਅਦ ਪੂਰੇ ਦੇਸ਼ 'ਚ ਇਸ ਹਿੰਸਾ ਦਾ ਵਿਰੋਧ ਹੋ ਰਿਹਾ ਹੈ। ਦੇਸ਼ ਦੇ ਵੱਖ-ਵੱਖ ਹਿੱਸਿਆਂ 'ਚ ਹਿੰਸਾ ਖਿਲਾਫ ਪ੍ਰਦਰਸ਼ਨ ਕੀਤੇ ਜਾ ਰਹੇ ਹਨ। ਇਸੇ ਲੜੀ 'ਚ ਮੁੰਬਈ 'ਚ ਇਕ ਪ੍ਰਦਰਸ਼ਨ ਹੋਇਆ, ਜਿਸ 'ਚ ਵਿਦਿਆਰਥੀਆਂ, ਆਮ ਜਨਤਾ ਦੇ ਨਾਲ-ਨਾਲ ਬਾਲੀਵੁੱਡ ਹਸਤੀਆਂ ਵੀ ਸ਼ਾਮਲ ਹੋਈਆਂ ਅਤੇ ਇਸ ਹਿੰਸਾ ਖਿਲਾਫ ਆਵਾਜ਼ ਚੁੱਕੀ।
ਪ੍ਰਦਰਸ਼ਨ 'ਤੇ ਪਹੁੰਚੇ ਸੈਲੇਬਸ ਤੋਂ ਇਲਾਵਾ ਵੀ ਕਈ ਹਸਤੀਆਂ ਨੇ ਸੋਸ਼ਲ ਮੀਡੀਆ ਜ਼ਰੀਏ ਵਿਦਿਆਰਥੀਆਂ 'ਤੇ ਹੋਏ ਹਮਲੇ ਦੀ ਨਿੰਦਾ ਕੀਤੀ ਸੀ।
ਮੁੰਬਈ ਦੇ ਕਾਰਟਰ ਰੋਡ 'ਤੇ ਹੋਏ ਇਸ ਪ੍ਰਦਰਸ਼ਨ 'ਚ ਦਿਆ ਮਿਰਜ਼ਾ, ਅਨੁਰਾਗ ਕਸ਼ਯਪ, ਜ਼ੋਆ ਅਖਤਰ, ਵਿਸ਼ਾਲ ਭਾਰਦਵਾਜ, ਸਵਾਨੰਦ ਕਿਰਕਿਰੇ, ਰਿਚਾ ਚੱਢਾ, ਅਨੁਭਵ ਸਿਨ੍ਹਾ, ਗੌਹਰ ਖਾਨ ਸਮੇਤ ਕਈ ਕਲਾਕਾਰਾਂ ਨੇ ਹਿੱਸਾ ਲਿਆ।
ਇਸ ਦੌਰਾਨ ਸੈਲੇਬਸ ਆਪਣੇ ਹੱਥਾਂ 'ਚ ਸਲੋਗਨ ਲਿਖੇ, ਬੋਰਡ ਅਤੇ ਝੰਡੇ ਹੱਥ 'ਚ ਲਈ ਦਿਖਾਈ ਦਿੱਤੇ। ਪ੍ਰਦਰਸ਼ਨ 'ਚ ਪਹੁੰਚੇ ਅਨੁਰਾਗ ਕਸ਼ਯਪ ਨੇ ਹੱਥ 'ਚ ਬੋਰਡ ਲਿਆ ਹੋਇਆ ਸੀ, ਜਿਸ 'ਤੇ 'ਏਅਫ' ਲਿਖਿਆ ਹੋਇਆ ਸੀ। ਇਸ ਤੋਂ ਇਲਾਵਾ ਹਸਤੀਆਂ ਨੇ ਹਿੰਸਾ ਦੇ ਵਿਰੋਧ 'ਚ ਨਾਅਰੇਬਾਜ਼ੀ ਵੀ ਕੀਤੀ।
ਆਪਣੇ ਭਾਈਚਾਰੇ ਚੋ ਆਪਣੇ ਜੀਵਨਸਾਥੀ ਦੀ ਚੋਣ ਕਰੋ - ਮੁਫ਼ਤ ਰਿਜਿਸਟ੍ਰੇਸ਼ਨ ਕਰੇ