ਕਿਸ਼ੋਰ ਕੁਮਾਰ ਦੇ ਪਰਿਵਾਰ ਨੇ ਕਪਿਲ ਦੇ ਸ਼ੋਅ 'ਚ ਕੀਤੀ ਖੂਬ ਮਸਤੀ, ਦੇਖੋ ਤਸਵੀਰਾਂ

ਮੁੰਬਈ(ਬਿਊਰੋ)— 'ਦਿ ਕਪਿਲ ਸ਼ਰਮਾ' ਸ਼ੋਅ ਹਰ ਵਾਰ ਦੀ ਤਰ੍ਹਾਂ ਇਸ ਹਫਤੇ ਵੀ ਕਾਫੀ ਮਸਤੀ ਭਰਿਆ ਰਿਹਾ। ਕਪਿਲ ਦੇ ਸ਼ੋਅ 'ਚ ਮਹਿਮਾਨ ਬਣ ਕੇ ਆਏ ਸੁਰ ਸਮਰਾਟ ਕਿਸ਼ੋਰ ਕੁਮਾਰ ਦੇ ਪਰਿਵਾਰ ਨੇ ਸ਼ਿਰਕਤ ਕੀਤੀ। ਇਸ ਦੌਰਾਨ ਗਾਇਕ ਕਿਸ਼ੋਰ ਕੁਮਾਰ ਦੀ ਪਤਨੀ ਲੀਨਾ ਚੰਦਾਵਰਕਰ, ਉਨ੍ਹਾਂ ਦੇ ਬੇਟੇ ਅਮਿਤ ਅਤੇ ਸੁਮਿਤ ਕੁਮਾਰ ਨੇ ਖੂਬ ਮਸਤੀ ਕੀਤੀ। ਸ਼ੋਅ 'ਚ ਗਾਇਕ ਅਮਿਤ ਕੁਮਾਰ ਨੇ ਵੀ ਕਈ ਖੁਲਾਸੇ ਅਤੇ ਦਿਲਚਸਪ ਕਿੱਸੇ ਸੁਣਾਏ। ਕਪਿਲ ਦੇ ਸ਼ੋਅ 'ਚ ਅਮਿਤ ਕੁਮਾਰ ਨੇ ਕਈ ਗੀਤ ਗਾਏ ਜਿਸ 'ਚ 'ਚਲਾ ਜਾਤਾ ਹੂੰ', 'ਕਿਸੀ ਕੇ ਦਿਲ ਮੇਂ'... ਅਤੇ 'ਕੋਈ ਹਮਦਮ ਨਾ ਰਹਾ', 'ਕੋਈ ਸਰਾਹਾ ਨਾ ਰਹਾ' ਦਰਸ਼ਕਾਂ ਨੂੰ ਕਾਫੀ ਪਸੰਦ ਆਏ।
ਇਸ ਤੋਂ ਬਾਅਦ ਸ਼ੋਅ ਦੇ ਮਾਹੌਲ 'ਚ ਰੰਗ ਭਰਣ ਲਈ ਕ੍ਰਿਸ਼ਣਾ ਅਭਿਸ਼ੇਕ, ਕੀਕੂ ਸ਼ਾਰਦਾ ਅਤੇ ਚੰਦਨ ਪ੍ਰਭਾਕਰ ਨੇ ਡਾਂਸ ਪਰਫਾਰਮ ਕਰਕੇ ਕਿਸ਼ੋਰ ਕੁਮਾਰ ਨੂੰ ਸ਼ਰਧਾਜਲੀ ਦਿੱਤੀ। 'ਇਕ ਚਤੂਰ ਨਾਰ ਬੜੀ ਹੋਸ਼ੀਆਰ' ਦੇ ਗੀਤ 'ਤੇ ਪਰਫਾਰਮ ਦਿੱਤੀ ਗਈ, ਜਿਸ ਨੂੰ ਦੇਖ ਕੇ ਸਾਰੇ ਦਰਸ਼ਕ ਖੜ੍ਹੇ ਹੋ ਕੇ ਤਾਲੀਆਂ ਬਜਾਉਣ 'ਤੇ ਮਜ਼ਬੂਰ ਹੋ ਗਏ। ਇਹ ਪਰਫਾਰਮੈਂਸ ਇੰਨ੍ਹੀਂ ਧਮਾਕੇਦਾਰ ਸੀ ਕਿ ਕਿਸ਼ੋਰ ਦੇ ਬੇਟੇ ਅਮਿਤ ਇਸ ਨੂੰ ਦੇਖ ਕੇ ਭਾਵੁਕ ਹੋ ਗਏ।

ਜਾਣਕਾਰੀ ਲਈ ਦੱਸ ਦੇਈਏ ਕਿ ਕਿਸ਼ੋਰ ਕੁਮਾਰ ਦੇ ਵੱਡੇ ਬੇਟੇ ਅਮਿਤ ਕੁਮਾਰ ਇਕ ਪਲੇਬੈਕ ਸਿੰਗਰ ਹੈ। ਉਨ੍ਹਾਂ ਬਾਲੀਵੁੱਡ ਦੀਆਂ ਕਈ ਫਿਲਮਾਂ 'ਚ ਗੀਤ ਗਾਇਆ ਹੈ। ਇਸ 'ਚ 'ਹਿੰਮਤਵਾਲਾ', 'ਮਾਈ ਨੇਮ ਇਜ ਐਂਥੋਨੀ', 'ਧਮਾਲ', 'ਟ੍ਰੈਫਿਕ ਸਿਗਨਲ', 'ਆਪਣਾ ਸਪਨਾ ਮਨੀ ਮਨੀ', 'ਧਮਾਲ' ਸਮੇਤ ਕਈ ਫਿਲਮਾਂ ਸ਼ਾਮਿਲ ਹਨ।