ਵਿਵਾਦਾਂ ’ਚ ਘਿਰੇ ਟਿਕਟਾਕ ਸਟਾਰ ਫੈਜ਼ਲ ਸਿੱਦੀਕੀ, ਜਾਣੋ ਮਾਮਲਾ
5/19/2020 11:22:45 AM
ਮੁੰਬਈ(ਬਿਊਰੋ)- ਬੀਤੇ ਕੁੱਝ ਦਿਨਾਂ ਤੋਂ ਟਿਕਟਾਕ ਕਾਫੀ ਵਿਵਾਦਾਂ ਵਿਚ ਰਿਹਾ ਹੈ। ਸੋਮਵਾਰ ਨੂੰ ਇਸ ਪਲੇਟਫਾਰਮ ’ਤੇ ਉਪਲੱਬਧ ਇਕ ਵੀਡੀਓ ਨੂੰ ਲੈ ਕੇ ਕਾਫ਼ੀ ਬਬਾਲ ਹੋ ਗਿਆ। ਫੈਜ਼ਲ ਸਿੱਦੀਕੀ ਨਾਮ ਦੇ ਇਕ ਟਿਕਟਾਕ ਸਟਾਰ ਨੇ ਆਪਣੇ ਅਕਾਊਂਟ ਤੋਂ ਕੁੱਝ ਦਿਨ ਪਹਿਲਾਂ ਇਕ ਵੀਡੀਓ ਅਪਲੋਡ ਕੀਤਾ ਸੀ, ਦੋਸ਼ ਹੈ ਕਿ ਫੈਜਲ ਨੇ ਇਸ ਵੀਡੀਓ ਰਾਹੀਂ ਐਸਿਡ ਅਟੈਕ ਨੂੰ ਪ੍ਰਮੋਟ ਕੀਤਾ ਹੈ। ਫੈਜ਼ਲ ਸਿੱਦੀਕੀ ਦੇ ਇਸ ਵੀਡੀਓ ’ਤੇ ਬਾਲੀਵੁੱਡ ਅਦਾਕਾਰਾ ਪੂਜਾ ਭੱਟ ਭੜਕ ਗਈ ਹੈ। ਉਨ੍ਹਾਂ ਨੇ ਇਕ ਟਵੀਟ ਕਰਦੇ ਹੋਏ ਇਸ ’ਤੇ ਨਾਰਾਜ਼ਗੀ ਜ਼ਾਹਿਰ ਕੀਤੀ ਹੈ। ਉਨ੍ਹਾਂ ਨੇ ਲਿਖਿਆ,‘‘ਇਸ ਧਰਤੀ ’ਤੇ ਲੋਕਾਂ ਨਾਲ ਕੀ ਗਲਤ ਹੈ? ਇਹ ਬਹੁਤ ਖਰਾਬ ਹੈ। ਟਿਕਟਾਕ ਇੰਡੀਆ ਤੁਸੀਂ ਇਸ ਤਰ੍ਹਾਂ ਦੇ ਕੰਟੈਟ ਦੀ ਕਿਵੇਂ ਆਗਿਆ ਦੇ ਸਕਦੇ ਹੋ। ਇਸ ਆਦਮੀ ਨੂੰ ਕੰਮ ’ਤੇ ਲਗਾਏ ਜਾਣ ਦੀ ਜ਼ਰੂਰਤ ਹੈ ਅਤੇ ਜੋ ਮਹਿਲਾ ਇਸ ਵੀਡੀਓ ਵਿਚ ਹੈ, ਕੀ ਤੁਹਾਨੂੰ ਅਹਿਸਾਸ ਵੀ ਹੈ ਕਿ ਇਸ ਤਰ੍ਹਾਂ ਦੀ ਵੀਡੀਓ ਦਾ ਹਿੱਸਾ ਬਣ ਕੇ ਤੁਸੀ ਕਿੰਨਾ ਵੱਡਾ ਨੁਕਸਾਨ ਕਰ ਰਹੀ ਹੋ?’’
What on earth is wrong with people? This is depraved. How can you allow this kind of content on your platform @TikTok_IN This man needs to be taken to task. As for the woman in the video-do you realise what immense harm you are causing by participating in this? https://t.co/I5OLTEZGVe
— Pooja Bhatt (@PoojaB1972) May 18, 2020
ਕੀ ਹੈ ਇਸ ਵੀਡੀਓ ’ਚ
ਵੀਡੀਓ ਵਿਚ ਦਿਖਾਇਆ ਗਿਆ ਹੈ ਕਿ ਫੈਜ਼ਲ ਇਕ ਅਜਿਹੇ ਲੜਕੇ ਦੀ ਐਕਟਿੰਗ ਕਰ ਰਿਹਾ ਹੈ, ਜਿਸ ਨੂੰ ਪਿਆਰ ਵਿਚ ਧੋਖਾ ਮਿਲਿਆ ਹੈ। ਉਹ ਲੜਕੀ ਨੂੰ ਕਹਿੰਦਾ ਹੈ ਕਿ ਉਸ ਨੇ ਉਸ ਨੂੰ ਦੂੱਜੇ ਮੁੰਡੇ ਲਈ ਛੱਡ ਦਿੱਤਾ। ਇਸ ਤੋਂ ਬਾਅਦ ਫੈਜਲ ਉਸ ਲੜਕੀ ’ਤੇ ਕੁੱਝ ਸੁੱਟਦਾ ਹੈ, ਜਿਸ ਨੂੰ ਐਸਿਡ ਸਮਝਿਆ ਜਾ ਰਿਹਾ ਹੈ। ਅਗਲੇ ਹੀ ਸੀਨ ਵਿਚ ਮੇਕਅੱਪ ਨਾਲ ਇਕ ਲੜਕੀ ਦਿਖਾਈ ਦਿੰਦੀ ਹੈ, ਜਿਸ ਨੂੰ ਦੇਖਣ ਨਾਲ ਲੱਗਦਾ ਹੈ ਕਿ ਐਸਿਡ ਕਾਰਨ ਉਸ ਦਾ ਚਿਹਰਾ ਖ਼ਰਾਬ ਹੋ ਗਿਆ ਹੈ। ਬਬਾਲ ਹੋਣ ਤੋਂ ਬਾਅਦ ਫੈਜ਼ਲ ਨੇ ਇਸ ਵੀਡੀਓ ਨੂੰ ਡਿਲੀਟ ਕਰ ਦਿੱਤਾ ਹੈ।
ਫੈਜ਼ਲ ਦੇ ਇਸ ਵੀਡੀਓ ਨੂੰ ਲੈ ਕੇ ਭਾਜਪਾ ਦੇ ਨੇਤਾ ਤਜਿੰਦਰ ਪਾਲ ਸਿੰਘ ਬੱਗਾ ਨੇ ਇਸ ਦੀ ਸ਼ਿਕਾਇਤ ਰਾਸ਼ਟਰੀ ਮਹਿਲਾ ਕਮੇਟੀ ਦੀ ਪ੍ਰਧਾਨ ਰੇਖਾ ਸ਼ਰਮਾ ਨੂੰ ਕੀਤੀ, ਜਿਸ ਤੋਂ ਬਾਅਦ ਉਨ੍ਹਾਂ ਨੇ ਦੱਸਿਆ ਕਿ ਉਹ ਇਸ ਮਾਮਲੇ ਨੂੰ ਪੁਲਸ ਅਤੇ ਟਿਕਟਾਕ ਇੰਡੀਆ ਤੱਕ ਲੈ ਕੇ ਜਾਏਗੀ। ਰੇਖਾ ਸ਼ਰਮਾ ਨੇ ਟਵੀਟ ਕਰਦੇ ਹੋਏ ਦੱਸਿਆ ਕਿ ਉਨ੍ਹਾਂ ਨੇ ਮਹਾਰਾਸ਼ਟਰ ਦੇ ਡੀਜੀਪੀ ਨੂੰ ਪੱਤਰ ਲਿਖ ਕੇ ਫੈਜਲ ਖਿਲਾਫ ਐਕਸ਼ਨ ਲੈਣ ਦੀ ਮੰਗ ਕੀਤੀ ਹੈ। ਇੰਨਾ ਹੀ ਨਹੀਂ ਉਨ੍ਹਾਂ ਨੇ ਟਿਕਟਾਕ ਇੰਡੀਆ ਨੂੰ ਵੀ ਪੱਤਰ ਲਿਖ ਕੇ ਫੈਜ਼ਲ ਨੂੰ ਆਪਣੇ ਪਲੇਟਫਾਰਮ ਤੋਂ ਬਲਾਕ ਕਰਨ ਲਈ ਕਿਹਾ ਹੈ।
Written to @DGPMaharashtra DGP to take action against #FaizalSiddiqui. Also wrote to @TikTok_IN to block this person from the platform, though they have deleted the video from it after a call from @NCWIndia https://t.co/drBqy9ykji pic.twitter.com/X1CpM8soBt
— Rekha Sharma (@sharmarekha) May 18, 2020
ਦੱਸ ਦੇਈਏ ਕਿ ਫੈਜ਼ਲ ਸਿੱਦੀਕੀ ਟੀਮ ਨਵਾਬ ਦੇ ਮੈਂਬਰ ਅਤੇ ਆਮਿਰ ਸਿੱਦੀਕੀ ਦੇ ਭਰਾ ਹਨ। ਆਮਿਰ ਨੇ ਹਾਲ ਹੀ ਵਿਚ ਟਿਕਟਾਕ ਵੀਡੀਓ ਬਣਾਇਆ ਸੀ, ਜਿਸ ਵਿਚ ਉਨ੍ਹਾਂ ਨੇ ਰਾਏ ਦਿੱਤੀ ਕਿ ਟਿਕਟਾਕ ਯੂਟਿਊਬ ਤੋਂ ਬਿਹਤਰ ਕਿਉਂ ਹੈ। ਇਸ ਤੋਂ ਬਾਅਦ ਯੂਟਿਊਬਰ ਕੈਰੀ ਮਿਨਾਟੀ ਨੇ ਉਨ੍ਹਾਂ ਨੂੰ ਰੋਸਟ ਕੀਤਾ ਸੀ।
ਆਪਣੇ ਭਾਈਚਾਰੇ ਚੋ ਆਪਣੇ ਜੀਵਨਸਾਥੀ ਦੀ ਚੋਣ ਕਰੋ - ਮੁਫ਼ਤ ਰਿਜਿਸਟ੍ਰੇਸ਼ਨ ਕਰੇ