ਪਹਿਲੇ ਦਿਨ ਹੀ ਬਾਕਸ ਆਫਿਸ 'ਤੇ ਛਾਈ 'ਟੋਟਲ ਧਮਾਲ'

ਜਲੰਧਰ(ਬਿਊਰੋ)— ਬਾਲੀਵੁੱਡ ਬਾਕਸ ਆਫਿਸ 'ਤੇ ਇਸ ਹਫਤੇ ਇੰਦਰ ਕੁਮਾਰ ਦੇ ਨਿਰਦੇਸ਼ਨ 'ਚ ਬਣੀ ਫਿਲਮ 'ਟੋਟਲ ਧਮਾਲ' ਰਿਲੀਜ਼ ਹੋਈ ਹੈ। ਫਿਲਮ ਨੂੰ ਦਰਸ਼ਕਾਂ ਵੱਲੋਂ ਕਾਫੀ ਵਧੀਆ ਰਿਸਪਾਂਸ ਮਿਲ ਰਿਹਾ ਹੈ। ਫਿਲਮ ਨੇ ਪਹਿਲੇ ਦਿਨ ਹੀ ਵਧੀਆ ਕਮਾਈ ਕੀਤੀ ਹੈ। ਜੀ ਹਾਂ, ਅਜੈ ਦੇਵਗਨ ਦੀ ਫਿਲਮ ਨੇ ਸ਼ੁੱਕਰਵਾਰ ਯਾਨੀ ਪਹਿਲੇ ਦਿਨ ਕਰੀਬ 16.50 ਕਰੋੜ ਦੀ ਕਮਾਈ ਕੀਤੀ।

#TotalDhamaal - non-holiday release - creates dhamaal on Day 1... Biz multiplies as day progresses... Mass circuits rocking... Metros/plexes witness upward trend... Biz should grow on Day 2 and contribute to a big total over the weekend... Fri ₹ 16.50 cr. India biz.

— taran adarsh (@taran_adarsh) February 23, 2019

ਫਿਲਮ ਆਲੋਚਕ ਤਰਨ ਆਦਰਸ਼ ਦੇ ਟਵੀਟ ਮੁਤਾਬਕ ਫਿਲਮ ਨੇ 16.50 ਕਰੋੜ ਦੀ ਕਮਾਈ ਕੀਤੀ ਹੈ। ਆਉਣ ਵਾਲੇ ਦਿਨਾਂ 'ਚ ਫਿਲਮ ਦੀ ਹੋਰ ਵਧੀਆ ਕਮਾਈ ਦੀ ਉਮੀਦ ਕੀਤੀ ਜਾ ਰਹੀ ਹੈ। ਖਬਰਾਂ ਮੁਤਾਬਕ ਫਿਲਮ ਦਾ ਬਜਟ 100 ਕਰੋੜ ਦੱਸਿਆ ਜਾ ਰਿਹਾ ਹੈ। ਇਸ ਫਿਲਮ 'ਚ ਅਨਿਲ ਕਪੂਰ, ਰਿਤੇਸ਼ ਦੇਸ਼ਮੁੱਖ, ਅਜੈ ਦੇਵਗਨ, ਮਾਧੁਰੀ ਦੀਕਸ਼ਿਤ, ਅਰਸ਼ਦ ਵਾਰਸੀ, ਸੰਜੈ ਦੱਤ, ਬੋਮਨ ਈਰਾਨੀ, ਈਸ਼ਾ ਗੁਪਤਾ ਸਮੇਤ ਕਈ ਹੋਰ ਸਿਤਾਰੇ ਨਜ਼ਰ ਆ ਰਹੇ ਹਨ।

ਦੱਸ ਦੇਈਏ ਕਿ 14 ਫਰਵਰੀ ਨੂੰ ਜੰਮੂ ਕਸ਼ਮੀਰ ਦੇ ਪੁਲਵਾਮਾ 'ਚ CRPF 'ਤੇ ਹਮਲੇ ਤੋਂ ਬਾਅਦ ਦੇਸ਼ਭਰ 'ਚ ਪਾਕਿਸਤਾਨ ਖਿਲਾਫ ਗੁੱਸੇ ਦਾ ਮਾਹੌਲ ਹੈ। ਜਿਸ ਕਾਰਨ ਅਜੈ ਦੇਵਗਨ ਨੇ ਇਸ ਫਿਲਮ ਨੂੰ ਪਾਕਿਸਤਾਨ 'ਚ ਰਿਲੀਜ਼ ਨਹੀਂ ਕੀਤਾ ਹੈ। ਦੇਖਣਾ ਇਹ ਹੋਵੇਗਾ ਕਿ ਆਉਣ ਵਾਲੇ ਦਿਨਾਂ 'ਚ ਅਜੈ ਦੇਵਗਨ ਦੀ ਫਿਲਮ 'ਟੋਟਲ ਧਮਾਲ' ਬਾਕਸ ਆਫਿਸ 'ਤੇ ਕਿੰਨਾ ਧਮਾਲ ਮਚਾਉਂਦੀ ਹੈ।