68 ਕਰੋੜ ਦੀ ਜਾਇਦਾਦ ਦੀ ਮਾਲਕਣ ਹੈ ਉਰਮਿਲਾ ਮਾਤੋਂਡਕਰ ਤੇ 32 ਲੱਖ ਕਰਜ਼ਾਈ
4/9/2019 2:45:42 PM
ਮੁੰਬਈ (ਬਿਊਰੋ) : ਬਾਲੀਵੁੱਡ ਅਦਾਕਾਰਾ ਉਰਮਿਲਾ ਮਾਤੋਂਡਕਰ ਮੁੰਬਈ ਨਾਰਥ ਤੋਂ ਕਾਂਗਰਸ ਦੀ ਟਿਕਟ 'ਤੇ ਲੋਕ ਸਭਾ ਦੀਆਂ ਚੋਣਾਂ ਲੜ ਰਹੀ ਹੈ। ਉਰਮਿਲਾ ਨੇ ਸੋਮਵਾਰ ਨੂੰ ਬਾਂਦਰਾ ਕਲੇਕਟਰ ਆਫਿਸ 'ਚ ਜਾ ਕੇ ਨਾਮਜ਼ਦਗੀ ਕਾਗਜ਼ ਭਰਿਆ। ਨਾਮਜ਼ਦਗੀ ਦੇ ਖਾਸ ਮੌਕੇ 'ਤੇ ਉਰਮਿਲਾ ਮਾਤੋਂਡਕਰ ਦਾ ਅੰਦਾਜ਼ ਦੇਖਣਯੋਗ ਸੀ।
ਉਰਮਿਲਾ ਨੇ ਨਾਮਜ਼ਦਗੀ ਦੇ ਸਮੇਂ ਸਫੈਦ ਰੰਗ ਦਾ ਸੂਟ ਪਾਇਆ ਸੀ ਅਤੇ ਸਿਰ 'ਤੇ ਨਾਰੰਗੀ ਸਾਫਾ ਬੰਨ੍ਹਿਆ ਸੀ। ਉਰਮਿਲਾ ਨੇ ਇੰਸਟਾਗ੍ਰਾਮ 'ਤੇ ਆਪਣੀ ਇਕ ਤਸਵੀਰ ਵੀ ਪੋਸਟ ਕੀਤੀ ਹੈ, ਜਿਸ ਦੀ ਕੈਪਸ਼ਨ 'ਚ 'ਸਪੋਰਟਰ ਤੇ ਮੀਡੀਆ ਦਾ ਧੰਨਵਾਦ ਕੀਤਾ।'
ਕਾਂਗਰਸ ਦੀ ਉਮੀਦਵਾਰ ਉਰਮਿਲਾ ਮਾਤੋਂਡਕਰ ਨੇ ਨਾਮਜ਼ਦਗੀ ਦੌਰਾਨ ਆਪਣੀ ਸੰਪਤੀ ਕਰੀਬ 68.28 ਕਰੋੜ ਰੁਪਏ ਘੋਸ਼ਿਤ ਕੀਤੀ ਹੈ। ਉਸ ਦੇ ਖਿਲਾਫ ਕੋਈ ਆਪਰਾਧਿਕ ਮਾਮਲਾ ਨਹੀਂ ਹੈ।
ਚੋਣ ਆਯੋਗ 'ਚ ਦਾਖਲ ਉਰਮਿਲਾ ਦੇ ਹਲਫਨਾਮੇ ਮੁਤਾਬਕ, ਸਾਲ 2013-14 'ਚ ਮਾਤੋਂਡਕਰ ਦੀ ਆਮਦਨੀ 1.27 ਕਰੋੜ ਰੁਪਏ ਸੀ। ਸਾਲ 2017-18 'ਚ ਦੁਗਣੇ ਤੋਂ ਵੀ ਜ਼ਿਆਦਾ 2.85 ਕਰੋੜ ਰੁਪਏ ਹੋ ਗਈ। ਉਸ ਦੀ ਚਲ ਸੰਪਤੀ 40,93,474 ਰੁਪਏ ਤੇ ਅਚਲ ਸੰਪਤੀ 27,34,81,000 ਰੁਪਏ ਹੈ।
ਦੱਸ ਦਈਏ ਕਿ ਉਰਮਿਲਾ ਮਾਤੋਂਡਕਰ ਨੇ ਕਸ਼ਮੀਰ ਦੇ ਰਹਿਣ ਵਾਲੇ ਐੱਮ. ਏ. ਮੀਰ ਨਾਲ ਵਿਆਹ ਕਰਵਾਇਆ। ਉਸ ਦੀ ਚਲ ਸੰਪਤੀ 32,35,752,53 ਰੁਪਏ ਅਤੇ ਅਚਲ ਸੰਪਤੀ 30,00,000 ਰੁਪਏ ਹੈ। ਇਸੇ ਤਰ੍ਹਾਂ ਉਸ ਦੀ ਕੁਲ ਸੰਪਤੀ ਲਗਭਗ 62.35 ਲੱਖ ਰੁਪਏ ਹੈ। ਮੀਰ ਪੇਸ਼ੇ ਤੋਂ ਮਾਡਲ ਅਤੇ ਬਿਜ਼ਨੈੱਸਮੈਨ ਹੈ।
ਮਾਤੋਂਡਕਰ ਨੇ ਇਸ ਤੋਂ ਇਲਾਵਾ 32 ਲੱਖ ਰੁਪਏ ਦਾ ਲੋਨ ਵੀ ਲੇ ਰੱਖਿਆ ਹੈ। ਉਸ ਦੀਆਂ ਸੰਪਤੀਆਂ 'ਚ ਬੈਂਕ 'ਚ ਜਮਾ, ਨਕਦੀ, ਗੱਡੀਆ ਅਤੇ ਜ਼ਮੀਨ ਜ਼ਾਇਦਾਦ 'ਚ ਨਿਵੇਸ਼ਾਂ ਨੂੰ ਜੋੜਿਆ ਗਿਆ ਹੈ।
ਦੱਸ ਦਈਏ ਕਿ ਮੁੰਬਈ ਦੀ 6 ਲੋਕ ਸਭਾ ਸੀਟਾਂ 'ਤੇ ਚੌਥੇ ਚਰਨ 'ਚ 29 ਅਪ੍ਰੈਲ ਨੂੰ ਮਤਦਾਨ ਹੋਣਗੇ।
ਉਰਮੀਲਾ ਦਾ ਮੁਕਾਬਲਾ ਬੀਜੇਪੀ ਦੇ ਗੋਪਾਲ ਸ਼ੈੱਟੀ ਨਾਲ ਹੈ, ਜਿਨ੍ਹਾਂ ਨੇ 2014 'ਚ ਕਾਂਗਰਸ ਉਮੀਦਵਾਰ ਸੰਜੈ ਨਿਰੁਪਮ ਨੁੰ ਹਰਾਇਆ ਸੀ। ਫਿਲਹਾਲ ਇਨ੍ਹਾਂ ਦਿਨੀਂ ਉਰਮੀਲਾ ਕਾਂਗਰਸ ਦਾ ਪ੍ਰਚਾਰ ਕਰਨ 'ਚ ਕੋਈ ਕਮੀ ਨਹੀ ਛੱਡ ਰਹੀ।
ਆਪਣੇ ਭਾਈਚਾਰੇ ਚੋ ਆਪਣੇ ਜੀਵਨਸਾਥੀ ਦੀ ਚੋਣ ਕਰੋ - ਮੁਫ਼ਤ ਰਿਜਿਸਟ੍ਰੇਸ਼ਨ ਕਰੇ