ਆਖਿਰ ਵਾਰ-ਵਾਰ ਵਰੁਣ ਧਵਨ ਕਿਉਂ ਆਲੀਆ ਨੂੰ ਫੀਸ ਵਧਾਉਣ ਦੀ ਦਿੰਦਾ ਸਲਾਹ?
9/21/2018 9:52:41 AM
ਮੁੰਬਈ(ਬਿਊਰੋ)— ਫਿਲਮ ਇੰਡਸਟਰੀ 'ਚ ਮੇਲ ਅਤੇ ਫੀਮੇਲ ਸਟਾਰਸ 'ਚ ਵੀ ਫੀਸ ਦੇ ਅੰਤਰ ਪ੍ਰਤੀ ਲੰਬੇ ਸਮੇਂ ਤੋਂ ਚਰਚਾ ਹੋ ਰਹੀ ਹੈ ਪਰ ਇਸ ਦਾ ਕੋਈ ਖਾਸ ਅਸਰ ਨਜ਼ਰ ਨਹੀਂ ਆ ਰਿਹਾ। ਬਾਕਸ ਆਫਿਸ 'ਤੇ ਕਾਮਯਾਬ ਫਿਲਮਾਂ ਦੇਣ ਵਾਲੇ ਐਕਟਰ ਵਰੁਣ ਨੇ ਵੀ ਹੁਣ ਇਸ ਬਾਰੇ ਗੱਲ ਕੀਤੀ ਹੈ।
ਵਰੁਣ ਨੇ ਆਪਣੀ ਕੋ-ਸਟਾਰ ਆਲੀਆ ਭੱਟ ਨੂੰ ਵੀ ਕਈਂ ਵਾਰ ਆਪਣੀ ਫੀਸ ਵਧਾਉਣ ਦੀ ਸਲਾਹ ਦਿੱਤੀ ਹੈ। ਕਿਉਂਕਿ ਆਲੀਆ ਨੇ ਹੁਣ ਤੱਕ ਕੋਈ ਫਲਾਪ ਫਿਲਮ ਨਹੀਂ ਦਿੱਤੀ ਹੈ ਅਤੇ ਉਹ ਫਿਲਮਾਂੇ ਲਈ ਕਾਫੀ ਘੱਟ ਫੀਸ ਲੈਂਦੀ ਹੈ।
ਵਰੁਣ ਨੇ ਕਿਹਾ, 'ਮੈਨੂੰ ਨਹੀਂ ਪਤਾ ਇੰਡਸਟਰੀ 'ਚ ਅਜਿਹਾ ਕਿਉਂ ਹੈ ਕਿ ਜਦੋਂ ਤੱਕ 'ਰਾਜ਼ੀ' ਰਿਲੀਜ਼ ਨਹੀਂ ਹੋਈ ਸੀ, ਉਦੋਂ ਤੱਕ ਬਿਜ਼ਨੈੱਸ ਦੇ ਲਿਹਾਜ ਤੋਂ ਆਲੀਆ ਨੂੰ ਵੱਡੀ ਸਟਾਰ ਨਹੀਂ ਮੰਨਿਆ ਗਿਆ। ਆਲੀਆ ਨੇ ਸਭ ਹਿੱਟ ਫਿਲਮਾਂ ਹੀ ਦਿੱਤੀਆਂ ਹਨ ਅਤੇ ਉਸ ਦੀਆਂ ਫਿਲਮਾਂ ਲਈ ਜਿੰਨਾਂ ਕਿਸੇ ਹੋਰ ਦਾ ਰੋਲ ਰਿਹਾ ਉੇਨ੍ਹੀਂ ਹੀ ਆਲੀਆ ਨੇ ਵੀ ਮਿਹਨਤ ਕੀਤੀ ਹੈ।'' ਵਰੁਣ ਨੇ ਅੱਗੇ ਕਿਹਾ, ''ਮੈਂ ਹਮੇਸ਼ਾ ਆਲੀਆ ਨੂੰ ਕਹਿੰਦਾ ਹਾਂ, ਤੁਸੀਂ ਅਜਿਹਾ ਕਿਉਂ ਕਰ ਰਹੇ ਹੋ? ਤੁਸੀਂ ਬਹੁਤ ਘੱਟ ਫੀਸ ਲੈ ਰਹੇ ਹੋ, ਤੁਹਾਨੂੰ ਆਪਣੀ ਫੀਸ 'ਚ ਵਾਧਾ ਕਰਨਾ ਚਾਹਿਦਾ ਹੈ।''
ਦੱਸ ਦੇਈਏ ਕਿ ਵਰੁਣ ਅਤੇ ਆਲੀਆ ਨੇ ਇੱਕਠੇ ਹੀ ਫਿਲਮ 'ਸਟੂਡੈਂਟ ਆਫ ਦਿ ਈਅਰ' ਨਾਲ ਆਪਣਾ ਬਾਲੀਵੁੱਡ ਡੈਬਿਊ ਕੀਤਾ ਸੀ, ਜਿਸ ਤੋਂ ਬਾਅਦ ਦੋਵਾਂ ਨੇ ਕਈਂ ਫਿਲਮਾਂ 'ਚ ਕੰਮ ਕੀਤਾ ਹੈ ਅਤੇ ਇਕ ਵਾਰ ਫਿਰ ਇਹ ਜੋੜੀ ਹਿੱਟ ਫਿਲਮ 'ਕਲੰਕ' 'ਚ ਨਜ਼ਰ ਆਉਣ ਲਈ ਤਿਆਰ ਹੈ।
ਵਰੁਣ ਦੀ ਆਲੀਆ ਨੂੰ ਦਿੱਤੀ ਇਸ ਸਲਾਹ ਤੋਂ ਤਾਂ ਅਸੀਂ ਵੀ ਸਹਿਮਤ ਹਾਂ ਕਿ ਆਲੀਆ ਨੂੰ ਹੁਣ ਆਪਣੀ ਫੀਸ 'ਚ ਕੁਝ ਤਾਂ ਵਾਧਾ ਕਰ ਹੀ ਲੈਣਾ ਚਾਹਿਦਾ ਹੈ। ਵਰੁਣ ਦੇ ਕੰਮ ਦੀ ਗੱਲ ਕਰੀਏ ਤਾਂ ਉਹ ਜਲਦ ਹੀ ਫਿਲਮ 'ਸੁਈ ਧਾਗਾ' 'ਚ ਨਜ਼ਰ ਆਉਣ ਵਾਲੇ ਹਨ।
ਆਪਣੇ ਭਾਈਚਾਰੇ ਚੋ ਆਪਣੇ ਜੀਵਨਸਾਥੀ ਦੀ ਚੋਣ ਕਰੋ - ਮੁਫ਼ਤ ਰਿਜਿਸਟ੍ਰੇਸ਼ਨ ਕਰੇ
