3 ਸੁਪਰਹਿੱਟ ਫਿਲਮਾਂ ਦੇਣ ਤੋਂ ਬਾਅਦ ਇਸ ਐਕਟਰ ਨੇ ਖਰੀਦਿਆ ਆਲੀਸ਼ਾਨ ਬੰਗਲਾ, ਕੀਮਤ ਕਰੋੜਾਂ ''ਚ
11/28/2019 9:05:53 AM
ਮੁੰਬਈ (ਬਿਊਰੋ) — ਵਿਜੈ ਦੇਵਰਕੋਂਡਾ ਅੱਜ ਦੇ ਸਮੇਂ 'ਚ ਤੇਲੁਗੂ ਫਿਲਮਾਂ ਦੇ ਸਫਲ ਸਿਤਾਰਿਆਂ 'ਚੋਂ ਇਕ ਹਨ। ਇਸ ਵਾਰ ਵਿਜੈ ਆਪਣੀ ਫਿਲਮ ਨੂੰ ਲੈ ਕੇ ਨਹੀਂ ਸਗੋਂ ਨਵੇਂ ਘਰ ਨੂੰ ਲੈ ਕੇ ਸੁਰਖੀਆਂ 'ਚ ਛਾਏ ਹੋਏ ਹਨ। ਵਿਜੈ ਨੇ ਆਪਣੇ ਜੁਬਲੀ ਹਿਲਸ ਵਰਗੇ ਪਾਸ਼ ਇਲਾਕੇ 'ਚ ਇਕ ਨਵਾਂ ਘਰ ਖਰੀਦਿਆਂ ਹੈ। ਖਬਰ ਹੈ ਕਿ ਇਸ ਘਰ ਦੀ ਕੀਮਤ 15 ਕਰੋੜ ਤੋਂ ਜ਼ਿਆਦਾ ਹੈ।
ਸੋਸ਼ਲ ਮੀਡੀਆ 'ਤੇ ਉਵ੍ਹਾਂ ਦੇ ਗ੍ਰਹਿ ਪ੍ਰਵੇਸ਼ ਦੀਆਂ ਤਸਵੀਰਾਂ ਵਾਇਰਲ ਹੋ ਰਹੀਆਂ ਹਨ। ਪਰਿਵਾਰ ਨਾਲ ਇਕ ਤਸਵੀਰ ਵਿਜੈ ਨੇ ਵੀ ਸ਼ੇਅਰ ਕੀਤੀ ਹੈ, ਜਿਸ ਦੀ ਕੈਪਸ਼ਨ 'ਚ ਉਨ੍ਹਾਂ ਨੇ ਲਿਖਿਆ ਹੈ ਕਿ, ''ਮੈਂ ਬਹੁਤ ਵੱਡਾ ਘਰ ਖਰੀਦਿਆ ਹੈ। ਇਸ 'ਚ ਮੈਨੂੰ ਡਰ ਲੱਗਦਾ ਹੈ। ਹਾਂ ਮੈਨੂੰ ਮਾਂ ਦੀ ਲੋੜ ਹੈ।
ਮੈਨੂੰ ਸੁਰੱਖਿਆਤ ਮਹਿਸੂਸ ਕਰਵਾਉਣ ਲਆ ਤੇ ਇਸ ਮਕਾਨ ਨੂੰ ਘਰ ਬਣਾਉਣ ਲਈ।'' ਆਪਣੇ ਗ੍ਰਹਿ ਪ੍ਰਵੇਸ਼ ਦੇ ਮੌਕੇ 'ਤੇ ਵਿਜੈ ਪਾਰੰਪਰਿਕ ਪੋਸ਼ਾਕ 'ਚ ਨਜ਼ਰ ਆਏ। ਤਸਵੀਰ 'ਚ ਉਨ੍ਹਾਂ ਨਾਲ ਉਨ੍ਹਾਂ ਦਾ ਭਰਾ ਤੇ ਮਾਤਾ-ਪਿਤਾ ਨਜ਼ਰ ਆ ਰਹੇ ਹਨ।
ਦੱਸਣਯੋਗ ਹੈ ਕਿ ਵਿਜੈ ਦੇਵਰਕੋਂਡਾ ਦਾ ਨਾਂ ਇਸ ਸਾਲ ਫੋਬਰਸ ਦੁਆਰਾ ਜਾਰੀ ਅੰਡਰ 30 ਦੀ ਲਿਸਟ 'ਚ ਵੀ ਆਇਆ ਸੀ। ਮਹਿਜ਼ 30 ਦੀ ਉਮਰ 'ਚ ਹੀ ਉਨ੍ਹਾਂ ਨੇ ਕਾਫੀ ਜਾਇਦਾਦ ਬਣਾ ਲਈ ਹੈ। ਕਦੇ ਅਕਾਊਂਟ 'ਚ ਪੈਸੇ ਨਾ ਹੋਣ ਕਾਰਨ ਉਨ੍ਹਾਂ ਦਾ ਬੈਂਕ ਅਕਾਊਂਟ ਸੀਲ ਕਰ ਦਿੱਤਾ ਗਿਆ ਸੀ। ਪਿਛਲੇ 4 ਸਾਲਾਂ 'ਚ ਵਿਜੈ ਦੇਵਰਕੋਂਡਾ 'ਪੇਲੀ ਚੁਪੂਲ', 'ਅਰਜੁਨ ਰੈੱਡੀ', 'ਮਹਾਨਤੀ', 'ਗੀਤਾ ਗੋਵਿੰਦਮ' ਤੇ 'ਟੈਕਸੀ ਡਰਾਈਵਰ' ਵਰਗੀਆਂ ਫਿਲਮਾਂ 'ਚ ਨਜ਼ਰ ਆ ਚੁੱਕੇ ਹਨ। ਸਾਲ 2016 'ਚ ਆਈ ਫਿਲਮ 'ਪੇਲੀ ਚੁਪੂਲ' ਨੂੰ ਬੈਸਟ ਤੇਲੁਗੂ ਫਿਲਮ ਦਾ ਨੈਸ਼ਨਲ ਐਵਾਰਡ ਮਿਲਿਆ ਸੀ। ਇਸ ਤੋਂ ਇਲਾਵਾ ਸਾਲ 2017 'ਚ ਆਈ ਫਿਲਮ 'ਅਰਜੁਨ ਰੈੱਡ' ਨਾਲ ਵਿਜੈ ਨੇ ਖੂਬ ਸਟਾਰਡਮ ਹਾਸਲ ਕੀਤਾ।
ਆਪਣੇ ਭਾਈਚਾਰੇ ਚੋ ਆਪਣੇ ਜੀਵਨਸਾਥੀ ਦੀ ਚੋਣ ਕਰੋ - ਮੁਫ਼ਤ ਰਿਜਿਸਟ੍ਰੇਸ਼ਨ ਕਰੇ
