ਪਾਕਿਸਤਾਨੀ ਅਦਾਕਾਰਾ ਦੇ ਸਮਰਥਨ ''ਚ ''ਰਈਸ'' ਦੇ ਨਿਰਦੇਸ਼ਕ, ਕਿਹਾ-''ਉਹ ਦੁਸ਼ਮਣ ਨਹੀਂ, ਕਲਾਕਾਰ ਸੀ''
12/16/2017 11:49:20 AM
ਨਵੀਂ ਦਿੱਲੀ(ਬਿਊਰੋ)— ਫਿਲਮ 'ਰਈਸ' ਦੀ ਰਿਲੀਜ਼ਿੰਗ ਤੋਂ ਸਾਲ ਬਾਅਦ ਇਸ ਦੇ ਨਿਰਦੇਸ਼ਕ ਰਾਹੁਲ ਢੋਲਕੀਆ ਨੇ ਪਾਕਿਸਤਾਨੀ ਅਦਾਕਾਰਾ ਮਾਹਿਰਾ ਖਾਨ ਦਾ ਸਮਰਥਨ ਕੀਤਾ ਹੈ। ਫਿਲਮ 'ਰਈਸ' ਦੀ ਰਿਲੀਜ਼ ਤੋਂ ਪਹਿਲਾਂ ਇਸ ਦਾ ਵਿਰੋਧ ਹੋਇਆ ਸੀ, ਕਿਉਂਕਿ ਇਸ 'ਚ ਸ਼ਾਹਰੁਖ ਖਾਨ ਨੇ ਓਪੋਜਿਟ ਪਾਕਿਸਤਾਨੀ ਕਲਾਕਾਰ ਮਾਹਿਰਾ ਖਾਨ ਸੀ।
ਉੜੀ ਅੱਤਵਾਦੀ ਹਮਲੇ ਤੋਂ ਬਾਅਦ ਕੁਝ ਸੰਗਠਨਾਂ ਨੇ ਪਾਕਿਸਤਾਨੀ ਕਲਾਕਾਰਾਂ ਨੂੰ ਬੈਨ ਕਰਨ ਦੀ ਮੰਗ ਕੀਤੀ ਸੀ। ਇਸੇ ਦੌਰਾਨ ਫਿਲਮ ਦਾ ਵੀ ਕਾਫੀ ਵਿਰੋਧ ਹੋਇਆ ਸੀ।
ਹਾਲ ਹੀ 'ਚ ਮਾਹਿਰਾ ਖਾਨ ਨੇ ਇਸ ਬਾਰੇ ਦੁਬਈ 'ਚ ਹੋਏ ਇਕ ਐਵਾਰਡ ਇਵੈਂਟ 'ਚ ਗੱਲ ਕੀਤੀ। ਉਨ੍ਹਾਂ ਨੇ ਇੰਟਰਵਿਊ 'ਚ ਕਿਹਾ, ਸ਼ਾਹਰੁਖ ਖਾਨ, ਰਾਹੁਲ, ਰਿਤੇਸ਼ ਬੱਤਰਾ ਜਾਂ ਫਿਰ ਫਰਹਾਨ ਅਖਤਰ ਸਾਰਿਆਂ ਦਾ ਸਾਥ ਬੇਹੱਦ ਸ਼ਾਨਦਾਰ ਰਿਹਾ। ਸਾਡੇ ਸਾਰਿਆਂ ਤੋਂ ਉੱਪਰ ਸਾਡੀ ਫਿਲਮ ਸੀ, ਜਿਸ ਨੇ ਸਾਨੂੰ ਇਕੱਠੇ ਕੀਤਾ। ਇਸ ਫਿਲਮ ਨੇ ਬਾਕਸ ਆਫਿਸ 'ਤੇ ਚੰਗਾ ਪ੍ਰਦਰਸ਼ਨ ਕੀਤਾ।''
So sweet ! Somewhere I feel We have wronged her. our people forgot that she is an artist, not the enemy ! we took away her right as an actor ! Unfair. @TheMahiraKhan you are wonderful and thank you for being a part of #Raees https://t.co/pFMutxN1qq
— rahul dholakia (@rahuldholakia) December 15, 2017
ਰਾਹੁਲ ਢੋਲਕੀਆ ਨੇ ਇਸ ਇੰਟਰਵਿਊ ਦੌਰਾਨ ਸ਼ੇਅਰ ਕਰਦੇ ਹੋਏ ਲਿਖਿਆ ਹੈ, ''ਕਿਤੇ ਨਾ ਕਿਤੇ ਮੈਨੂੰ ਲੱਗਦਾ ਹੈ ਕਿ ਅਸੀਂ ਗਲਤ ਸੀ। ਸਾਡੇ ਲੋਕ ਭੁੱਲ ਗਏ ਸੀ ਕਿ ਉਹ (ਮਾਹਿਰਾ ਖਾਨ) ਇਕ ਕਲਾਕਾਰ ਹੈ, ਦੁਸ਼ਮਣ ਨਹੀਂ। ਅਸੀਂ ਇਕ ਐਕਟਰ ਦੇ ਤੌਰ 'ਤੇ ਉਸ ਦੇ ਅਧਿਕਾਰਾਂ ਤੋਂ ਦੂਰ ਰਹੇ, ਜੋ ਕੀ ਗਲਤ ਸੀ। ਮਾਹਿਰਾ ਤੁਸੀਂ ਬੇਮਿਸਾਲ ਹੋ, 'ਰਈਸ' ਦਾ ਹਿੱਸਾ ਬਣਨ ਲਈ ਧੰਨਵਾਦ।''
ਆਪਣੇ ਭਾਈਚਾਰੇ ਚੋ ਆਪਣੇ ਜੀਵਨਸਾਥੀ ਦੀ ਚੋਣ ਕਰੋ - ਮੁਫ਼ਤ ਰਿਜਿਸਟ੍ਰੇਸ਼ਨ ਕਰੇ