Death Anniversary : ਰੋਮਾਂਸ ਦੇ ਅਸਲੀ ਬਾਦਸ਼ਾਹ ਸਨ ਯਸ਼ ਚੋਪੜਾ, ਸ਼ਾਹਰੁਖ ਨੂੰ ਬਣਾਇਆ ਬਾਲੀਵੁੱਡ ਦਾ ਕਿੰਗ
10/21/2018 1:03:00 PM
ਮੁੰਬਈ(ਬਿਊਰੋ)— ਡਾਇਰੈਕਟਰ ਯਸ਼ ਚੋਪੜਾ ਨੂੰ 'ਰੋਮਾਂਸ ਦਾ ਬਾਦਸ਼ਾਹ' ਇੰਝ ਹੀ ਨਹੀਂ ਕਿਹਾ ਜਾਂਦਾ। ਵੱਡੇ ਪਰਦੇ 'ਤੇ ਉਨ੍ਹਾਂ ਨੇ ਪਿਆਰ ਦਾ ਜਨੂੰਨ ਤੇ ਪਾਗਲਪਨ ਨੂੰ ਜਿਸ ਤਰ੍ਹਾਂ ਦਿਖਾਇਆ ਸ਼ਾਇਦ ਹੀ ਬਾਲੀਵੁੱਡ 'ਚ ਕੋਈ ਹੋਰ ਸਕਿਆ ਹੋਵੇ। 21 ਅਕਤੂਬਰ ਨੂੰ ਉਨ੍ਹਾਂ ਦੀ ਬਰਸੀ ਦੇ ਖਾਸ ਮੌਕੇ 'ਤੇ ਉਨ੍ਹਾਂ ਦੀ ਜ਼ਿੰਦਗੀ ਦਾ ਇਕ ਅਜਿਹਾ ਕਿੱਸਾ ਦੱਸਦੇ ਹਾਂ, ਜਿਸ 'ਚ ਉਨ੍ਹਾਂ ਨੇ ਇਕ ਐਕਟਰ ਨੂੰ ਇੰਡਸਟਰੀ ਦਾ 'ਬਾਦਸ਼ਾਹ' ਬਣਾ ਦਿੱਤਾ ਹੈ। ਯਸ਼ ਚੋਪੜਾ ਦਾ ਜਨਮ 27 ਸਤੰਬਰ 1932 ਨੂੰ ਹੋਇਆ ਸੀ। ਉਨ੍ਹਾਂ ਦੇ ਵੱਡੇ ਭਰਾ ਬੀ. ਆਰ. ਚੋਪੜਾ ਬਾਲੀਵੁੱਡ ਦੇ ਮਸ਼ਹੂਰ ਪ੍ਰੋਡਿਊਸਰ ਡਾਇਰੈਕਟਰ ਸਨ।
ਸ਼ੁਰੂਆਤ 'ਚ ਯਸ਼ ਚੋਪੜਾ ਨੇ ਆਪਣੇ ਭਰਾ ਨਾਲ ਹੀ ਕੰਮ ਕੀਤਾ। ਉਹ ਫਿਲਮ 'ਚ ਬਤੌਰ ਕੋ-ਡਾਇਰੈਕਟਰ ਕੰਮ ਕਰਦੇ ਸਨ। ਉਨ੍ਹਾਂ ਨੇ ਫਿਲਮ 'ਨਯਾ ਦੌਰ', 'ਏਕ ਹੀ ਰਾਸਤਾ' ਅਤੇ 'ਸਾਧਨਾ' ਵਰਗੀਆਂ ਫਿਲਮਾਂ 'ਚ ਕੰਮ ਕੀਤਾ ਸੀ। ਬਤੌਰ ਡਾਇਰੈਕਟਰ ਯਸ਼ ਚੋਪੜਾ ਨੇ ਪਹਿਲੀ ਫਿਲਮ ਸਾਲ 1959 'ਧੂਲ ਕਾ ਫੂਲ' ਬਣਾਈ ਸੀ। ਉਨ੍ਹਾਂ ਨੇ 22 ਫਿਲਮਾਂ ਡਾਇਰੈਕਟ ਕੀਤੀਆਂ ਜਦੋਂ ਕਿ 51 ਫਿਲਮਾਂ ਨੂੰ ਪ੍ਰੋਡਿਊਸ ਕੀਤਾ ਸੀ। ਯਸ਼ ਚੋਪੜਾ ਦੀਆਂ ਫਿਲਮਾਂ 'ਚ ਕੰਮ ਕਰਕੇ ਕਈ ਅਦਾਕਾਰਾਂ-ਐਕਟਰ ਸੁਪਰਸਟਾਰ ਬਣ ਗਏ।
ਇਨ੍ਹਾਂ 'ਚੋਂ ਇਕ ਨਾਂ ਕਿੰਗ ਖਾਨ ਯਾਨੀ ਸ਼ਾਹਰੁਖ ਖਾਨ ਦਾ ਹੈ। ਨਿਊਕਮਰ ਹੋਣ ਦੇ ਬਾਵਜੂਦ ਵੀ ਯਸ਼ ਚੋਪੜਾ ਨੇ ਸ਼ਾਹਰੁਖ ਖਾਨ 'ਤੇ ਭਰੋਸਾ ਕੀਤਾ ਤੇ ਫਿਲਮ 'ਡਰ' ਦਾ ਆਫਰ ਦਿੱਤਾ। ਦੋਵਾਂ ਦੀ ਦੋਸਤੀ ਇਸੇ ਫਿਲਮ ਨਾਲ ਸ਼ੁਰੂ ਹੋਈ ਸੀ। ਫਿਲਮ ਨਾਲ ਜੁੜਿਆ ਇਕ ਕਿੱਸਾ ਬਹੁਤ ਹੀ ਘੱਟ ਲੋਕ ਜਾਣਦੇ ਹਨ।
'ਡਰ' ਪਿਲਮ 'ਚ ਯਸ਼ ਚੋਪੜਾ ਸ਼ਾਹਰੁਖ ਖਾਨ ਨੂੰ ਪਹਿਲਾ ਲੈਣਾ ਨਹੀਂ ਚਾਹੁੰਦੇ ਸਨ। ਉਨ੍ਹਾਂ ਨੇ ਅਜੇ ਦੇਵਗਨ ਨੂੰ ਇਹ ਕਿਰਦਾਰ ਆਫਰ ਕੀਤਾ ਸੀ। ਉਸ ਸਮੇਂ ਅਜੇ ਦੇਵਗਨ ਡੇਟਸ ਦੀ ਕਮੀ ਕਾਰਨ ਇਸ ਫਿਲਮ ਨੂੰ ਠੁਕਰਾ ਦਿੱਤਾ।
ਅਜੇ ਦੇਵਗਨ ਦੇ ਮਨਾ ਕਰਨ ਤੋਂ ਬਾਅਦ ਇਸ ਫਿਲਮ ਲਈ ਆਮਿਰ ਖਾਨ ਨਾਲ ਸਪੰਰਕ ਕੀਤਾ ਗਿਆ ਪਰ ਉਨ੍ਹਾਂ ਨੇ ਵੀ ਇਨਕਾਰ ਕਰ ਦਿੱਤਾ। ਆਖਿਰ 'ਚ ਸ਼ਾਹਰੁਖ ਖਾਨ ਨੇ ਫਿਲਮ 'ਚ ਰਾਹੁਲ ਮੁਹਿਰਾ ਦਾ ਕਿਰਦਾਰ ਨਿਭਾਇਆ। ਸੰਨੀ ਦਿਓਲ ਨੇ 'ਡਰ' 'ਚ ਲੀਡ ਕਿਰਦਾਰ ਕੀਤਾ ਪਰ ਸ਼ਾਹਰੁਖ ਦਾ ਕਿਰਦਾਰ ਦਰਸ਼ਕਾਂ ਨੂੰ ਜ਼ਿਆਦਾ ਪਸੰਦ ਆਇਆ। ਇਸ ਫਿਲਮ ਤੋਂ ਬਾਅਦ ਸ਼ਾਹਰੁਖ ਦੀ ਕਿਸਮਤ ਰਾਤੋਂ-ਰਾਤ ਬਦਲ ਗਈ ਤੇ ਉਨ੍ਹਾਂ ਦੀ ਗਿਣਤੀ ਸੁਪਰਸਟਾਰ ਦੀ ਲਿਸਟ 'ਚ ਹੋਣ ਲੱਗੀ। ਇਸ ਫਿਲਮ ਤੋਂ ਬਾਅਦ ਸ਼ਾਹਰੁਖ ਖਾਨ ਤੇ ਸੰਨੀ ਦਿਓਲ ਨੇ ਕਦੇ ਕੰਮ ਨਹੀਂ ਕੀਤਾ।
ਇਕ ਇੰਟਰਵਿਊ ਦੌਰਾਨ ਸੰਨੀ ਦਿਓਲ ਨੇ ਨਾਰਾਜ਼ਗੀ ਜਤਾਉਂਦੇ ਹੋਏ ਕਿਹਾ ਸੀ ਕਿ 'ਫਿਲਮ 'ਚ ਵਿਲੇਨ ਨੂੰ ਹੀਰੋ ਨਾਲੋਂ ਜ਼ਿਆਦਾ ਦਮਦਾਰ ਤਰੀਕੇ ਨਾਲ ਪੇਸ਼ ਕੀਤਾ ਗਿਆ। ਜਦੋਂ ਮੈਨੂੰ ਪਤਾ ਲੱਗਾ ਕਿ ਫਿਲਮ ਦਾ ਅੰਤ ਕੁਝ ਅਜਿਹਾ ਹੋਣ ਹੈ ਤਾਂ ਮੈਂ ਵੀ ਕਾਫੀ ਹੈਰਾਨ ਹੋਇਆ ਸੀ।
ਪਹਿਲਾਂ ਤਾਂ ਸ਼ਾਹਰੁਖ ਨੂੰ ਵੀ ਲੱਗ ਰਿਹਾ ਸੀ ਕਿ ਕਿਤੇ ਨਗਟਿਵ ਕਿਰਦਾਰ ਦਾ ਅਸਰ ਉਸ ਦੀ ਕਰੀਅਰ 'ਤੇ ਬੁਰਾ ਨਾ ਪਵੇ ਪਰ ਉਨ੍ਹਾਂ ਦਾ ਇਹ ਡਰ ਗਲਤ ਸਾਬਿਤ ਹੋਇਆ ਤੇ ਉਹ ਬਾਲੀਵੁੱਡ ਦੇ ਕਿੰਗ ਬਣ ਗਏ। ਇਸ ਫਿਲਮ ਤੋਂ ਬਾਅਦ ਯਸ਼ ਚੋਪੜਾ ਤੇ ਸ਼ਾਹਰੁਖ ਨੇ ਕਈ ਹਿੱਟ ਫਿਲਮਾਂ ਦਿੱਤੀਆਂ। ਸ਼ਾਹਰੁਖ ਅੱਜ ਵੀ ਅਹਿਸਾਨ ਮੰਨਦੇ ਹਨ ਕਿ ਉਨ੍ਹਾਂ ਦੇ ਕਰੀਅਰ ਨੂੰ ਇਸ ਉਚਾਈ ਤੱਕ ਪਹੁੰਚਾਉਣ 'ਚ ਯਸ਼ ਚੋਪੜਾ ਦਾ ਸਭ ਤੋਂ ਵੱਡਾ ਹੱਥ ਹੈ।''
ਆਪਣੇ ਭਾਈਚਾਰੇ ਚੋ ਆਪਣੇ ਜੀਵਨਸਾਥੀ ਦੀ ਚੋਣ ਕਰੋ - ਮੁਫ਼ਤ ਰਿਜਿਸਟ੍ਰੇਸ਼ਨ ਕਰੇ